Ɛfɛ. 4:22 - Tampulma

²² Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 4:22 Σταυροειδείς Αναφορές

Room 6:6

Ya zimu di o chi ya gantɛl tuha kina a naa yaa tum tum tagna, wa un funɛ sou a li o daakakli ti ni, chen ni a wa zi bu kpak kpok a dɔ ya.

Room 7:11

Tum tagna funɛ na a nyinbaanu chiksɛ tima daha a fun mur min di o deŋlu di Koosa tum chen.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

Gal. 1:13

Ma zimu di saha digi mu funɛ tiŋ Koosau a chi Ju tim ta, mu fun a muksi Yesu nitiŋɛ ta kinkan. Mu wa fun a kpak ba siki a la daŋni mu chɔk ba maga.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

Ɛfɛ. 4:25

O chi ma maga ya Yesu Kristo bara luk pɛksiwa. Chendaha ma ta suni wɛ a nyɛ dɔŋ ni. Ma ka sɛm wuti sɛma a nyɛ ma dɔŋtim ni.

Ɛfɛ. 4:31

Ma kpa ma paan awa ma tu haasa awa chenani ma tɛsi a la zulimi dɔŋa a la chɔk dɔŋ sɔna a ta.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

Tait. 3:3

Ya ha wa fun zim Koosa a ya womna saha digi. Ya funɛ tiŋ ya titi nyinbaannɛ a vɛ tiŋ o nɔ. Saha maga ya yaa daŋni ya titi daŋnɛwa ka ya tusa sɔɔni. Ya yaa chɔk ya dɔŋtima sɔniwa a di handɔta a du ba ni. Nidamata fun ha ya. Ya gbanko ka fun ha ba.

Ju 12:1

Ba naa maga se funɛ su Koosa ka ba vɛ bur gantɛl, iiu kinkan. O chiu di ba baga nyɛn ya ni ka ba go ya. Chendaha o lawa ya kpa tum tagna a naa bɔm wa ya gil a ta. Ya nyɛni chi chɔchɔharɛ. Ma nyɛ ya chɔ a tiŋ nyinbaan naa Koosa fun kpa nyɛ ya wa kanyita ni.

Ju 3:13

Chendaha maa kpami dɔŋa wuzu kama, chen ni ma nidigi wa zi nyɛ sintana nyɛ ma se kpok a kimur ma maa tum tum tagna. Koosa koti a suŋi ya lalaknɔ, amaa wuzu digi o wuzu suŋi ti wa peti.

Jems 1:21

Chendaha o lawa ma kpa ma tum tagna magau a yo ta. Ma kpa ma bambe a nyɛ Koosa ni aa la o laaboor weri naa koti a yisi ma a li ma tum tagna ni hali a wa peti. O piin kpa unu a du ma bambi ni.

Jems 1:26

Nar ŋɔ di oo tiŋ Koosa a vɛ doso wa o sɛm ni, o mur o titirɛ. O Koosa tiŋi ti ya yɔrirɛ.

1 Pita 1:18

Ma lisi saha naa ma funɛ tiŋ ma nawaalsa nyinbaan naa funɛ ya yɔri chen, Koosa wa fun kpa salma akoo aniita a naa la zi wa chɔk, a la ma nyuuna a nyɛ ma di ma burgi aa tiŋ un. O ka fun a tum Kristo tɛɛnɛ nɔ maga ni di o wa sou o chɛl li. Koosa fun kpa chɛl weri ti a la ma nyuuna a nyɛ ma. Kristo funɛ chi piisibe werire naa Ju tima yaa fun kpa a la kɔrigi chene.

1 Pita 4:3

Saha digi ma wa ba naa funɛ vɛ zim Koosa, funɛ lagmi dɔŋ ni. Chenani ma funɛ tum tuma a chi ba, chen saha ti funɛ magu. Ma funɛ tum chɔkumsi tuma a la daŋni ma titi daŋnɛ ka ma wa ma chɛnsa lagmi a di diwe a la nyɔ sin di ma dɛɛsi aa la nyɛ vursa wa jirima yɔri yɔri.

2 Pita 2:13

Ba funɛ nyɛ nidamata namsiu. Chendaha Koosa zi nyɛ ba na namsiu. Ba tusa sɔɔniu baa tum tum tagna a su chenani ba bara daŋni nara maga suwachak ni. Ma wa ba lagmɛɛ a di diwe, ba yaa ya chene a nyɛ hiisa kpak ma.

2 Pita 2:7

Baal digi funɛ nyɛn doon ba yir un Lɔt. Nara tima chɔkumsi tuma fun a muksi un kinkan, domi o funɛ ya nibin werire. Chendaha Koosa fun yisi un a li ba wati.