Ɛfɛ. 4:14 - Tampulma

¹⁴ Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Ɛfɛ. 4:14 Σταυροειδείς Αναφορές

Mat. 11:7

Jɔn gantɛl tiŋsi ta funɛ bur a la o wati, Yesu fun burgi a ŋɔ zɛmɛ ta ni Jɔn wɛ. O fun ŋɔ ba, “Ma funɛ li a kaali Jɔn wati nyabaan ni chen, baŋnɛ ma funɛ daŋni ma na? Ma funɛ daŋni ma na bambi bilɛ tiinnee?

Mat. 24:11

Witinsi ta nidamata ba naa vɛ zim Koosa, zi wa wau a mur nara kinkan,

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Tuma 23:21

Ta tiŋ chenani ba ŋɔ hin. Ju tim ta bɔnɛ funɛ lagmi dɔŋ ni a vɔti nɔɔna a ŋɔ di ba vɛ kpu Pɔɔl, ba wa zi di diwe koo a nyɔ ni. Nɔɔna nivɔtɛ ta funɛ kaali nara fumnaasiu. Ba zi chem ma nyinbaan niu a kpu un. Hali ba saksɛu a pɔ di ba na baŋa kaa ya.”

1 Kɔr. 12:2

Ma zimu di saha naa ma ha fun vɛ zim Koosa chen, vursa a naa vɛ kpak miisa chen, funɛ dɔ ma a nyɛ ma nyuksi.

1 Kɔr. 14:20

Mu niinbisa, ma wa lagmi dɔŋ ni, ma ta chi bichɛsa ba naa vɛ kpak nɛsa. Ma ka lisi nihɛɛta lise. Amaa maa daŋni a chi bichɛsa, ba naa vɛ koti a tum tum tagna kinkan.

1 Kɔr. 3:19

Tɛɛnɛ nɔ tim maga zima ti ya yɔrirɛ Koosa wati. Ba funɛ sɔbiu a li Koosa sɛm tɔn ti ni a ŋɔ, “O wa nyaŋi ba naa yaa kpa tɛɛnɛ nɔ tim maga zima ti aa tum tum tagna.”

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Ɛfɛ. 6:11

Ma nyini o kpok naa Koosa fun kpa nyɛ ma se ni, sintana wa zi koti a wa mur ma.

1 Tim. 3:6

O si su Koosa tama, o wa kiya Yesu nitiŋɛ nyuhu tiina. O ya nyuhu tiina lalaga, o zi zer o titiu ka Koosa zi na o galimsa a chi o funɛ na sintana galimsa chen.

2 Tim. 1:15

I zimu di ba naa maga funɛ nyɛn mu wati a li Azia pulum ni kaalu a ka min. Hali nara balɛ naa ba yir Figɛlus awa Hɛmɔjɛnis, ba gbanko funɛ kaaliu.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

Jems 1:6

Ma sumi Koosa, ma nyɛ ma se su un a ta beeli. Nibin beeli chi chenani peha yaa mo ni a la suwachak awa gantɛl chene.

Jems 3:4

Ma gbanko kilisi arŋ zen wɛ. Pe zen yaa zer arŋ ti di o val lalaga. Arŋ ti niduse zi kotiu a kpa kiwewe naa yaa nyɛ arŋ ti deŋli aa val, chen ni ba zi nyɛ arŋ zen ti kila doonani ba daŋni o lau.

2 Pita 2:18

Ba sɛma la biksi ya di ba ya womniwa a la daŋni sɔna. Saha maga ba yaa sɛm sɛm lɛmawa a nyɛ nara ni a mur ba di baa tum chɔkumsi tuma. Nara nama piili di ba tiŋ Koosa nyinbaan ti a gil ba naa la tum tum tagna.

1 Jɔn 2:19

Ba bɔnɛ funɛ nyɛn ya wati, amaa ba wa fun ya ya walɛ. Ba fu funɛ ya ya walɛ, ba fu zi nyɛn ya watiu. Amaa chenani ba chɔ a li ya wati chen, biksi di ba wa ya ya walɛ.

1 Jɔn 2:26

Mu sɔbi tɔn nɔwa a nyɛ ma a ŋɔ ma ba naa la daŋni ba mur ma ma li Yesu wɛ ni.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

Juud 1:12

Ba wa ma lagmɛɛ di ma di diwe, ba nyini ba duŋduŋnɛ a la di a la nyɔ kinkan. Chen la chɔk ma lagmi ti. Ba chi dobaala naa peha ya a vɛ mi doone. Ba chi bugili naa vɛ koti a nɔɔnirɛ, chen ni nara wa hur a luta a chɛsi a siti.

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.