Ɛfɛ. 4:10 - Tampulma

¹⁰ O saha funɛ wa peti tɛɛnɛ nɔ maga ni, o fun bur a zini a kaali Koosa nihɛɛ bar kani di o su kin naa maga Koosa fun naami.

Ɛfɛ. 4:10 Σταυροειδείς Αναφορές

Mat. 24:34

Ma nyɛ mu ŋɔ ma, zinan nara wa zi wa siti hali kin naa maga wa ya.

Luk 24:44

Yesu fun ŋɔ ba, “O deŋlu di kin naa maga Mosis awa Koosa witinsi ta awa ba naa sɔbɛ boola funɛ sɔbi mu wɛwa saha digi a li Koosa sɛm tɔn ti ni, a ya wutirɛ. Ma wa lisi di saha naa mu fun nyɛn ma wati chen, mu fun biksi ma a wɛɛ?”

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Jɔn 19:24

Ba fun ŋɔ dɔŋ ni, “Ma ta nyɛ ya chɛɛsi un. Ma nyɛ ya yo walɛ a naa anti kaa di un.” Lanjimasi ta funɛ ya chene, di chenani ba fun sɔbi a li Koosa sɛm tɔn ti ni saha digi zi ya wutiu. Ba funɛ sɔbiu a ŋɔ, “Ba kpa mu kilaarɛu a purigi bɔni dɔŋa a ka mu takta we di ba yo walɛ a naa anti kaa di un.”

Jɔn 19:28

Nan gantɛl nɛɛ Yesu fun zim di o tum petiu. O fun ŋɔ, “Nyɔksa kpak min.” O fun ŋɔ sɛm ta chenani ba fun sɔbi a li Koosa sɛm tɔn ti ni chen zi ya wutiu.

Jɔn 19:36

Lanjima ti funɛ ya chene, di chenani ba fun sɔbi a li Koosa sɛm tɔn ti ni chen zi ya wutiu. Ba funɛ sɔbiu a ŋɔ, “Hali hok bɛgim wa zi boti a li o bara ni.”

Tuma 1:11

Nara balɛ ta digi fun ŋɔ ba, “Ma Galili tima, baŋnɛ ma chiŋi bar nɔ a nyini buudaha ni di ma ya? Chenani ma na ka Koosa zer o waa Yesu a zini o tɔhɔn ti, chene o vɛɛn kaa wa bur wa wuzu digi.”

Tuma 1:9

Yesu funɛ sɛm peti, Koosa fun zer un a zini o tɔhɔn ti. Ba funɛ nyini un chene ka o zini a la, dobaal fun wa tɔ un.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 3:18

Koosa funɛ nyɛ o witinsi ta mɔɔli saha digi di naa o vɔu di o zi wa tumu chen, zi wa namsiu. Koosa fun nyɛ ba sɛm ta ya wuti.

2 Kɔr. 12:2

Bun fidanaasi gantɛl ni, Koosa fun lisi min a zini a zu o tɔhɔn ti. Mu wa zim di o funɛ ya nan koo o chi mu funɛ deesiu. O duŋduŋ zim chen.

Ɛfɛ. 3:19

Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.

Kɔl. 1:19

Yesu ya Koosa titi. O funɛ ya o tutɔrɛ o wɛ maga fun a nyɛn Yesu ni.

Kɔl. 2:9

Chenani Koosa du nyɛn Kristo bara nɛɛ.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

Ju 4:14

Ya kpak naa ya Koosa dam kɔkɔɔra nizenu. O ya Koosa be, Yesu ti. O fun bur a zini a zu Koosa suwachak ni ya daha. Nan daha, o lawa ya kpak chenani ya se su unu nɛnɛ.

Ju 7:26

Yesu ya Koosa dam kɔkɔɔra naa ya daŋni. Waa ya tu chaan tiina, a vɛ tum tum tagna hali tama. Koosa funɛ waligi unu a li nibinsa ba naa la tum tum tagna ni a kpa un a zini o zu Koosa tɔha di o kani o jirima bar kani ni.

Ju 8:1

Nan wu birigirɛ ya daŋni ya ŋɔ ma. Yesu naa ya ya Koosa dam kɔkɔɔra, kani Koosa naa zene a kaali kina maga, nihɛɛ bar kani ni a li o tɔhɔn ti ni.