Ɛfɛ. 3:8 - Tampulma

⁸ Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 3:8 Σταυροειδείς Αναφορές

Luk 14:22

O tumtum ti fun li a kaali a la tum chenani o kunyan ti ŋɔ un. O funɛ bu bur wa, o fun ŋɔ un, ‘Mu tum chenani i daŋniu, amaa i dam ti ha wa vɛɛn su.’

Jɔn 1:16

Chenani o fun koti a suŋi nara a la gali, o funɛ ya chene a nyɛ ya. O yaa suŋi yau a saksi dɔŋ ni.

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 11:33

Ei. Koosa siki awa nɛha wa zima zenu kinkan. A wa kpak bɔ. Nandigi wa kikoti a zim chenani o lisi a la tum.

Room 12:10

Ma wa ma dɔŋtima ya nibɛgimnɛ Kristo daha. Chendaha maa daŋni dɔŋa nɛnɛ aa kpak un ma bambe ni di ma nyɛ dɔŋa wa jirima.

Room 2:4

I baa di chenani Koosa ya niwerire kinkan i wati a kpak hin wa kanyita, chen ya yɔrirɛɛ? I wa zim di Koosa ya niwerire kinkan i wati, chen i zi gil i tum tagna a bur tiŋ unn?

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 15:9

Min tiŋ gantɛl a li Yesu nitumɛ ta ni. O wa deŋli di ba yir min o nitumi, domi min funɛ muksi Yesu nitiŋɛ ta kinkan chen.

1 Kɔr. 2:9

Ba funɛ sɔbiu a li Koosa sɛm tɔn ti ni a ŋɔ, “Koosa funɛ kpa wu werewa a chiksi ba naa la daŋni un. Nibinsa se ha wa na a, akoo nibinsa diŋsa ha wa nu a wɛ. Nibinsa wa lisi di o zi wa ya chenu.”

Gal. 1:16

a nyɛ mu wa zim o be Yesu ti gbampulim ni, chen ni mu zi la biksi ba naa vɛ ya Ju timau o laaboor weri ti wɛ. Mu wa fun lagmi nandigi ni di o ŋɔ min chenani mu zi tum,

Gal. 2:8

Koosa fun kpa o kpok ti a nyɛ Pita ni di o ya o nitumi a la biksi ba naa ya Ju tima. Koosa gbanko funɛ kpa o kpok ti a nyɛ min di mu ya o nitumi a la biksi ba naa vɛ ya Ju tima.

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 3:1

Chendaha muu sumi Koosa ma daha. Domi mu funɛ biksi ma naa vɛ ya Ju tima di ma tiŋ Koosa, ba fun kpak min a tɔ dɛ.

Ɛfɛ. 3:16

Koosa kpak jirima awa chaani kinkan. Chendaha muu sumi unu di o nyɛ o siim weri ti lisi a li o kpok ti ni a du ma bambe ni,

Ɛfɛ. 3:19

Mu daŋni ma wa zim chenani Yesu Kristo daŋni ya chenu. O daŋni yau hali ya vɛ koti a zim a la peti, amaa mu daŋni o daŋni ti siu ma ni, chen ni ma zi weru o chi Koosa wer chen.

Ɛfɛ. 3:2

Ma wa fun zim di Koosa funɛ kpa o kina a naa la zi suŋi ma a du mu nin nee?

Filip. Tima 2:3

Ma ta ya se tima a kidaŋni sɔna. Ma ta lisi di ma ya nibin werewa a kaali ma dɔŋtima. Ma ka ya jɛrgɛ tima.

Filip. Tima 4:19

Ma daŋni kundɔŋ, o zi lisi au a li o kidamata a naa o kpak a li Kristo ni, a suŋi ma.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

1 Tim. 1:15

Chenani mu kaa ŋɔ nan ya wuti sɛma a naa ya maga zi la nɔɔni. Yesu Kristo funɛ wa tɛɛnɛ nɔ maga di o wa yisi nara a li ba tum tagna ni baa tiŋ Koosa. Min funɛ tum tum tagna a kaali nara maga.

1 Tim. 2:7

Chendaha o fun nyɛ mu ya o nitumi a tum min di mu la biksi ba naa vɛ ya Ju tima di ba se su un ka ba wa zim wuti ti. Mu sɛma ya wutirɛ. Mu wa ya nusun tiina.

2 Tim. 1:11

Koosa fun lisi min di mu ya o nitumi a la biksi nara o laaboor weri ti wɛ.

JɔnN Deesi 3:18

Ma wa mu wati a wa yau salma naa ba fun kpa du din ni a chaksi di ma ya kin tima wuti awa gar pilima naa ma laari, chen ni ma wa zi bu na hiisa. Ma wa yau se luri a du ma se ni, chen ni ma zi bukoo kinau.