Ɛfɛ. 3:7 - Tampulma

⁷ Koosa funɛ kpa o kpok tiu a nyɛ min di mu burgi o tumtumna a biksi nara o laaboor weri ti wɛ. O funɛ suŋi minu kinkan hali a la gali. O funɛ ya o papaharɛ.

Ɛfɛ. 3:7 Σταυροειδείς Αναφορές

Tuma 9:15

Ya kunyan ti fun bu ŋɔ un, “Mu funɛ lisi un di o tum mu tuma a kibiksi Ju tim ta, ba naa vɛ ya Ju tima awa ba koorsa mu wɛ. Adaha la tum chenani mu ŋɔ hin.

Room 1:5

Yesu Kristo fun a suŋi min di mu ya o nitumi aa la sɛm tɛɛnɛ nɔ tim maga ni a nyɛ un, chen ni ba se zi su unu ka baa tiŋ o nɔ.

Room 12:3

Koosa la suŋi min di mu biksi ma nan. Ma ta daŋni sɔna a kaali chenani ma fu zi du. Koosa nyɛ ma se su un. Ma kpa ma se suuli ti a kidi ma titi sɛria wa nɛha ni.

Room 15:16

Waa funɛ nyɛ mu ya Yesu Kristo tumtumna ba naa vɛ ya Ju tim daha. Chendaha mu sɔbi a nyɛ ma chen. Mu chi Koosa dam kɔkɔɔrsa ba naa yaa kpa kina a nyɛ Koosa ni digirɛ. Mu biksi ba naa vɛ ya Ju tima o laaboor weri ti wɛ, chen ni mu zi kpa ba naa o siim weri ti fun lisi chen a nyɛ unu.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 4:1

Koosa naa funɛ kpak ya siki chen, funɛ lisi yau di yaa biksi nara kin nama wɛ. Ya wa zi bur gantɛl a li tum naa o kpa nyɛ ya nan.

Gal. 2:8

Koosa fun kpa o kpok ti a nyɛ Pita ni di o ya o nitumi a la biksi ba naa ya Ju tima. Koosa gbanko funɛ kpa o kpok ti a nyɛ min di mu ya o nitumi a la biksi ba naa vɛ ya Ju tima.

Ɛfɛ. 1:19

Mu gbanko sumi unu di ma zim o kpok naa o fun kpa a nyɛ ya naa se su un ni kinkan. Kpok naa ya kpak nan awa kpok kinkan,

Ɛfɛ. 3:2

Ma wa fun zim di Koosa funɛ kpa o kina a naa la zi suŋi ma a du mu nin nee?

Ɛfɛ. 3:20

Koosa kpok naa nyɛn ya ni kote a nyɛ ya tum tuma a nyɛ un a kaali chenani ya vɛ lisi a ŋɔ un di o suŋi ya ya tum.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 4:16

Ya chi o bara luk pɛksiwa. Waa nyɛ o bara kpok a li boma naa chomse ya ni. Ya maga tum nɛnɛ a la daŋni dɔŋa aa tiŋ un nɛnɛ a gbaari, o bara zi na alaafɛu.

Kɔl. 1:29

Chendaha mu si sɛri mu tum ni ka mu kpaŋi kinkan. Kristo la nyɛ min o kpok ti kinkan, chen ni mu zi kotiu a tum chen.

1 Tɛs. 2:13

Ya gbanko yaa zaami Koosau domi ya funɛ a wa ma wati a fun ŋɔ ma Koosa sɛma, ma funɛ nuu a la nɔɔni di a ya wutiu. A wa fun ya nibinsa sɛmwa amaa Koosa titi sɛmwa. O kpa o sɛma aa du ma naa se su un di aa tum ma ni.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.