Ɛfɛ. 3:16 - Tampulma

¹⁶ Koosa kpak jirima awa chaani kinkan. Chendaha muu sumi unu di o nyɛ o siim weri ti lisi a li o kpok ti ni a du ma bambe ni,

Ɛfɛ. 3:16 Σταυροειδείς Αναφορές

Mat. 6:13

Domi i kpak jirima awa chaani wa kpok kinkan hali saha naa vɛ kpak bɔ. Ami.))’

Room 2:29

O siim weri ti wa nyɛn nibine bambi ni, chen nyɛ o ya Ju tim nidigi wuti. Koosa chiksɛ ta wa koti a tum chen. Nibinsa wa zi pɛgi naa kpak Koosa siim weri ti. Koosa ka la zi pɛgi tiina.

Room 7:22

Mu bambi zimu di Koosa chiksɛ ta weru,

Room 9:23

O gbanko funɛ daŋni o biksi ba naa o kpak siki o jirima awa o chaani kinkan. Saha digi o funɛ saksi bau di ba la nyɛn o tɔhɔn ti ni a la un.

1 Kɔr. 16:13

Ma se su Yesu. Chendaha ma il a kpak ma titi nɛnɛ awa bambi kpok ni.

2 Kɔr. 12:9

O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

2 Kɔr. 4:16

Kin nama daha, ya wa zi bur gantɛl a li tum naa Koosa kpa nyɛ ya nan. Ya bara hɛɛsiu aa gbaari, amaa wuzu kam Koosa waa ka gbaari o miisa naa o nyɛ ya chenu.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 1:7

Yesu Kristo funɛ sou ya daharɛ, chen ni o zi kotiu a la ya nyuuna a nyɛ ya a gil ya tum tagna a nyɛ ya. Yɛrɛ o zen mak Koosa suŋi ya,

Ɛfɛ. 2:7

Koosa funɛ ya chen maga a nyɛ ya a biksi ba naa maga nyɛn o tɔhɔn ti ni awa ba naa nyɛn tɛɛnɛ nɔ maga ni, chenani o funɛ daŋni ya kinkan a la gali a tum Yesu Kristo di o wa suŋi ya. O biksi nɔ nyɛnu hali saha naa vɛ kpak bɔ.

Ɛfɛ. 3:15

Ba naa maga nyɛn o tɔhɔn ti ni awa ba naa se su un tɛɛnɛ nɔ maga ni, waa ya ba nyana.

Ɛfɛ. 3:8

Min ya bichɛla a kaali o nara maga, amaa o funɛ lisi minnɛ di mu la biksi ba naa vɛ ya Ju tima o laaboor weri ti wɛ. O laaboor weri ti biksi ya Yesu Kristo wu were damata naa vɛ kpak peti wɛ.

Ɛfɛ. 6:10

Domi ma wa ya kunyan ti ya nibɛgimnɛ, ma waa kotee a na kpok a li o kpok zen ti ni.

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

Filip. Tima 4:19

Ma daŋni kundɔŋ, o zi lisi au a li o kidamata a naa o kpak a li Kristo ni, a suŋi ma.

Kɔl. 1:11

a kpak kpok kinkan a li o kpok zen ti ni. Ma kpak o kpok ti, ma zi kotiu a kpak kanyita wɛ maga ni. Ma wa na namsi, ma zi kotiu a di un wa tu sɔɔn ni,

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 2:2

Mu kpaŋi mu titiu di mu kpami ma maga, chen ni ma zi ya nibɛgimu domi maa daŋni dɔŋau a zim Koosa wu sogli mun nɛnɛ a ta beeli. O wu sogli ti ya Kristo.

2 Tim. 4:17

Amaa ya kunyan ti funɛ nyɛn mu watiu a kpa o kpok ti a nyɛ min, a fun nyɛ mu koti a sɛm Koosa laaboor weri ti wɛ a nyɛ ba naa vɛ ya Ju tim ni a lisi min a li bar tagin kinkan ni.

Ju 11:34

awa doonani din pɔ di o di ba, ka a vɛ ya ba kundɔŋ. Nara fun kpa chisi zene di ba kpu ba, amaa ba funɛ li ba nisi niu. Ba wa fun kpak kpok, amaa Koosa funɛ kpa o kpoku a nyɛ ba. Ba funɛ ya lanjima kpokwa a li laal ni a nyaŋi lanjimasa ba naa funɛ ya hɔɔra.

1 Pita 3:4

Chenani ma bambe du kaali kin nama maga. Chendaha maa ya nihaan jɛrgɛ. Wuzu digi ma salma kin ta awa ma gar were ta zi wa chɔku, amaa ma ka ya jɛrgɛ, o wa zi chɔk. Chenani maga ma du Koosa wati kaali kin naa maga ma kpak.