Ɛfɛ. 2:18 - Tampulma

¹⁸ Yesu Kristo funɛ sou a nyɛ ya chen daha, Koosa fun kpa o siim weri bɛgim a nyɛ ya naa ya Ju tima awa ma naa vɛ ya Ju tim ni. Waa nyɛ ya nyinbaan di ya wa ya kunyana Koosa suwachak.

Ɛfɛ. 2:18 Σταυροειδείς Αναφορές

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Jɔn 10:7

Nan daha, Yesu fun bukoo ŋɔ ba, “Maa nu mu wati nɛnɛ. O chi di min ya bol zɔɔnɔ ti.

Jɔn 10:9

Ba naa maga nyɛ mu yisi ba a li ba tum tagna ni chi piisisi naa yaa wa zu a bol a li di diwe chene.

Jɔn 14:6

Yesu fun ŋɔ un, “Min ya doon nyinbaan ti. Mu ya wuti tiina awa Koosa mi fali tiina. Nandigi wa kila mu nyan ti wati aa vɛ na min.

Room 5:2

Waa funɛ kpa ya a kansi bar zen nɔ ni ya se suuli daha. Waa nyɛ ya kpak bambi bɛgim di wuzu digi Koosa wa ya zi wa bɔni o jirimau. Chendaha ya tusa sɔɔni kinkan.

Room 8:15

Koosa siim weri ti wa fun nyɛ ya burgi o yosa di ya ɔm un. O ka funɛ nyɛ ya burgi Koosa bisiwa, chen ni ya koti a yir Koosa ya kunyana.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 8:6

Amaa ya wati, Koosa bɛgim nyɛnɛɛ. Waa ya ya kunyan ti a fun naami kina maga. Ya ya o bisiwa. Ya kunyana Yesu Kristo gban ya nibɛgimnɛ. Koosa funɛ nyɛ o naami kina maga a nyɛ ya miisa.

Gal. 4:6

Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

Ɛfɛ. 3:12

Domi ya se su un ka ya wa un ya nibɛgim, ya kpak bambe a vɛ ɔmi di ya la Koosa suwachaku.

Ɛfɛ. 3:14

Kin nama daha muu sumi ya kunyan Koosa ma daha.

Ɛfɛ. 4:4

Koosa siim weri ti ya nibɛgimnɛ. Ba naa maga se su Yesu, ba ya nibɛgimnɛ. Koosa gbanko funɛ lisi ma di chenani ma kpak bambi bɛgim un ni ya kibɛgimnɛ.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

Kɔl. 1:12

aa kizaami ya kunyana Koosa. Waa nyɛ ya nyinbaan di ya wa zu o tɔha naa la chaani, chen ni ya wa o nara zi wa di o kin nawara o fun vɔu di o nyɛ yau.

Ju 7:19

Chenani ya fun tiŋ Ju tim ta chiksɛ wa fun nyɛ Koosa bu vɛ na ya galimsa. Amaa lalaknɔ ya kpak bambi bɛgim a li naa nyɛ ya wa dugli Koosa.

Jems 3:9

Ya kpa ya zulimiwa a sɛm sɛma a la pɛgi ya kunyana Koosa, ka vɛɛn a ŋɔ nɔɔsa a nyɛ ba naa Koosa fun naami a chi o titi.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

Juud 1:20

Amaa, mu bi daŋnɛ, maa tiŋ Koosa nɛnɛ a gbaari, domi ma se su un. Ma nyɛ o siim weri ti suŋi ma maa sumi Koosa.