Ɛfɛ. 2:17 - Tampulma

¹⁷ Yesu Kristo funɛ wa, o fun biksi nara Koosa laaboor weri naa nyɛ nibinsa kpak bara sɔɔna wɛ. O fun biksi Ju tima ba naa funɛ piin zim un. Ma naa vɛ ya Ju tima wa fun zim Koosa, Yesu Kristo funɛ biksi ma chen gbankou.

Ɛfɛ. 2:17 Σταυροειδείς Αναφορές

Mat. 10:13

Ba la ma a du, Koosa zi nyɛ ba bar sɔɔnau. Ba ka vɛ la ma duuli, Koosa wa zi nyɛ ba.

Luk 15:8

Yesu fun jɛɛgi jɛɛgɛ digi a ŋɔ ba, “Nihaan digi funɛ kpak malɛ aniita kin fi. A kibɛgim nyuksɛɛ, yɛrɛ o kaa ya? O zi suk fitinau a chaasi o dɛ a doso a nyini o bar mak ni hali a wa na un.

Luk 2:14

“Ma nyɛ ya nyɛ Koosa naa nyɛn o tɔha ni, jirima kinkan. Naa o fa tum zi nyɛ ba naa la ya Koosa lɛmlɛm ya nɔ bɛgim wa dɔŋ ni.”

Tuma 10:36

Ma zim chenani o fun tum Yesu Kristo, naa ya kina maga nyuhu tiina, di o biksi Koosa laaboor weri ti a nyɛ Ju tim ta ni a nyɛ ba nyinbaan ba wa Koosa bu ya nɔ bɛgim.

Tuma 2:39

Chenani Koosa fun vɔu di o kpa a siim weri ti a du ya ni, o funɛ vɔu di o kpa nyɛ ma awa ma bisa wa ba naa nyɛn bar bole ni. Ba naa maga ya kunyan Koosa fun lisi a nyɛ o titi ni, o zi kpa unu a du ba bambe ni.”

Room 10:14

Ba se vɛ un, yɛrɛ ba kaa yir o sɔn di o yisi ba a li ba tum tagna ni? Ba fu vɛ nu o wɛ, yɛrɛ ba se fu zi koti a su unn? Nara fu vɛ biksi ba o wɛ, yɛrɛ ba fu kaa ya a nu o wɛ?

Room 5:1

Lalaknɔ Koosa wa piin na ya galimsa ya se suuli daha. Ya wa un kpak nɔ bɛgimnɛ ya kunyan Yesu Kristo daha.

2 Kɔr. 5:20

Yesu Kristo funɛ tum ya ma wati, chen ni Koosa zi kotiu a sɛm sɛma a nyɛ ma. Ya sumi mau Yesu Kristo daha di ma wa Koosa ya nɔ bɛgim a peti.

Ɛfɛ. 4:21

Ba funɛ wa biksi ma o wɛ, ba funɛ ŋɔ o wuti tiu a nyɛ ma. Ma fun nu a la nɔɔni aa tiŋ un.