Ɛfɛ. 2:12 - Tampulma

¹² Chen saha ti ma wa Yesu Kristo wa fun ya nibɛgim. Ma funɛ ya hɔɔrawa a vɛ lagmi Ju tima ba naa Koosa fun lisi a nyɛ o titi ni. Ba wa fun gur ma lagmi ba naa wa Koosa kpak nɔ bɛgim a li o vɔwɛ ta o fun kpa nyɛ ba chen. Chenani ma yaa nyɛn wuzu kam, ma wa fun zim Koosa a vɛ koti a kpak bambi bɛgim a li un ni.

Ɛfɛ. 2:12 Σταυροειδείς Αναφορές

Luk 1:72

Ba gbanko fun ŋɔ di o zi ɔm ya nawaalsa sikiu a ta suglɛ chenani o wa ba ya nɔ bɛgim chen.

Jɔn 10:16

Piisi bɔnɛwa mu dɔ ka a nyɛn bar digi ni. O lawa mu la a nu mu tau, chen ni a zi tiŋ minu. A wa mu piisisi ta lagmi dɔŋ ni, chen ni a zi ya kibɛgimu ka nigbaŋi bɛgim kinyini a.

Jɔn 15:5

“Mu piin ŋɔ mau di mu chi bugil pum naa ba yir ‘vain’ chene. Ma chi mu hulsiwa. Ma wa min ya nibɛgim a nyɛn, ma zi kotiu a tum tum were kinkan a nyɛ min. Ma lisɛ ma titi a li min ni, ma wa kikoti a tum wu digi.

Jɔn 4:22

Ma Samaritan tima, ma wa zim naa ma jɛɛmi nɛnɛ. Ya Ju tima ka zim naa ya jɛɛmi nɛnɛ. Waa la zi wa nyɛ Ju tim nidigi yisi tɛɛnɛ nɔ maga nara tum tagna a li ba ni.

Tuma 2:39

Chenani Koosa fun vɔu di o kpa a siim weri ti a du ya ni, o funɛ vɔu di o kpa nyɛ ma awa ma bisa wa ba naa nyɛn bar bole ni. Ba naa maga ya kunyan Koosa fun lisi a nyɛ o titi ni, o zi kpa unu a du ba bambe ni.”

Tuma 28:20

Ya Ju tima kpak bambi bɛgimu di Koosa zi tum naa o fun vɔu di o tumu ba wati wuzu digi. Roman tim ta funɛ kpa zɔgliu a vɔu mu nisa a nyɛ lanjima nɔ il min domi naa ya nara kpak bambi bɛgim a nyɛ chen daha. Chendaha mu yir ma di ma wa min na dɔŋa.”

Tuma 3:25

Vɔwɛ naa Koosa fun vɔu a nyɛ o witinsi ta kpa a a mɔɔli, awa chenani o wa ma nawaalsi ta fun ya nɔ bɛgim, a ya ma gbanko kinawa zinan. Ba funɛ sɔbiu a li Koosa sɛm tɔn ti ni di o ŋɔ Abraham ni, ‘Mu zi nyɛ i bi lulɛ kpa nyusumu a nyɛ tɛɛnɛ nɔ tim maga ni.’

Room 9:8

Chen mun ya di Koosa wa fun lisi Ju tim ta maga domi ba ya Abraham lul bisiwa. Abraham wuti lul bisa ya ba naa ba fun lul a li Koosa vɔwi ni.

Gal. 4:8

Saha digi ma wa fun zim Koosa. Ma waa funɛ zaami a tiŋ kin naa chi a ya Koosarɛ. A wa ya Koosa hali tama.

Ɛfɛ. 2:19

Ma naa vɛ ya Ju tima, wa bu ya hɔɔra. Ma wa Koosa nara lagmi dɔŋ ni a li Koosa walɛ ni.

Ɛfɛ. 4:18

ka ba se fun vɛ lɛli. Ba se kpoka wa fun nyɛ ba zim Koosa. Chendaha o vɛ koti a kpa o mi fali ti a nyɛ ba.

Kɔl. 1:21

Saha digi ma wa fun a zim Koosa a la tum tum tagna a la lisi lise tagna. Chendaha ma fun a ya o dɔma.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

Kɔl. 1:5

Ma funɛ te nu Koosa laaboor weri naa ya wuti, Ɛpafras fun biksi ma di ma kpak bambi bɛgim di wuzu digi Koosa zi wa kpa kiwere naa o fun kpa chiŋsi o tɔhɔn ti ni chenu a nyɛ ma. Chendaha ma se su Yesu ka maa daŋni nara kinkan.

1 Tɛs. 4:13

Mu niinbisa, ya daŋni maa zim wutirɛ ba naa funɛ siti chen wɛ, chen ni ma tusa wa zi wa chɔk a chi ba naa vɛ kpak bambi bɛgim a li Yesu ni chen.

1 Tɛs. 4:5

Ma ta daŋni nihaana yɔri yɔri a chi ba naa vɛ zim Koosa.

2 Tɛs. 2:16

Ya kunyana Koosa la daŋni ya a fun suŋi ya, a kpami ya ya kpak bambi bɛgim un ni.

1 Tim. 1:1

Min waa, Pɔɔl, la sɔbi tɔn nɔ. Koosa naa funɛ yisi ya a li ya tum tagna ni di yaa tiŋ un, awa Yesu Kristo naa nyɛ ya kpak bambi bɛgim un ni, ba funɛ ŋɔu di mu ya Yesu Kristo nitumi.

Ju 11:34

awa doonani din pɔ di o di ba, ka a vɛ ya ba kundɔŋ. Nara fun kpa chisi zene di ba kpu ba, amaa ba funɛ li ba nisi niu. Ba wa fun kpak kpok, amaa Koosa funɛ kpa o kpoku a nyɛ ba. Ba funɛ ya lanjima kpokwa a li laal ni a nyaŋi lanjimasa ba naa funɛ ya hɔɔra.

Ju 6:18

Koosa ya wuti tiina a vɛ chɛrgi o bambi. Chenani o fun kpa o sɔn ti a gbaari o vɔu ti ni kpami ya kinkan. Ya naa funɛ chɔ la Koosa wati di o suŋi ya koti a kpak nɛnɛ a li chenani ya kpak bambi bɛgim ni di o zi wa kpa o kinau a nyɛ ya wuzu digi.

Ju 8:6

Tum naa Koosa fun kpa a nyɛ Yesu ni di oo tum o tɔhɔn ti ni, waa zenee a kaali chenani Ju tim Koosa dam kɔkɔɔrsi ta tum, kinkan. Chenani Yesu fun nyɛ Koosa wa ya ya nɔ bɛgim kaali chenani Koosa wa Ju tim ta fun te ya nɔ bɛgim saha digi, domi o nyɛ Koosa wa nyinbaannɛ di o suŋi ya kinkan. Chenani o fun vɔu di o suŋi ya zenee a kaali chenani o vɔu di o suŋi ba.

1 Pita 1:21

Kristo funɛ sou a li o daakakli ti ni, Koosa fun lɛli un a li o sou ni a kpa o jirima awa o chaani kinkan a du un ni. O daha ma se su Koosau ka ma kpak bambi bɛgim un ni.

1 Pita 1:3

Koosa naa ya ya kunyan Yesu Kristo nyana, funɛ ɔm ya siki kinkan. Chendaha ma nyɛ ya pɛgi un saha maga. O funɛ lɛli Yesu Kristo a li o sou ni, a kpa o mi fali ti a nyɛ ya. Chendaha ya kpak bambi bɛgim,

1 Pita 3:15

Ma nyɛ ma kunyan Kristo naa nyɛn ma ni, jirima. Waa ya tu chaan tiina. Nara pɛɛsi ma chenani ma kpak bambi bɛgim un ni, ma saksi a ŋɔ ba saha maga.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.