Kɔl. 4:2 - Tampulma

² Ma yaa kisumi Koosa a doso di ma zaami un saha maga.

Kɔl. 4:2 Σταυροειδείς Αναφορές

Mat. 26:41

Ma si a il a kisumi Koosa, chen ni sintana wa zi wa mur ma ma tiŋ o nɔ. Ma tusa daŋni ma ya chenani mu sɛm chenu, amaa ma bara vɛ kpoki.”

Maak 13:33

Ma il a kisaksi ma kina, chen ni o wa zi wa jɛri ma. Ma wa zim saha naa chen zi wa ya.

Luk 18:1

Doone Yesu fun biksi ba jɛɛgi nɔ, chen ni ba zi sumi Koosa saha maga a ta bur gantɛl.

Luk 21:36

Ma doso a kiil saha maga. Maa sumi Koosa di o nyɛ ma o kpok ma di namsi naa kaa wa chen a wa chiŋi n waa nibine be suwachak ni.”

Tuma 1:14

Ba wa nihaan bɔnɛ wa Mɛri, Yesu niina, wa o niinbisa funɛ sumi Koosa wa tuha kibɛgimnɛ.

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Ɛfɛ. 6:18

Maa sumi Koosa kin nama daha saha maga, chen ni o zi suŋi mau. Ma nyɛ o siim weri ti kibiksi ma chenani ma zi sumi Koosa. Ma il nɛnɛ awa kanyita kinkan ni, aa kisumi un di o suŋi o nara maga.

Filip. Tima 4:6

Ma ta nyɛ wu digi kimuksi ma, amaa maa zaami Koosa a kisumi un di o kpa kin naa maga ma daŋni a nyɛ ma.

Kɔl. 1:9

O funɛ sɛm ya ma wɛ, ya yaa sumi Koosau aa nyɛ ma di o zi nyɛ ma wa zim o wɛu nɛnɛ a lɛli ma se di ma zim o tutɔ ti, a kpa o zima a nyɛ ma.

Kɔl. 2:7

Ma nyɛ ma bambe kpak Yesu nɛnɛ a nyɛ ma se su un a gbaari, a chi chenani Ɛpafras fun te biksi ma chen. Maa zaami Koosa kinkan saha maga.

Kɔl. 3:15

Ma nyɛ Kristo nyɛ ma bara sɔɔna a dɔ ma. Koosa fun a yir ma di ma maga kpak o bara sɔɔna, chen ni ma wa un zi ya bar bɛgimu. Nan daha maa zaami Koosa saha maga.

Kɔl. 3:17

Kin naa maga maa ya awa chenani maga ma sɛm, ma nyɛ a maga li ya kunyan Yesu sɔn ti ni a kizaami ya kunyan Koosa o sɔn ti gbanko daha.

Kɔl. 4:12

Ɛpafras gbanko ya ma digirɛ a zaami ma. O gbanko tum Yesu Kristo tumwa. O kpak unu o bambi ni a sumi Koosa a nyɛ ma saha maga di Koosa zi suŋi mau ma kpak nɛnɛ a zim o wɛ nɛnɛ hali o wa peti, chen ni ma wa zi beeli Kristo biksi ti, amaa ma zi koti a la nɔɔniu a tiŋ Koosa tutɔ ti maga.

1 Pita 4:7

Tɛɛnɛ nɔ maga siili saha duglɛu. O lawa ma ya bambe timau, chen ni ma zi koti a sumi Koosa wa nɛha niu.