Kɔl. 3:2 - Tampulma

² Ma kpa ma lise maga a du Koosa tɔhɔn ti kin ta ni. Ma ta kpa ma lise maga a du tɛɛnɛ nɔ maga kina ni.

Kɔl. 3:2 Σταυροειδείς Αναφορές

Mat. 16:23

Yesu fun burgi a ŋɔ Pita ni, “Tur dooni, domi i lisi chi sintannɛ. I tɔ min nyinbaannɛ. Chenani i sɛm chen wa li Koosa wati. A li nibinsa watɛɛ.”

Mat. 6:19

“Ma ta chiŋsɛ kidamata a li tɛɛnɛ nɔ maga ni. Chau awa doon zi wa chɔk au ka ŋmɛɛrsa chɔk dɛ ti a zu ŋmɛ a dooni.

Luk 12:15

Yesu fun burgi a ŋɔ zɛmɛ ta ni, “Nibine kpak un o bambi ni di o ya kin tiina, o tuha wara sɔɔni. Chendaha ma doso a ta tiŋ chen.”

Luk 16:11

Ma se vɛ su a li kin naa Koosa kpa nyɛ ma ma nyɛni nɔ ni, o wa zi bu wa kpa o kin naa nyɛn o tɔhɔn ti ni a du ma nisa ni wuzu digi.

Filip. Tima 1:23

A muksi minu mu bambi ni kinkan. Mu daŋni kinkan di mu sou a la nyɛn Kristo wati. Mu ya chen, waa kaali wa mu nyɛn bar nɔ.

Kɔl. 3:1

Koosa funɛ lagmi lɛli ma wa Kristo a li ma sou ni. Chendaha ma nyɛ ma bambe kilisi Koosa tɔhɔn ti kina wɛ. Kristo kanɛ Koosa nihɛɛ bar kani ni dooni.

Kɔl. 3:5

Ma kpa ma tum tagna a ta. Ma ta kpa ma bara aa tum chɔkumsi tuma, a ta tum sakaal tuma koo tum tum tagna ma lisi tagna daha. Ma gbanko ta chi kidɔŋtima. Kidɔŋtim maga chi ba naa yaa nyɛ vursa wa jirima chene a ya yɔrirɛ.