3 Jɔn 1:2 - Tampulma

² Mu chɛna, mu sumi Koosau di i na alaafɛ, chen ni i tuma zi weru. Mu zimu di ii tiŋ Koosa nɛnɛ,

3 Jɔn 1:2 Σταυροειδείς Αναφορές

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

1 Pita 4:8

O ya wu birigirɛ di ma kpak si sɛm a daŋni dɔŋa kinkan. Yaa daŋni dɔŋa kinkan ka ya dɔŋtima tum tum tagna a du ya ni, o wa zi muksi ya.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

Filip. Tima 2:4

Ma ta nyini ma titi kina duŋduŋ, amaa ma nyini ma dɔŋtima kina wɛ gbanko.

JɔnN Deesi 2:9

Mu zim chenani ma namsiu kinkan a ya fara tima, amaa ma ta suglɛ di ma funɛ kpa kidamatiwa a chiŋsi a li Koosa tɔhɔn ti ni. Bɔnɛ nyɛn ma ni aa chɔk ma sɔna. Sintana dɔ ba, domi ba ŋɔ di ba ya Ju timwa a vɛ yaali.

Jems 5:12

Mu niinbisa, a naa kaali a nama maga, o wa werwa ma hɛɛsi Koosa tɔha akoo tɛɛnɛ nɔ maga koo kundɔŋ maga. Ma la nɔɔni akoo ma wa la nɔɔni, a ta hɛɛsi, chen ni ma wa zi zu Koosa sɛria bar diili dɛ.

Filip. Tima 2:27

O ya wutirɛ di o bara wa fun lɛm ka o daŋni o sou, amaa Koosa funɛ kpak un sikiu o na alaafɛ. Koosa funɛ kpak min gbanko wa sikiu, domi o fu siwɛɛ, mu tuha fu zi chɔku a gbaari.

2 Tɛs. 2:13

Mu niinbisa, ya yaa zaami Koosau ma naa o daŋni nan daha. Ma se funɛ su o wuti ti. Chendaha o fun te kpa o siim weri kpok ti a yisi ma a li ma tum tagna ni a nyɛ o titi ni.

Mat. 9:12

Yesu funɛ nu chenani ba pɛɛsi a ŋɔ ba, “Nibinsa ba naa kpak alaafɛ, ba wara la lure tiin wati, amaa ba naa vɛ kpak alaafɛ, ba waa le la lure tiin wati.

3 Jɔn 1:1

Mu waa, nihɛɛ, la sɔbi tɔn nɔ a nyɛ mu chɛn, Gaiyus, naa mu daŋni wuti.