2 Tɛs. 3:7 - Tampulma

⁷ Ma titi zimu nɛnɛ chenani ya nyɛni fun du ma watiu. Ma gbanko kinyɛn chen. Ya wa ma funɛ nyɛn, ya wa fun kpak zanyɛrka.

2 Tɛs. 3:7 Σταυροειδείς Αναφορές

1 Kɔr. 11:1

Adaha maa tiŋ min a chi chenani mu ya Yesu nitiŋi a la tiŋ un nan.

1 Kɔr. 4:16

Adaha mu sumi mau, maa tiŋ chenani muu tiŋ.

Filip. Tima 3:17

Mu niinbisa, o lawa ma zer mu ninu a li chenani mu tiŋ Kristo ni. Ya waa funɛ biksi ma nɛnɛ. Maa nyini ba naa la tiŋ ya biksi ti.

Filip. Tima 4:9

Mu funɛ nyɛn ma wati, ma fun a nu mu biksi ti a na mu tuma. Maa lisi mu biksi ti wɛ aa kitum ma tuma a chi min. Ma ya nan, Koosa zi sɔɔni ma barau kinkan a nyɛn ma wati.

1 Tɛs. 2:10

Ma waa ya ya sɛhɛra tima. Koosa gbanko ya ya sɛhɛra tiina. Ya nyɛni kpa la ma wati funɛ deŋliu a wer kinkan. Nandigi wa fun koti a na ya galimsa.

1 Tɛs. 5:14

Mu niinbisa, ya ŋɔ mau wuti ni, ma ŋɔ nibin yarɛ ni a kikpami ba, a kisuŋi ba naa la ɔm wa ba kpak bambi, a kisuŋi ba naa se suuli gbarɛgɛɛ, aa kpak nara maga wa kanyita.

2 Tɛs. 3:6

Mu niinbisa, ya kunyan Yesu Kristo ŋɔ ya di ya ŋɔ ma kin nama wɛ. Ma ta nyɛ ma wa ba naa kpak zanyɛrka lagmi, domi ba wara tiŋ ya biksi ti.

2 Tɛs. 3:9

O funɛ deŋliu wa ya ŋɔ ma di ma suŋi ya wa diwe ni, amaa ya bara wilim nee yaa di a la biksi ma chenani ma zi tiŋ.

1 Tim. 4:12

Nyɛ i sɛma awa i nyɛni wa chenani i daŋni nara wa chenani i si su wa i tum were, biksi Yesu nitiŋɛ ta chenani ba zi tiŋ Koosa. I ya chen, nandigi wa zi ŋɔ di i ya bichɛllɛ.

Tait. 2:7

I titi kitum tum were. I ya chen a li kina maga ni, chen la zi biksi ba chenani ba gbanko zi tum tum were. Kibiksi ba a li i bambi ni, chen ni ba zi nyɛ hin jirimau a li i biksi ti ni.

1 Pita 5:3

Ma ta dɔ ba naa Koosa fun kpa a nyɛ ma aa biksi ba kpok, amaa ma titi tum o tuma a biksi ba chenani ba zi tum.