2 Tɛs. 2:9 - Tampulma

⁹ Tum tagin tiin ti wa wa, o zi kpa sintana kpoku a tum tum zene awa alaazibu tuma kinkan,

2 Tɛs. 2:9 Σταυροειδείς Αναφορές

Mat. 12:22

Doone nara bɔnɛ fun kpa baal digi a wa Yesu wati. O funɛ ya nyulumnɛ awa wom, domi alizin tagin funɛ nyɛn un ni. Yesu fun tiibi un, chen ni o fun bur a na a la sɛm.

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Mat. 4:10

Yesu fun ŋɔ un, “Sintana, kila a ka min. Ba funɛ sɔbiu a li Koosa sɛm tɔn ti a ŋɔ, ‘Kijɛɛmi i kunyan Koosa a tum aa nyɛ o duŋduŋ ni.’ ”

Maak 13:22

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Luk 11:25

Adaha o bur kaali a la zu dooni a na un ka o chiŋi a wer.

Jɔn 4:48

Yesu fun ŋɔ un, “Mu vɛ tum tum zene a nyɛ ma, ma se wa zi su min.”

Jɔn 8:41

Ma ya chen, nyan digi naŋgerire ma zer.” Ba fun ŋɔ un, “Ya wa ya sambisa a chi nibin bɔnɛ. Ya nyan wuti ya Koosa titi.”

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Tuma 13:10

a ŋɔ, “I waa naa chi sintana, yaa mur narawa a duŋni tum were aa ta. Saha maga i yaa chɛrgi ya kunyan ti sɛm wutɛu di a burgi nusuna.

2 Kɔr. 11:14

Hali sintana gbanko koti a chɛrgi o titi, chen ni nara zi lisiu di o ya Koosa malaikasi ta nichaani digirɛ.

2 Kɔr. 11:3

O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

2 Tim. 3:8

Nibiksɛ nama burgi ba gantɛlwa a chak Koosa wuti ti a chi nara balɛ naa ba funɛ yir Janis awa Jambrɛs, burgi ba gantɛlwa a chak Mosis saha digi. Nibiksɛ nama ya lise tagin timwa a nyuksi Koosa nyinbaan.

Jems 3:15

Nan zima nɔ wa li Koosa wati. O ya tɛɛnɛ nɔ tim maga kinnɛ awa alizin tagna kin.

JɔnN Deesi 12:17

Sel zen ti funɛ na chenani yɛɛ, a paan fun bu si a du nihaan ti ni a gbaari. O fun bur a la chem ba naa maga tiŋ Koosa chiksɛ nɔ a ŋɔ nara ni di Yesu dɔ ba wa laal ni. Ba waa ya nihaan ti nibabichɛla bi lulɛ.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 18:23

Nandigi wa zi bu suk fitina dooni akoo a lagmi o chɛnsa di ba wa di diwe o haan fali dam ni. Nikpiŋɛ ba naa funɛ nyɛn dooni chen funɛ zim kpiŋi a kaali ba maga. Ba naa la tum tu bilima tumi a nyɛn dooni, fun mur nidamata.”

JɔnN Deesi 19:20

Koosa tɔhɔn lanjimasi ta fun nyaŋi tɛɛnɛ nɔ tim maga lanjimasi ta a kpaksi sel zen ti awa witiina naa vɛ zim Koosa. Witiin ti yaa funɛ tum tum zenewa sel zen ti suwachak ni di o mur ba naa sel zen ti fun kpa o sɔn a dani ba a la jɛɛmi o vura. Koosa tɔhɔn lanjimasi ta fun kpa sel zen ti awa witiin ti a la yo a du bɛɛŋ naa din bu saha maga ni ka ba nyini.

JɔnN Deesi 20:10

Doone ba zi zer sintana naa gbaɛɛ a mur nara a yo du a gbaari sel zen ti awa witiina naa vɛ zim Koosa a li bɛɛŋ naa din di saha maga ni. Doonee ba wa un zi namsi kinkan hali saha naa vɛ kpak bɔ.

JɔnN Deesi 9:11

Malaikasi ta digi funɛ nyɛn doon ba yir un a li Ju tim sɛm ni, Abadɔn. Ba funɛ yir un a li Girik tim sɛm ni, Apɔliyɔn. O mun ya, ‘naa la chɔk kina’. Waa funɛ ya hɔɔni ta koora a il bɔ naa vɛ kpak bar peti.