2 Tɛs. 2:7 - Tampulma

⁷ Nibinsa piin sogli a vɛ Koosa. Chen kin ti tɔ ba nyinbaan di ba vɛ Koosa gbampulim ni chen, hali o saha wa tel o kaali.

2 Tɛs. 2:7 Σταυροειδείς Αναφορές

Tuma 20:29

Mu funɛ kaali chen gantɛl nɛɛ, mu zimu di nara zi wau a chi gbesa a chem ba naa ma nyini chen a muksi ma kinkan.

2 Tɛs. 2:6

Lalaknɔ wu digi nyɛ a vɛ yaali, ka ma zim chen kin ti. Koosa wa lisi wu digi ti, tum tagna tiin ti zi wau.

1 Tim. 3:16

Wuti naa funɛ sogli ka Koosa lisi un a li gbampulim, yɛrɛ o zen mak. Yesu Kristo fun wa burgi nibine, ka Koosa siim weri ti fun biksi nara tima di chenani o ŋɔ o titi wɛ chen ya wutirɛ. Koosa malaikasa funɛ nyini un ka Koosa wa lɛli un a li o sou ni a zini o tɔhɔn ti. O nitiŋɛ ta fun a mɔɔli o laaboor weri ti bar damata ni ka nara se su un.

1 Jɔn 2:18

Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

1 Jɔn 4:3

Naa vɛ la nɔɔni Yesu wɛ nan ni, Koosa siim weri ti wa to un ni. O ya Kristo dɔmnɛ. Ma funɛ nu di chen tima zi wa tɛɛnɛ nɔ magau. Ba piin wau.

JɔnN Deesi 17:5

Ba fun sɔbi o sɔn naa mun soglee a sak o til ni. Ma nyɛ mu kpa un li gbampulim a ŋɔ ma. O mun ya, “min ya Babilɔn naa ya tɔ zen awa sakaal tima wa ba naa maga la tum tum doŋa kinkan niina.”

JɔnN Deesi 17:7

Malaika ti fun ŋɔ min, “Yɛrɛ i nyɛ alaazibu kpak hin chen ni? Nihaan ti awa sel zen naa kpak nyuuna nɔpɛ awa nyindaasa fi ka o zini un, o wa un kpak mun naa soglee. Mu zi ŋɔ hin chenani o duu.