2 Kɔr. 8:7 - Tampulma

⁷ Koosa wa fun lisi a li o kidamata nɛɛ a nyɛ maa? Ma se su un kinkan ka ma koti a sɛm o sɛma a nyɛ nara ni nɛnɛ a kpak zima kinkan. Ma kpak un ma bambe ni di maa suŋi dɔŋa ka maa daŋni ya kinkan. Ma nyɛ ya gbaari bɔnɛ a li kin nama ni. Ma biksi ya chenani ma zi lisi a li ma kin ta ni a nyɛ nara nama ni a kaali chenani ma fu zi nyɛ.

2 Kɔr. 8:7 Σταυροειδείς Αναφορές

Mat. 25:22

Tumtum naa funɛ la sidi tusugsa lɛ chen, o fun wa o suwachak a ŋɔ un, ‘Mu kunyana, i funɛ kpa sidi tusugsa lɛwa a nyɛ min. Mu ka gbaari sidi tusugsa lɛ.’

Room 15:14

Mu niinbisa, mu kpak bambiu di ma ya nibin werewa kinkan a kpak zima nɛnɛ a koti aa biksi dɔŋa.

1 Kɔr. 1:5

Ma wa un ya nibɛgimnɛ. Chendaha Koosa fun kpa o siim weri papaha a nyɛ ma, chen ni ma koti a sɛm nɛnɛ aa zim nɛnɛ.

1 Kɔr. 12:13

Ya bɔnɛ ya Ju timwa. Ya bɔnɛ ka wa ya Ju tima. Ya bɔnɛ ya yosa ka ya bɔnɛ ka dɔ ya titi. Amaa Koosa funɛ kpa o siim weri tiu a du ya maga ni ya burgi nibɛgim.

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

1 Kɔr. 13:2

Mu koti a biksi nara Koosa wɛ nɛnɛ o kpok ti ni, a nɛɛgi kinkan a zim Koosa kisogle a kpak kpok a zi koti a ŋɔ bi ni di o si o bar chiŋi ti ni aa la bar digi. Mu koti aa tum nan maga a vɛ daŋni nara, o ya yɔrirɛ.

1 Kɔr. 13:8

Sɛm naa ba yaa sɛm a li Koosa kpok ti ni a nyɛ nara ni, a zi wa kpak bɔu wuzu digi. Sɛm kurgɛ ta ba yaa sɛm a li Koosa kpok ti ni, a zi wa gilu wuzu digi. Zima naa nara kpak, o gbanko zi wa gilu wuzu digi. Amaa daŋni wa kpak peti.

1 Kɔr. 14:12

Chenani ma se sɛri wa ma kpak papaha a naa Koosa siim weri ti nyɛ ma, o lawa ma daŋni a naa la zi suŋi Yesu nitiŋɛ ta ba tum tum were a gbaari.

1 Kɔr. 4:7

Anti ŋɔ ma di ma kaali ma dɔŋtima? Koosa funɛ nyɛ ma kin naa maga ma kpak. A maga li Koosa watɛɛ, ka yɛrɛ maa daŋni sɔn di ma titi kpokre ma kpak a nan?

2 Kɔr. 7:7

Ya tusa funɛ sɔɔniu ya na un chen a nu o laaboor chenani ma fun a kpami un. O fun ŋɔ ya di maa daŋni ma na minu kinkan, awa chenani ma tusa chɔk domi muksi naa ma kpa du min chen daha. O gbanko funɛ ŋɔ yau di lalaknɔ ma se sɛrɛu di ma tiŋ ya biksi ti. O funɛ ŋɔ ya o laaboor ti peti, ya tusa fun sɔɔni kinkan a kaali o te tel ti ni.

2 Kɔr. 8:6

Chendaha yaa sumi Taitus naa piin piili di o la ma papaha ti, di o suŋi ma a kpa o maga a nyɛ un. Mu zimu di maa ya nannɛ, domi maa daŋni ma suŋi ma dɔŋtimwa kinkan.

2 Kɔr. 9:14

Ba zi daŋni mau a sumi Koosa a nyɛ ma, domi o suŋi mau kinkan di ma suŋi ba.

2 Kɔr. 9:8

Ma ya chen, Koosa zi bu gbaari mau a i a kaali chen, chen ni saha maga ma zi kpaku a mak ma titi ka ma nyɛ nara ni.

Ɛfɛ. 4:29

Ma ta sɛm nɔ tagna a nyɛ dɔŋ ni, amaa ma nyɛ ma sɛm maga suŋi a kpami ba naa maga la nu a.

Filip. Tima 1:11

Yesu Kristo zi suŋi mau di ma ya nibin werewa kinkan a chi chen. Nara zi na mau a kidaŋni ba pɛgi Koosa a nyɛ un jirima.

Filip. Tima 1:9

Nannɛ muu sumi Koosa ma daha. Mu sumi unu di ma zi wa zim unu wuti ni a kidaŋni dɔŋa kinkan aa gbaari,

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

2 Tim. 2:1

Mu be, ya wa Yesu Kristo ya nibɛgimnɛ. Chendaha Koosa la zi suŋi hin i kpak kpok.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

2 Pita 3:18

Ma ka nyɛ ya kunyan Yesu Kristo suŋi ma ma wa zim un nɛnɛ aa gbaari. Ma nyɛ ya nyɛ naa funɛ yisi ya a li ya tum tagna ni, jirima kinkan hali saha naa vɛ kpak bɔ. Ami.

JɔnN Deesi 3:17

Ma ŋɔ ma titi ni, ‘Ya ya kin timawa kinkan a vɛ daŋni kundɔŋ.’ Mu zi ŋɔ ma chenani ma duu wuti. Ma ya fara timwa kinkan a chi nyuluma ba naa laari kizɛrgɛ. Ba naa maga na ma, ma wɛ zi ya ba sikiu.