2 Kɔr. 7:9 - Tampulma

⁹ Chenani mu fun chɔk ma tusa wa fun nyɛ mu tuha sɔɔni, amaa chenani ma gil ma tum tagna a bur a tiŋ Koosa nyɛ o sɔɔniu. Chenani ma tusa fun chɔk sɔɔni Koosa tuha gbankou.

2 Kɔr. 7:9 Σταυροειδείς Αναφορές

Mat. 3:8

Ma gil ma tum tagnau a la tum tum were a biksi nara chenani ma bambe burgi.

Luk 15:10

Yesu fun ŋɔ ba, “Chen vɛɛna, tum tagna tiin digi wa gil o tum tagna yaali a burgi tiŋ Koosa nyinbaan, o malaikasi ta tusa ya sɔɔniu kinkan.”

Luk 15:32

amaa n funɛ baa di i niinbe ti sowu, amaa o ha vɛɛn nyɛnu. N funɛ nyuksi unu amaa lalaknɔ n na unu. Chendaha ya kpu mu nuchamsi ti a lagmi a di diwe wa tu sɔɔni ni.’ ”

Luk 15:7

Doone Yesu fun ŋɔ Farisi tim ta awa Koosa chiksɛ nibiksɛ ta ni, “Tum tagna tiina gil o tum tagna yaali a burgi tiŋ Koosa nyinbaan, ba naa nyɛn o tɔhɔn ti ni, tusa zi sɔɔniu o daha a kaali nara kɔkwa di kibɛgim wa to ba naa piin bur tiŋ un.”

Tuma 20:21

Mu funɛ tɛ Ju tim ta awa ba naa vɛ ya Ju tima ninu di o lawa ba gil ba tum tagnau a burgi a tiŋ Koosa a nyɛ ba se su ya kunyana Yesu.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 2:16

Doon naa maga ya wa tel, ya chi sɔɔr taginnɛ a li ba naa Koosa zi wa ta yɔri wati. Ya ka chi sɔɔr lɛmnɛ a li ba naa wa zim Kristo. Anti ya nikpok a la zi tum tum na a nyɛ Koosa ni?

2 Kɔr. 7:8

Mu tuha funɛ chɔk kinkan a li tɔn naa mu fun te sɔbi a nyɛ ma chen ni, amaa mu funɛ nu di ma tusa wa chɔk vusi, chen fun bu ya min tu sɔɔna.