2 Kɔr. 7:4 - Tampulma

⁴ Ya se su ma kinkan, domi ma waa ya ya jirima nara. Ma kpami ya a li ya namsi maga ni, chen ni ya tusa zi sɔɔniu a la gali saha maga.

2 Kɔr. 7:4 Σταυροειδείς Αναφορές

Tuma 5:41

Ba funɛ li, nitumɛ ta tusa fun sɔɔni kinkan di Koosa funɛ lisi ba di ba tuksi ba Yesu daha.

Room 5:3

Hali nara namsi ya, ya tusa gbanko zi sɔɔniu. Ya zimu di namsi ti nyɛ ya na kanyita.

1 Kɔr. 1:4

Mu pɛgi Koosa saha maga ma daha. Waa la suŋi ma di ma tiŋ un Yesu Kristo daha.

2 Kɔr. 1:14

Ma ha wa zim min nɛnɛ, amaa mu daŋni ma zim min nɛnɛ, chen ni mu zi ya ma jirima naru. Ya kunyan Yesu wa bur wa, ma zi kut ya mu jirima narau.

2 Kɔr. 1:4

O yaa belimi yau a li ya namsi maga ni. Domi o yaa suŋi ya chene, ya koti a chiŋi ya dɔŋtima gantɛl ni a li ba namsi ni.

2 Kɔr. 10:8

Ya kunyan ti kpa o kpok ti a nyɛ ya di yaa suŋi ma a ta lɛrgi ma diŋsa. Ya fa sɔbi nan kinkan, hiisa wa zi kpak ya.

2 Kɔr. 11:21

Ya wa ma funɛ nyɛn, Koosa wa fun nyɛ ya bambi kpoka di ya ya chen a nyɛ ma. Baa daŋni sɔna, mu gbanko zi ya womu a tum chen.

2 Kɔr. 2:14

Ma nyɛ ya pɛgi Koosa kinkan. Waa funɛ nyɛ ya wa Kristo ya nibɛgim. Lalaknɔ waa dɔ ya. Saha maga waa nyɛ ya gba a biksi nara, chen ni ba zi na nyinbaanu a zim un.

2 Kɔr. 3:12

Kin nama daha, ya kpak bambe kpok a biksi nara chenani Koosa fun tum nyɛ ba.

2 Kɔr. 7:14

Taitus funɛ li bar nɔ di o wa ma wati, ya funɛ ŋɔ unu di ma ya ya jirima narawa. Ma wa fun nyɛ ya na hiisa. Ya ha vɛɛn a sɛm sɛm wutɛwa a nyɛ ma. Chen vɛɛna, chenani ya fun ŋɔ Taitus ni, chen ya wutirɛ.

2 Kɔr. 8:24

Ba wa tel, ma la ba a du a nyɛ ba zim di maa daŋni bau. Ma ya chen, Yesu nitiŋɛ ba naa funɛ tum ba, zi la nɔɔniu di ma waa ya ya jirima nara.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

Filip. Tima 1:26

Ma wa min bu wa lagmi dɔŋ ni, min la zi ya ma jirima tiina, chen ni ma zi pɛgi Yesu Kristou kinkan mu daha.

Filip. Tima 2:17

Ma se su Koosa ma tum a nyɛ un chen, chi chenani Ju tim ta fun kpa sela a kɔɔri kɔɔra a nyɛ un chene. Ba kpu min, mu tuha zi sɔɔniu.

Kɔl. 1:24

Min ya o laaboor weri naa ba kpa aa biksi bar damati ni, tumtumna. Mu chiŋɛ ma bar chiŋi ni a namsi lalaknɔ ma daha, amaa mu tu sɔɔniu. Kristo funɛ nyɛn tɛɛnɛ nɔ maga ni, o fun a namsi kinkan o nitiŋɛ ba naa chi o bara chen daha. Mu namsu a gbaari un ni.

1 Tɛs. 2:19

Amaa ma duŋduŋ ya ya jirima nara a nyɛ ya tusa sɔɔni a nyɛ ya kpak bambi bɛgim, domi saha naa ya kunyan Yesu wa bur wa, ya zi wa a di nyusumu o suwachak ni ma daha.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

2 Tɛs. 1:4

Chendaha ya yaa ŋɔ Yesu nitiŋɛ doonani maga ya nyɛn di ma ya ya jirima narawa. Hali nara namsi ma kinkan, ma se ha vɛɛn su Koosau kinkan ka maa di ma namsi.

Faili. 1:7

Mu niinbe daŋni, hin la kpami min a la nyɛ mu tuha sɔɔni kinkan, domi ii daŋni ba naa maga la tiŋ Koosa nyinbaannɛ a la kpami ba.

Jems 1:2

Mu niinbisa, ma wa na zaamsi, ma nyɛ ma tusa sɔɔni kinkan.