2 Kɔr. 7:1 - Tampulma

¹ Mu bi daŋnɛ, sɛm nama ya vɔwi naa o fun vɔu a nyɛ ya. Ma nyɛ ya chaksi ya titi, chen ni ya zi yisi doŋau a li ya bara awa ya bambe ni a ta. Ma nyɛ ya kpaŋi saha maga hali a wa peti a ya tu chaan tima, domi ya nyɛ Koosa wa jirima.

2 Kɔr. 7:1 Σταυροειδείς Αναφορές

Mat. 12:33

Yesu fun bu ŋɔ Farisi tim ta ni, “Bugil weri la nɔn nɔn were, amaa bugil tagin ka la nɔn nɔn tagna. Nara zi zim bugil weri awa bugil tagin a li a nɔn nɛɛ.

Mat. 5:48

Ma nyɛ ma tusa kichaani a chi chenani ma nyana Koosa naa nyɛn o tɔha ni tuha chaani chen.”

Mat. 5:8

Ba naa kpak tu chaan Koosa wati, o zi nyɛ ba na unu a nyɛ ba tu sɔɔna.

Tuma 9:31

Saha ti kpa la, Yesu nitiŋɛ ba naa funɛ nyɛn Judia pulum, Galili pulum awa Samaria pulum ni, wa fun bu namsi. Koosa siim weri ti fun nyɛ ba se su a gbaari a la nyɛ ya kunyan ti wa jirima saha maga. Nidamata fun nyɛ ba se su un a gbaari ba ni.

Room 5:20

Koosa funɛ kpa o chiksɛ ta a nyɛ Ju tim ta ni, a waa funɛ nyɛ nara tum tum tagna a gbaari kinkan. Ba funɛ tum au a gbaari, chenani Koosa suŋi ba gbanko gbaari a kaali chen.

1 Kɔr. 6:20

Ma wa dɔ ma titi, domi Koosa yau ma o titi. Ma yawi funɛ iiu kinkan. Adaha ma doso a kpa ma bara ta aa nyɛ un jirima.

2 Kɔr. 1:20

Koosa funɛ tum Yesu di o nyɛ vɔwɛ naa maga Koosa fun kpa nyɛ nara ni a li o piili ti ni, chen ya wuti. Ya zaami Koosau a la nyɛ un jirima kinkan kin nama daha.

Ɛfɛ. 2:3

Saha digi ya maga funɛ tiŋ chene. Lise tagna a naa funɛ nyɛn ya bambe ni awa ya titi daŋnɛ nyɛ ya yaa funɛ tum tum tagna damata. Chendaha Koosa fun na paan a du ya ni. Chenani o funɛ daŋni di o wa lɛrgi ya diŋsa awa tɛɛnɛ nɔ tim maga diŋsa funɛ ya kibɛgimnɛ.

1 Tɛs. 3:13

Maa daŋni dɔŋa chen ni, Koosa zi nyɛ ma bambe kpoku, chen ni ya kunyan Yesu awa o walɛ maga a wa, ma zi wa kotiu a chiŋi ya kunyan Koosa suwachak ni awa tu chaana ka galimsa ta nyɛn ma ni.

1 Tɛs. 4:7

Koosa wa fun lisi ya di ya tum chɔkumsa tuma, amaa o funɛ lisi yau di ya tum tum were.

1 Tɛs. 5:23

Koosa naa la nyɛ ma bara sɔɔna, zi nyɛ maa tum tum wereu a gbaari. O zi kok ma awa ma lisi wa ma siimau a li wu tagna ni, chen ni a zi weru hali saha naa ya kunyan Yesu Kristo wa bur wa.

Ju 12:23

Ma funɛ dugli Koosa nara ba naa lagmi dooni ka ba sɔbi ba sɔna a du Koosa tɔn naa nyɛn dooni. Waa bu vɛ na ba galimsa a yisi ba a li ba tum tagna ni hali a wa peti. O gbanko zi di nara maga sɛriau.

Ju 12:28

Ya waa le la o koor naa kundɔŋ vɛ nyɛni a la zi zigsi un. Ma nyɛ ya pɛgi un chen daha. Ma nyɛ ya gbanko yaa kiɔm un a kinyɛ un jirima aa kijɛɛmi un, chen ni o tuha zi sɔɔniu.

Ju 4:1

Chenani Koosa fun vɔu di ya zi wa zu o bar hiisi ti ha vɛɛn chiŋiu. Ma nyɛ ya doso a ta nyɛ ya se suuli bur gantɛl, chen ni Koosa zi nyɛ ya zu dooniu.

Ju 6:9

Mu bi daŋnɛ, ya wara lisi di ma chi kɔha awa sɔta bar nyɛni tirɛ. Ya se su di ma kpak chenani Koosa fun yisi ma a li ma tum tagna niu nɛnɛ a tum tum were a nyɛ un.

Jems 4:8

Ma wa dugli Koosa, o gbanko zi wa dugli mau. Ma naa la tum tum tagna, ma sɛm ma nisa a li ma tum tagna ni. Ma bambi bilɛlɛ tima, ma chaksi ma bambe a li ma lisi bilɛlɛ ta ni.

1 Pita 1:15

Waa ya tu chaan tiina. Chendaha o fun a lisi ma gbanko di ma kpak tu chaana a li ma tum maga ni a nyɛ un.

1 Pita 1:17

Maa sumi Koosa, ma yir un mu nyana. Wuzu digi o zi wa di nibinsa maga sɛriau a li ba tuma ni. O wara daŋni bɔnɛ aa gil bɔnɛ. Chendaha wuzuna a naa kaɛɛ nan, ma nyɛ un jirima kinkan.

1 Pita 1:22

Ma funɛ nu Koosa laaboor weri naa ya wuti chen, ma fun a chaksi ma tusa a li ma tum tagna ni a tiŋ un, chen ni ma fun piili a daŋni ma dɔŋtima a li bambe ni. Maa daŋni ba kinkan ma bambe ni.

1 Pita 2:11

Mu bi daŋnɛ, ma naa ya hɔɔra a li tɛɛnɛ nɔ maga ni, mu sumi mau di ma kpa ma tutɔ daŋnɛ a ta. Ya tutɔ daŋnɛ awa chenani Koosa daŋni yaa tiŋ, a chɔ aa du dɔŋ nɛɛ.

1 Pita 5:10

Ma namsi tama wa peti, Koosa naa la suŋi ma kina maga ni, zi kɔɔri ma kpoku kinkan. O funɛ yir mau di ma wa un bɔni o jirima naa vɛ kpak bɔ kinkan, domi ma wa Kristo ya nibɛgimnɛ.

1 Jɔn 1:7

Amaa ya nyɛ ya tusa chaani a chi chenani Koosa tuha chaani chen, ya wa ya dɔŋtima zi kpak nɔ bɛgimu ka Koosa be Yesu chɛl zi yisi ya doŋ magau a li ya ni.

1 Jɔn 1:9

Amaa ya la nɔɔni di ya tum tum tagniwa, Koosa zi gil au a nyɛ ya a yisi ya doŋ maga a li ya ni. Ya zimu di o zi ya chenu a nyɛ ya domi o ya wuti tiinnɛ ka o tum maga gbanko deŋli.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.