2 Kɔr. 6:9 - Tampulma

⁹ Ya wa ya nibin zene, amaa nara maga zim ya wɛu. Ya chi nibin sitɛwa, amaa ya ka ha vɛɛn kpak miisau. Ba nyɛ ya na namsiu kinkan, amaa ba ha wa kpu ya.

2 Kɔr. 6:9 Σταυροειδείς Αναφορές

Tuma 17:18

Nibiksɛ ba naa ba yir Ɛpikurian awa Stɔik wa Pɔɔl gbanko funɛ di amɔrɛ. Ba bɔnɛ fun ŋɔ dɔŋ ni, “Nyu bilim tiin nɔ wa zim chenani o biksi chen mun.” Ba bɔnɛ ka fun ŋɔ dɔŋ ni, “O chi o biksi vursa a naa hɔɔra nyɛ a jirima wɛwa.” Ba funɛ sɛm chene, domi Pɔɔl funɛ biksi ba Yesu wɛ awa chenani Koosa fun lɛli un a li o sou ni.

Tuma 19:26

Ma zimu chenani Pɔɔl nɔ biksi nara tima di ba bur a li vursi naa nibinsa kɔɔri jɛɛmi ni, domi a ya yɔrirɛ. Nidamata funɛ tiŋ o nɔ a li Ɛfɛsus nɔ awa Azia tim pulum maga ni.

Tuma 25:19

Ba wa un yaa fun piinsa di amɔrɛ a li chenani Ju tim ta jɛɛmi Koosa awa baal naa funɛ sou wɛ. Ba fun ŋɔ di o sɔn ya Yesu. Pɔɔl ka fun ŋɔ di o wa bu sou, amaa Koosa funɛ lɛli unu a li o sou ni.

Tuma 25:26

Mu zi sɔbi tɔnu a ŋɔ Siiza ni o wɛ, amaa mu si ha wa su chenani mu zi sɔbi. Chendaha mu kpa un wa ma maga wati zinan, chen ni i waa, koor Agripa, zi di o sɛriau a na wu digi a nyɛ min mu du mu tɔn ti ni.

Room 15:19

wa o tum kpok wa o siim weri ti kpok nee, Kristo fun ya chen a nyɛ ba. Mu funɛ gbau a li Jɛrusalɛm ni o wa tel bar boli naa ba yir Ilrikum pulum. Mu fun a biksi nara Koosa laaboor weri ti Kristo wɛ bawu maga ni.

Room 8:36

Ba fun sɔbi a li Koosa sɛm tɔn ti ni a ŋɔ, “Ya nyɛn sou bar nyɛni nɛɛ saha maga ma daha. Ya chi piisisiwa a naa ba yaa lisi di ba kɔrigirɛ.”

1 Kɔr. 11:32

Wuzu digi ya kunyan ti zi wa bur wau a na tɛɛnɛ nɔ tim maga galimsa a ta ba yɔri. Chendaha o di ya sɛria a lɛrgi ya diŋsa lalaknɔ, chen ni ya wa zi gbaari ba ni.

1 Kɔr. 15:31

Mu niinbisa, mu hɛɛsɛ ma naa la tiŋ ya kunyan Yesu Kristo a ya mu jirima nara, muu zu sou bar nyɛni nɛɛ wuzu kam.

1 Kɔr. 4:9

Mu wati Koosa nyɛ o nitumɛ ta tiŋ gantɛl, a chi ba naa ba funɛ di ba sou sɛria. Tɛɛnɛ nɔ tim maga awa Koosa malaikasa nyini ya a chi ya ya nibin tagniwa.

2 Kɔr. 11:6

O ya wutirɛ mu vɛ koti a sɛm sɛma nɛnɛ nara suwachak ni, amaa mu zima wa pɔɔgi min. Mu yaa biksi mau di nan ya wutirɛ.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

2 Kɔr. 5:11

Domi ya ɔm ya kunyan tiu, chendaha muu daŋni mu biksi ma di yaa tum Koosa tuma wa wutirɛ. Waa zim di ya tum o tuma wutirɛ. Mu si su di ma gbanko zi tum chenu.