2 Kɔr. 5:1 - Tampulma

¹ Ya bara chi lɛwa naa nibinsa kɔɔrirɛ. A wa chɔk, Koosa zi kpa ya kaali o tɔhɔn tiu a la nyɛ ya bara falɛ naa o titi naami chenu. Ya zi kpak au hali saha naa vɛ kpak bɔ.

2 Kɔr. 5:1 Σταυροειδείς Αναφορές

Maak 14:58

“Ya funɛ nu chenani Yesu sɛm di o zi chɔk Koosa bar jɛɛmi dama naa ba kpa nisa a sa chenu, a burgi a sa un wuzu butora wuzu a ta kpa nisa a sa un.”

Tuma 7:48

“Amaa Solomon naa zenee kinkan a kaali a maga, o wa nyɛn damsi naa nibinsi sa ni. O witinsi ta digi fun sɔbi a li o sɛm tɔn ti ni di o ŋɔ,

1 Kɔr. 3:9

Chenani Koosa dɔ ya chen, nyɛ ya wa un tum tuma. Waa dɔ ma gbanko. Ma chi o ŋmaharɛ oo kɔɔri, a chi o dɛ oo sa.

2 Kɔr. 4:7

Amaa Koosa funɛ naami ya naa kpak o fitin birigi nɔ kinkan a chi choha tempile, chen ni o zi kotiu a biksi nara di o kpok kinkan nɔ wa li ya ni. O li un nɛɛ.

2 Kɔr. 5:4

Ya lalaknɔ bara naa chi lɛwa chen, a nyɛ ya na namsirɛ. Ya wara daŋni ya ta ya lalaknɔ bara lalaga, amaa ya kpak unu ya bambe ni di Koosa zi kpa o bara falɛ tau a nyɛ ya a chiŋi a bar chiŋɛ ni. O ya chen, ya lalaknɔ bara a naa sitɛɛ, zi burgi o bara falɛu. A waa kpak miisa naa vɛ kpak bɔ.

Kɔl. 2:11

Ju tima yaa fun teŋsi dɔŋ barau, di ba biksi nara di Koosa dɔ ba. Amaa lalaknɔ ma wa Kristo ya nibɛgimnɛ. Waa funɛ yisi ma a li ma tum tagna ni. Nan chi o funɛ teŋsi mau.

2 Tim. 1:12

Chendaha ba fun kpak min a la tɔ dɛ ka mu namsi nan. Amaa mu ha vɛɛn kpak bambi kpoku, domi mu zim naa mu si suu. Mu zimu di o zi il o kin nawara o fun kpa a du mu nin ni hali saha naa o wa bur wa.

Ju 11:10

Amaa Abraham funɛ pɔu di o na tɔhɔn naa Koosa titi fun sa. O tɔhɔn ti kpak zɛchik weri a nyɛn hali saha naa vɛ kpak bɔ.

Ju 9:11

Kristo naa ya ya Koosa dam kɔkɔɔra, nyinbaan ya kibirigi a kaali nyinbaan buni ti. Waa tum o tuma a nyɛ Koosa ni a li lɛu naa Koosa fun du o tɔhɔn ti ni. O waa zenee a kaali lɛu naa Ju tim ta fun du a li nyabaan ti ni saha digi chen.

Ju 9:24

Kristo funɛ si o sou ni, o wa fun la zu Koosa lɛu naa nibinsa fun du chen, ka o fun ya Koosa tɔhɔn ti kin chamsa. O ka fun zini a zu Koosa wuti lɛu naa nyɛn o tɔhɔn ti ni. Lalaknɔ waa kpalimi a kani ya bar kani ni a li Koosa suwachak ni.

1 Pita 1:4

di wuzu digi ya zi la kiwere naa o fun kpa a chiŋsi o dɛ niu a li o tɔhɔn ni. A wa zi kut chɔk dooni.

2 Pita 3:11

Wuzu digi buudaha awa tɛɛnɛ nɔ maga zi wa chɔku a chi chen, nibin baŋwa ma kaa wa chi? Ma ya tu chaan tima a kitiŋ Koosa nɛnɛ,

1 Jɔn 3:14

Chenani yaa daŋni dɔŋa biksi ya di Koosa funɛ lisi ya a li sintana nin ni a nyɛ ya o mi fali ti. Ba naa maga vɛ daŋni ba dɔŋtima, sintana ha vɛɛn dɔ ba.

1 Jɔn 3:19

Yaa ya chen, ya zimu di yaa tiŋ chenani Koosa daŋni ya tiŋnɛ. Chenani yaa tiŋ un nyɛ ya tusa chɔk, o zi zim ya bambe niu domi o zenu a kaali ya a zim kina maga.

1 Jɔn 3:2

Mu bi daŋnɛ, ya ya Koosa bisawa lalaknɔ. Chenani ya zi wa du wuzu digi, Koosa ha wa biksi ya. Amaa Yesu wa bur wa, ya zi wa du a chi unu. Ya se zi wa na unu wuzu digi a chi chenani o du chen.