2 Kɔr. 4:6 - Tampulma

⁶ Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

2 Kɔr. 4:6 Σταυροειδείς Αναφορές

Luk 10:22

Doone Yesu fun burgi a sɛm zɛmɛ ta ni, “Mu kunyana funɛ kpa kina magau a nyɛ min. Mu wa mu nyana duŋduŋ zim dɔŋa. Mu nyɛ ba naa mu lisi zim o gbanko.”

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 11:40

Yesu fun ŋɔ un, “Mu piin ŋɔ hinu di i si su min, i zi na chenani Koosa tum tum zenu.”

Jɔn 12:41

Azaaya funɛ na Yesu jirima awa chaani kinkanu a chi o deesi. Chendaha o fun sɔbi nan.

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

1 Kɔr. 12:8

Koosa bɛgim siim weri ti funɛ nyɛ bɔnɛ wa nɛha sɛma a nyɛ bɔnɛ kpak zima.

2 Kɔr. 2:10

Ma gil a nyɛ nar ni, mu zi chiŋi ma gantɛl niu. Mu daŋni mu suŋi mau. Chendaha ma ya chen. O chi Kristo nyini chenani mu yarɛ.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

Ɛfɛ. 1:17

chen ni naa ya ya kunyan Yesu Kristo nyana a kpak jirima kinkan, o zi kpa o zimau a nyɛ ma a biksi ma a biksi ma o titi wɛ gbampulim ni, chen ni ma zi zim unu nɛnɛ.

Ɛfɛ. 1:18

Mu sumi unu di ma lise zi la o wutiu, chen ni ma zi kpak bambi bɛgim a li chenani o fun yir ma ni a zim di kin nawara o fun vɔu di o kpa nyɛ o nara ni zenu kinkan.

Ɛfɛ. 5:8

Ma funɛ vɛ te zim Koosa, ma funɛ nyɛn birsi nee, amaa lalaknɔ ma wa Yesu Kristo ya nibɛgimnɛ, ma nyɛn nha nɛɛ. Chendaha maa tiŋ a chi ba naa nyɛn nha ni chen tiŋ.

Filip. Tima 2:6

O du chenani Koosa durɛ saha maga, amaa o wa fun saksi di o kpak un kpok.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

1 Tɛs. 2:12

Ya funɛ belimi mau a la kpami ma a ŋɔ ma di ma tum tum naa la zi sɔɔni Koosa tuha. Waa ya naa funɛ yir ma di ma wa zu o koor ti. O wa ma zi wa bɔni o jirima awa o chaaniu wuzu digi.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 6:4

Ba naa funɛ bur a li Koosa wuti nyinbaan ti ni, ba wa koti a bur tiŋ un. Ba se funɛ su Koosa ka ba zim un ka o fun kpa o siim weri ti a du ba ni.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

1 Pita 2:9

Amaa Koosa funɛ lisi mau a li birsi ni a wa di o titi bar chaani kinkan ni. Ma chi o koorsiwa awa o kɔkɔɔrsi tawa. O funɛ lisi mau a nyɛ o titi ni di ma ŋɔ nara ni o alaazibu tuma wɛ.

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.