2 Kɔr. 4:4 - Tampulma

⁴ Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 4:4 Σταυροειδείς Αναφορές

Mat. 13:22

Kiduha naa funɛ chesi sɔta bar nyɛni ni chen chi ba naa nu laaboor ti, amaa tɛɛnɛ nɔ maga wi yaalɛ awa ba malɛ daŋni kinkan wa zu ba bambe ni a chɔk laaboor weri ti, chen ni o wa koti a lul ba tusa ni.

Jɔn 1:14

Yesu Kristo ya ya kunyana Koosa duŋduŋ be. Koosa fun yisi o jirima awa o chaani kinkan a du un ni a nyɛ o burgi nibine a wa tɛɛnɛ nɔ maga di o wa ya lagmi nyɛn bunsa mɛna. Ya fun zim di Koosa jirima awa chaani kinkan nyɛn un ni awa chenani o sɛm maga ya wuti awa chenani o tuma suŋi nara.

Jɔn 1:18

Nandigi ha wa na Koosa, amaa o be bɛgim naa wa Koosa ya nibɛgim, waa funɛ biksi ya o wɛ.

Jɔn 12:31

Chenani Koosa zi di tɛɛne nɔ tim maga sɛria a nyaŋi sintana naa dɔ ba, duglɛu.

Jɔn 12:35

Yesu fun ŋɔ ba, “Mu chi fitinne a nyɛn ma wati. O wa zi vusi ka birsi wa tɔ min. Ma kpak fitina a val doonani ma daŋni ma val. Birsi ti wa tɔ un, ma zi nyuksi nyinbaanu.

Jɔn 12:40

“Koosa funɛ nyɛ ba se tɔ a nyɛ ba bambe ya bambe sitɛ, chen ni ba wa zi koti a na aa zim chenani o ya. O vɛ ya chen, ba bambe zi chɛrgiu chen ni o gil ba tum tagna a nyɛ ba.”

Jɔn 12:45

Naa na min, o na Koosa naa tum min chen gbanko.

Jɔn 14:30

Mu wa bura daŋni mu sɛm kinkan ma wati, domi sintana naa dɔ tɛɛnɛ nɔ tim maga wau. Mu wa un wa kpak wu digi wa dɔŋ ni.

Jɔn 15:24

Mu funɛ tum alaazibu tuma a naa nibine zi vɛ koti a tumiu, ba suwachak ni. Chendaha Koosa gbanko na ba galimsa. Hali chenani maga ba na ka mu tum nyɛ ba, a maga ya yɔrirɛ ba wati ka ba ha min awa mu nyan ti.

Jɔn 16:11

Koosa fun piin na sintana naa dɔ tɛɛnɛ nɔ tim maga, galimsa a ha vɛ ta un yɔri. Kin namawa Koosa siim weri ti kaa wa biksi ba.

Jɔn 8:12

A saha tirɛ Yesu fun bukoo biksi zɛmɛ ta a ŋɔ ba, “Min chi tɛɛnɛ nɔ tim maga fitinne. Ba naa maga tiŋ min wa zi bu val birsi ni. Mu zi chaani ba nyinbaan niu a kpa Koosa mi fali naa vɛ kpak bɔ a nyɛ ba.”

Tuma 26:18

O chi ba naa vɛ ya Ju tima, ya nyulumwa a nyɛn birsi ni domi sintana dɔ ba. Mu zi nyɛ i la lisi ba a li birsi ti niu a lɛli ba se, chen ni Koosa zi wa dɔ bau. Waa la zi gil ba tum tagna a nyɛ ba a gbaari ba naa o fun lisi a nyɛ o titi ni chen, domi ba se su min.’ Mu kunyan ti fun sɛm chen peti a kaali.”

Tuma 26:23

Ba funɛ sɔbiu a ŋɔ di nara wa kpu un, Koosa zi lɛli unu a li o sou ni, chen ni Ju tim ta awa ba naa vɛ ya Ju tima zi na nyinbaanu a gil ba tum tagna a bur a tiŋ un. Nan chi fitinne a chaani ba ni a li birsi ni.”

1 Kɔr. 10:20

Mu ŋɔ mau di ba naa vɛ ya Ju tima, ba yaa kɔɔri kɔɔrɛ a nyɛ alizin tagna nɛɛ. O wa ya Koosarɛ ba kɔɔri aa nyɛ. Mu wara daŋni ma wa alizin tagni ta ya kibɛgim.

2 Kɔr. 2:11

Ya zim chenani sintana tumu saha maga. Chendaha ma zer chen nyinbaan o wa kikoti a nyaŋi ma.

2 Kɔr. 2:12

Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

2 Kɔr. 3:11

Koosa chiksɛ naa funɛ dɔ o jirima awa o chaani kinkan wa fun vusi. O siim weri ti ka nyɛnu hali saha naa vɛ kpak bɔ. Chendaha o jirima awa o chaani kaali Koosa chiksɛ ta jirima awa chaani kinkan.

2 Kɔr. 3:14

Amaa Ju tim ta ka chi un. Chen saha ti hali wa zinan, ba yaa funɛ karimi Koosa chiksɛ ta a li o sɛm tɔn ti ni. A chi gar tɔ ba lise. Ba bambe gbanko chi bambe sitɛwa. Nyinbaan bɛgim duŋduŋ nyɛ ba wa zim Koosa. O lawa ba se su Yesu Kristou.

2 Kɔr. 3:18

Ya naa ya Yesu nitiŋɛ ta, ya se wa tɔ. A chi diga naa la nyiksirɛ ya kunyan ti jirima awa o chaani kinkan. O siim weri ti tum ya bambe nee a chɛrgi ya di ya chi un a gbaari.

2 Kɔr. 4:6

Koosa funɛ naami tɛɛnɛ nɔ maga saha digi, o fun ŋɔ, “Ma nyɛ birsa burgi nha.” O be Yesu Kristo funɛ kpa Koosa jirima awa o chaani ti kinkan a biksi ya. Nan chi fitina a chaani ya bambe ni.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Ɛfɛ. 2:2

Ma yaa funɛ tiŋ tɛɛnɛ nɔ maga nyinbaan taginnɛ awa siim tagna koora. Waa dɔ tɛɛnɛ nɔ tima ba naa maga vɛ tiŋ Koosa nɔ.

Ɛfɛ. 6:12

Ya wara daŋni ya kpa Koosa kpok nɔ a chem nara. Ya ka daŋni un ya la chem siim kpoka awa kpok damata a naa la tum tum tagna kinkan awa ba naa maga vɛ zim Koosa a nyɛn buudaha ni.

Filip. Tima 2:6

O du chenani Koosa durɛ saha maga, amaa o wa fun saksi di o kpak un kpok.

Kɔl. 1:15

Kristo bambi chi Koosa naa ya vɛ koti a naali, bambire. O be bɛgim ti zenee a kaali kina maga.

Kɔl. 1:27

O funɛ ya o tutɔrɛ o biksi o wu sogli nɔ mun a nyɛ o nara ni. Waa sir ya wu weri kinkan ba naa vɛ ya Ju tim chen wati. Nan ya o wu sogli ti. Kristo ti nyɛn ma ni. Chendaha ma kpak bambi bɛgim di wuzu digi Koosa zi wa kpa a li o jirima niu a nyɛ ma.

1 Tim. 1:11

Koosa naa zen kinkan a wer hali o wa peti, funɛ kpa o wuti biksi nɔ a du mu nin nee di mu kpa nyɛ nara ni. Waa ya o laaboor weri ti.

Tait. 2:13

O lawa ya ya chenu a kpak bambi bɛgim aa pɔ a wuzu naa Yesu Kristo naa ya Koosa zen awa naa funɛ yisi ya a li ya tum tagna ni yaa tiŋ un, zi wa bur wa tɛɛnɛ nɔ maga awa o jirima awa o chaani kinkan ni. O wa bur wa, ya tusa zi sɔɔniu kinkan.

Ju 1:3

Koosa funɛ kpa o jirima awa o chaani kinkan a nyɛ un. O bɔni chenani Koosa du, a kpa o kpok kinkan a sɛm a kpak tɛɛnɛ nɔ maga awa buudaha a lagmi dɔŋ ni. O funɛ sou, chen ni Koosa zi koti a chaksi nibinsa tum tagnau a li ba bambe ni baa tiŋ un. O funɛ si o sou ni a zini a zu Koosa tɔha, a fun la kani Koosa naa kpak kpok kinkan a kaali a maga, nihɛɛta bar kani ni.

Ju 6:4

Ba naa funɛ bur a li Koosa wuti nyinbaan ti ni, ba wa koti a bur tiŋ un. Ba se funɛ su Koosa ka ba zim un ka o fun kpa o siim weri ti a du ba ni.

2 Pita 1:19

Adaha sɛm naa Koosa witinsa fun sɛm saha digi, a ya wuti sɛmwa. O lawa maa nu au nɛnɛ. Ba sɛma chi fitina naa la chaani birsa nɛɛ hali Yesu Kristo wa bur wa. O fitin ti zi wa chiŋi a bar chiŋi niu a nyɛn ma bambe ni.

1 Jɔn 2:11

Naa ha o dɔŋtima, o nyɛn birsa nɛɛ. O wa zim doonani oo la. Birsa ti tɔ o sewa ka o burgi nyulum.

1 Jɔn 2:8

Amaa o vɛɛn ya chiksi falirɛ, domi lalaknɔ birsa saha kaalu, ka chaani saha ka wa di o wa chiŋi o bar chiŋi ni. Yesu wa ma tiŋ chiksi fali nɔwa.

1 Jɔn 5:19

Ya zimu di ya ya Koosa bisiwa. Ba naa maga vɛ ya Koosa bisa, ba waa nyɛn sintana nin ni.