2 Kɔr. 3:9 - Tampulma

⁹ O chiksɛ naa nyɛ Koosa na nara galimsa a ta ba yɔri, dɔ Koosa jirima awa o chaani kinkan. Amaa o siim weri naa nyɛ nibinsa deŋli Koosa suwachak ni, dɔ o jirima awa o chaani kinkan kaali o te tel ti.

2 Kɔr. 3:9 Σταυροειδείς Αναφορές

Room 4:11

Koosa wa fun te na o galimsa o si suuli daha ka ba zi teŋ un. Ba funɛ teŋ un, chen biksi nara di Koosa wa piin na o galimsa o si suuli daha. Chendaha ba naa maga Koosa vɛ na ba galimsa o wati ba se suuli daha, ba waa ya Abraham bi lulɛ, hali ba naa ba vɛ teŋsi.

1 Kɔr. 1:30

amaa Koosa funɛ nyɛ ma wa Yesu Kristo ya nibɛgim, a nyɛ o zima ti ya ya zima. Kristo daha, Koosa wa zi bu na ya galimsa o suwachak ni. Waa dɔ ya a fun la ya nyuuna a nyɛ ya.

1 Kɔr. 15:41

Nha bunɔɔta kur pɛna bunɔɔta niu. Wula bunɔɔta kurgi nha awa pɛna bunɔɔta niu. Wula gbanko chaaniu a kaali dɔŋa.

2 Kɔr. 3:8

amaa o funɛ kpa o jirima awa o chaani kinkan naa kaali chenu a du o siim weri naa nyɛ nara kpak miisa naa vɛ kpak bɔ ni.

2 Kɔr. 5:21

Yesu Kristo funɛ nyɛn tɛɛnɛ nɔ maga ni, o wa fun tum tum tagna hali tama, amaa Koosa funɛ kpa ya tum tagnau a du o nin ni. Domi ya wa Yesu Kristo ya nibɛgimnɛ lalaknɔ, Koosa wa zi bu na ya galimsa o wati.

Gal. 3:10

Ba naa la nyini Koosa chiksɛ ta tiŋi se ni aa tiŋ a nɔ, Koosa zi ŋɔ nɔu a nyɛ ba. Ba fun a sɔbi a li o sɛm tɔn ti ni a ŋɔ, “Nar tim Koosa chiksɛ hali a wa peti a chel, Koosa zi ŋɔ nɔu a nyɛ un.”

Filip. Tima 3:9

Mu daŋni di o wa min zi burgi nibɛgimnɛ hali o wa peti. Mu funɛ tiŋ Koosa chiksɛ ta, o ha funɛ vɛɛn na mu galimsau. Lalaknɔ mu si su Kristo, Koosa wa bu na mu galimsa.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.