2 Kɔr. 3:3 - Tampulma

³ Koosa naa nyɛnɛɛ funɛ kpa o siim weri ti a du ma ni. Chendaha ma chi Kristo tɔn naa ya fun sɔbi chene. Chenani Koosa ya nyɛ ma kaali chenani o fun sɔbi o chiksɛ ta a sak buŋkula ni a nyɛ Mosis saha digi chen.

2 Kɔr. 3:3 Σταυροειδείς Αναφορές

Mat. 16:16

Simɔn Pita fun ŋɔ un, “Hin ya Koosa naa nyɛn chen be. I gbanko ya Kristo naa Koosa fun ŋɔ di o zi wa tumu wuzu digi chene.”

1 Kɔr. 3:5

Apɔlɔs wa Pɔɔl ya nibin zenewa maa tiŋ baa? Aai. Ya waa ya Koosa tumtumsa a nyɛ ma nyinbaan di ma se su un. Waa funɛ nyɛ ya nara balɛ na tuma yaa tum.

2 Kɔr. 3:6

Waa la suŋi ya di ya ŋɔ nara ni chenani o wa ba fun bu ya nɔ bɛgim chen a la daŋni o siim weri ti wa nyɛn ba ni. Chenani o ya chen a nyɛ ba ya kibirigi a kaali o chiksɛ naa o fun kpa nyɛ Mosis ni saha digi chen. Nara tiŋ o chiksɛ ta a la tel a bɔ, ba ya sowu. Koosa siim weri ti nyɛn ba bambe ni, ba ka zi kpak miisa naa vɛ kpak bɔu.

2 Kɔr. 3:7

Koosa funɛ kpa o chiksɛ ta a nyɛ Mosis ni saha digi, Koosa fun sɔbi a a sak buŋkula daha ni. Mosis fun na Koosa jirima awa o chaani kinkan, chen ni o gbanko se fun chaani kinkan. Mosis funɛ bur a la chem Ju tim ta, o se ta chaani ti wa fun bu hi, amaa ba wa fun koti a nyini a. Koosa fun kpa o jirima awa o chaani kinkan a du o chiksɛ naa nyɛ nara siti ni,

2 Kɔr. 6:16

Ya chi Koosa naa nyɛn, damnɛ. Ya chi chen, yɛrɛ ya wa vursa kaa ya nyɛn? Ba funɛ sɔbiu a li Koosa sɛm tɔn ti ni di o ŋɔ, “Mu wa mu nara zi nyɛnu a lagmi aa val. Min la zi ya ba Koosa.”

1 Tɛs. 1:9

Saha naa ya fun wa ma wati chen, ma funɛ la ya a duu a nu ya sɛma. Nara maga ŋɔ yau chenani ma gil vuga jirima nyɛɛli a burgi a tiŋ Koosa naa ya wuti tiina awa miisa tiina.

Ju 10:16

“Nannɛ mu wa Ju tim ta zi bu ya nɔ bɛgimu. Mu zi wa kpa mu chiksɛ tau a du ba bambe ni, chen ni ba zi tiŋ a nɔu saha maga.”

Ju 8:10

A wuzu ti wa tel, nannɛ mu wa Ju tim ta zi bu ya nɔ bɛgimu. Mu zi wa kpa mu chiksɛ tau a du ba bambe ni, chen ni ba zi tiŋ a nɔu saha maga. Min la zi wa ya ba Koosa. Ba zi wa ya mu narau.

Ju 9:14

Kristo chɛl tum kinkan a kaali chen. Waa la chaksi ya tum tagna a li ya bambe ni, chen ni ya zi kotiu a tum tum were a nyɛ Koosa naa nyɛnɛɛ, ni. Ya tum tagna fu kpalimi ya ni, Koosa fu zi wa na ya galimsau a ta ya yɔri. Koosa siim weri naa nyɛn hali saha naa vɛ kpak bɔ, fun suŋi Kristo di o sou a nyɛ ya. O wa fun tum tum tagin hali tama.

JɔnN Deesi 2:1

“Sɔbi kin nama a la nyɛ naa la nyini Yesu nitiŋɛ ta a li Ɛfɛsus ni. Mu waa naa kpak wula nɔpɛ mu nindil ni a val a go fitinsa bar chiŋɛ nɔpɛ ka ba fun kpa salma a kɔɔri a bambaan ni, ma nu chenani mu kaa ŋɔ ma.

JɔnN Deesi 2:12

“Sɔbi kin nama a la nyɛ naa la nyini Yesu nitiŋɛ ta a li Pɛgamum ni. “Mu waa naa kpak chisi nɔsa lɛ ti o li mu nɔ ni, ma nu chenani mu kaa ŋɔ ma.

JɔnN Deesi 2:18

“Sɔbi kin nama a la nyɛ naa la nyini Yesu nitiŋɛ ta a li Tiataya ni. “Mu waa naa Koosa be ka mu se sɛri a chi din a la chɛr nara se ka mu naŋgere sɛri ti funɛ chi sulminne ba kpa kɔɔri kina a lili kinkan, ma nu chenani mu kaa ŋɔ ma.

JɔnN Deesi 2:8

“Sɔbi kin nama a la nyɛ naa la nyini Yesu nitiŋɛ ta a li Sumana ni. “Mu vɛ kpak piili a nyɛn a vɛ kpak peti. Mu funɛ sou, amaa lalaknɔ mu zi nyɛnu hali saha naa vɛ kpak bɔ.

JɔnN Deesi 3:1

“Sɔbi kin nama a la nyɛ naa la nyini Yesu nitiŋɛ ta a li Sardis ni. “Mu waa kpak Koosa siimsa nɔpɛ awa wula nɔpɛ. Ma nu chenani mu kaa ŋɔ ma. Mu zim chenani maa tumu awa chenani nara sɛm di ma tiŋ minu nɛnɛ amaa ma wa tiŋ nɛnɛ.

JɔnN Deesi 3:14

“Sɔbi kin nama a la nyɛ naa la nyini Yesu nitiŋɛ ta a li Laodisia ni. “Mu waa naa ba ya yir Ami ka mu biksi nara Koosa wuti wɛ. Waa funɛ nyɛ mu naami kina maga a li o piili ti ni.

JɔnN Deesi 3:22

“Ma cheŋi ma diŋsa a nu chenani Koosa siim weri ti sɛm a nyɛ Yesu nitiŋɛ ba naa nyɛn Azia pulum ni.” O fun sɛm chen peti a kaali.

JɔnN Deesi 3:7

“Sɔbi kin nama a la nyɛ naa la nyini Yesu nitiŋɛ ta a li Filadɛlfia ni. “Mu waa naa ya tu chaan tiina awa wuti tiina a kpak koor Devid dam safibe. Mu kpa un a puti mu koor ti bulzɔɔnɔ, nandigi wa kikoti a far un. Mu kpa safibe ti a pur bulzɔɔnɔ ti, nandigi wa kikoti a puti un.