2 Kɔr. 3:12 - Tampulma

¹² Kin nama daha, ya kpak bambe kpok a biksi nara chenani Koosa fun tum nyɛ ba.

2 Kɔr. 3:12 Σταυροειδείς Αναφορές

Jɔn 10:24

Ju tim ta bɔnɛ fun wa jiŋ un chiŋsi a pɛɛsi un, “Yɛrɛ i kaa ya sogli i titi a li ya ni? I ya naa Koosa fun ŋɔ di o zi tumu wuzu digi chen, ŋɔ ya gbampulim ni.”

Jɔn 16:25

“Kin naa mu ŋɔ ma a wɛ nan, o bɔmu wa ma zim a mun. Saha wau di mu zi wa biksi ma mu nyan ti wɛ gbampulim ni ka o ta bu bɔm ma ni.

Jɔn 16:29

Doone o gantɛl tiŋsi ta fun ŋɔ un, “Lalaknɔwa ya zim chenani i sɛm ya chen mun. O wa bu bɔm ya ni.

Tuma 14:3

Pɔɔl awa Barnabas fun nyɛn dooni a vusi a kpak bambe kpok di ba la biksi nara ya kunyan ti wɛ. Waa funɛ nyɛ ba o kpok ti di ba tum tum zene awa alaazibu tuma a nyɛ un, chen ni nara zi zimu di chenani ba biksi ba di Koosa daŋni o suŋi bau funɛ ya wuti.

Tuma 4:13

Ba naa funɛ lagmi dɔŋ ni chen fun nu Pita sɛma, alaazibu fun kpak ba kinkan. Ba fun na di Pita awa Jɔn ya nyu bilim timwa, amaa hansura tama wa fun kpak ba. Kin nama funɛ nyɛ ba lisi di ba wa Yesu funɛ ya kpɛgsiwa.

Tuma 9:27

Doone Barnabas fun wa suŋi un a kpa un kaali nitumɛ ta wati. O fun ŋɔ ba chenani Sɔɔl fun chem ya kunyana Yesu nyinbaan ni ba sɛm sɛma. O gbanko fun ŋɔ ba chenani Sɔɔl fun kpak bambi a biksi Damaskus tima Yesu wɛ.

Tuma 9:29

O wa Ju tima ba naa funɛ sɛm Girik tim sɛma, funɛ di dɔŋa wa amɔrɛ. Ba fun di amɔrɛ ti hali a wa ku a la nyini di ba na nyinbaan a kpu un.

1 Kɔr. 14:19

Amaa mu wa Yesu nitiŋɛ ta wa lagmi di ya jɛɛmi Koosa, mu yaa daŋni mu sɛm ba sɛm tama naa la zi suŋi bau. Chen bɔ wa mu sɛm ba sɛm damata a naa vɛ kpak suŋi.

2 Kɔr. 10:1

Ma bɔnɛ ŋɔ dɔŋ ni di mu funɛ nyɛn ma wati mu funɛ ya jɛrgɛrɛ, amaa mu funɛ bol, mu funɛ sɔbi sɛm kpokwa a nyɛ ma. Yesu Kristo daŋni mu ya jɛrgirɛ ma wati. Chendaha mu waa, Pɔɔl, sumi ma lalaknɔ,

2 Kɔr. 3:11

Koosa chiksɛ naa funɛ dɔ o jirima awa o chaani kinkan wa fun vusi. O siim weri ti ka nyɛnu hali saha naa vɛ kpak bɔ. Chendaha o jirima awa o chaani kaali Koosa chiksɛ ta jirima awa chaani kinkan.

2 Kɔr. 4:13

Ba funɛ sɔbiu a li Koosa sɛm tɔn ti ni a ŋɔ, “Min funɛ ŋɔ Koosa ni domi mu si su un.” O siim weri ti funɛ nyɛ ya se su un, chen ni ya zi biksi narau o wɛ.

2 Kɔr. 7:4

Ya se su ma kinkan, domi ma waa ya ya jirima nara. Ma kpami ya a li ya namsi maga ni, chen ni ya tusa zi sɔɔniu a la gali saha maga.

Filip. Tima 1:14

Nan daha, Yesu nitiŋɛ nidamata kpak bambe kpok a gbaari a biksi nara Koosa laaboor weri ti wɛ.

Filip. Tima 1:20

Mu kpak miisa koo mu siwɛɛ, mu se sɛrɛu lalaknɔ ka mu kpak bambi bɛgim Kristo ni, chen ni mu wa zi na hiisa a kpak bambi kpok kinkan. Mu ya chen, mu zi kpa mu barau a nyɛ un jirima kinkan a chi chenani mu ya nyɛ un jirima chen.

Kɔl. 4:4

Maa sumi un di mu zi biksi o laaboor weri tiu nɛnɛ a chi chenani deŋli wa mu biksi, chen ni ba zi nu mu biksi tiu nɛnɛ.

1 Tɛs. 2:2

Ma zim chenani Filipai tima fun te tum tum tagna a du ya ni a la pini ya kinkan ka ya zi wa pu ma Tɛsalɔnika ni. Ya funɛ nyɛn ma wati, ba naa funɛ nyɛn dooni ha vɛɛna muksi yau kinkan, amaa Koosa funɛ nyɛ ya o kpoku ya kpak bambi a ŋɔ ma o laaboor weri ti wɛ.

1 Tim. 3:13

Ba naa la suŋi nɛnɛ, zi na jirimau a koti a kpak bambi aa ŋɔ nara ni chenani ya se su Yesu Kristo domi ya wa un ya nibɛgimnɛ.

Faili. 1:8

Domi Kristo dɔ min nan, mu zi kpak bambi kpoku a ŋɔ hin chenani i zi ya.