2 Kɔr. 2:3 - Tampulma

³ Chendaha mu fun te sɔbi tɔn a nyɛ ma. Chen saha ti mu wa fun wa di mu wa na ma, domi ma naa fu zi nyɛ mu tuha sɔɔni, ma waa nyɛ o chɔk. Mu zim mu bambi niu di kinkin naa la sɔɔni mu tuha, waa la sɔɔni ma gbanko tusa.

2 Kɔr. 2:3 Σταυροειδείς Αναφορές

1 Kɔr. 4:21

Ma biksi min chenani mu zi wa ma wati. Mu wa ma wati awa da ni a wa tuk ma akoo mu wa ma wati balimm a wa biksi ma chenani mu daŋni maa?

2 Kɔr. 1:15

Kin nama daha, mu funɛ daŋni mu wa gali ma ni a la Masɛdonia pulum a bur wa na ma, chen ni ma zi suŋi minu a li Judia pulum nyinbaan ni. Mu fu ya chen, mu fu zi suŋi mau bilɛ.

2 Kɔr. 1:23

Mu daŋni Koosarɛ ya mu sɛhɛra tiina ma zim di mu sɛm ta ya wutiu. Mu wa fun wa di mu wa na ma, chen ni ma wa zi nu mu sɛm kpoka.

2 Kɔr. 12:11

Ma muksi minu di mu sɔbi a nyɛ ma a chi mu ya wom. Yɛrɛ ma bɔnɛ vɛ nyɛ min jirima? Mu titi kpok ti ya yɔrirɛ, amaa mu wara tiŋ nusun nibiksɛ ba naa ma lisi di ba wa ya nibirige, gantɛl.

2 Kɔr. 12:21

O muksi minu mu wa wa ma wati, Koosa zi nyɛ mu na hiisau ma daha. Mu tuha zi chɔku kinkan domi ma nidamata wa zi gil ma chɔkumsa tuma awa ma sakaal tuma awa ma tum doŋa kinkan a bur wa tiŋ Koosa.

2 Kɔr. 13:10

Mu sɔbi tɔn nɔwa a te nyɛ ma di ma kɔɔri kin nama, chen ni ka mu wa wa ma wati, mu wa zi bu kpa kpok naa ya kunyan ti fun kpa nyɛ min chen a lɛrgi ma diŋsa. O funɛ kpa unu a nyɛ min di mu suŋi ma ma zim un a gbaari.

2 Kɔr. 2:9

Chendaha mu fun sɔbi tɔn ti a nyɛ ma. Mu funɛ daŋni mu zimu di ma zi tiŋ mu nɔu a li kina maga ni. Mu daŋni mu zaamsi mau.

2 Kɔr. 7:12

Ya funɛ sɔbi tɔn tiu di ya suŋi naa funɛ tum tum tagin ti awa naa funɛ la tum tagin ti. Ya gbanko funɛ sɔbi chen ni di Koosa biksi ma chenani ma daŋni ya. Nan kaali kin naa balɛ na maga.

2 Kɔr. 7:16

Mu tuha sɔɔnɛu kinkan di mu se su ma a chi nan.

2 Kɔr. 7:6

amaa Koosa naa la belimi ninamsɛ chen, waa funɛ tum Taitus di o wa kpami ya.

2 Kɔr. 7:8

Mu tuha funɛ chɔk kinkan a li tɔn naa mu fun te sɔbi a nyɛ ma chen ni, amaa mu funɛ nu di ma tusa wa chɔk vusi, chen fun bu ya min tu sɔɔna.

2 Kɔr. 8:22

Ya gbanko tum nara balɛ tiina di o wa ma wati. O wa ba lagmi a kaali. Ya funɛ zaamsi unu bu damata a zim di o kpak unu o bambi ni di o suŋi ya a li ya tum ni. O zimu di mu si su mau kinkan. Chendaha o kpak un o bambi ni a gbaari di o wa suŋi ma kinkan.

Gal. 5:10

Domi ya wa ya kunyan ti ya nibɛgimnɛ, mu kpak bambiu di ma zi tiŋ mu sɛmau. Mu gbanko kpak bambiu di Koosa zi wa na ba naa la muksi ma galimsau a ta ba yɔri. Hali chenani ba mak.

2 Tɛs. 3:4

Ya kunyan ti nyɛ ya se su ma di ma zi tiŋ kin naa maga ya fun biksi mau a chi ma la tiŋ lalaknɔ nan.

Faili. 1:21

Mu zim di i zi tumu a kaali chenani mu sumi hin chen.