2 Kɔr. 2:12 - Tampulma

¹² Mu funɛ wa tel Troas, ya kunyan ti fun a nyɛ min nyinbaan kinkan di mu biksi nara Yesu Kristo laaboor weri ti wɛ.

2 Kɔr. 2:12 Σταυροειδείς Αναφορές

Tuma 14:27

Ba fun la tel Antiɔk a yir Yesu nitiŋɛ ta maga a lagmi dɔŋ ni a ŋɔ ba chenani maga Koosa suŋi ba ba tum awa chenani Koosa nyɛ ba naa vɛ ya Ju tima nyinbaan di ba se su Koosa laaboor weri ti.

Tuma 16:11

Ya fun zu arŋa a li Troas ni a kpa ya se a chem doonani ba yir Samotres ka ni go un. Chɔɔsa funɛ wa pisi, ya fun la tel tɔhɔn naa ba yir Niapɔlis.

Tuma 16:8

Ba fun la gali Misia a la tel tɔhɔn naa ba yir Troas naa nyɛn teku nɔ ni.

Tuma 20:8

Ba funɛ sa dɛ naa tuhu ni ya lagmi chen a zɔŋ dɛ naa lɛ nyuhu nɛɛ. Fitin damata funɛ chiŋi dooni.

Room 1:1

Mu waa, Pɔɔl, naa ya Yesu Kristo tumtumna, min la sɔbi tɔn nɔ. Koosa fun a yir min a lisi min di mu ya o nitumi a la ŋɔ nara ni o laaboor weri ti wɛ.

1 Kɔr. 16:9

Mu kpak nyinbaanu bar nɔ a zi koti a tum Koosa tuma kinkan a na nyɔɔra. Amaa ba naa la daŋni ba tɔ mu tum nyinbaan, ba iiu.

1 Kɔr. 9:12

Ma nyɛ bɔnɛ ni chene. Ba kpak chen nyinbaan a la diwe ma wati, ya waa wa kpak chen nyinbaan a kaali baa? Ya ha wa ŋɔ ma di ma ya chen a nyɛ ya. Ya kpak kanyitarɛ kina maga ni, chen ni ya wa zi tɔ Kristo laaboor weri ti nyinbaan.

1 Kɔr. 9:14

Chene ya kunyan ti fun sɛm a nyɛ ba naa la biksi nara Koosa laaboor weri ti wɛ di ba di a li ba tum ta ni.

1 Kɔr. 9:16

O wa deŋli wa muu daŋni sɔn domi mu la biksi nara Koosa laaboor weri ti wɛ daha. O funɛ kpak minu a ŋɔ min mu ya chen. Mu vɛ biksi o laaboor weri ti, yɛrɛ o zi du min ni?

2 Kɔr. 10:14

Ya funɛ te wa biksi ma Koosa laaboor weri naa ya Yesu Kristo wɛ chen. Chendaha ya kpak nyinbaan di yaa suŋi ma.

2 Kɔr. 11:4

Ma bɔnɛ la nu ba naa vɛ tiŋ ya wuti biksi Yesu wɛ. Ba funɛ chɛrgi Koosa laaboor weri tiu a biksi ma siim naa vɛ ya Koosa siim weri ti wɛ. Ma funɛ la nɔɔniu ka o vɛ bɔm ma wati.

2 Kɔr. 11:7

Mu funɛ te nyɛn ma wati a biksi ma Koosa laaboor weri ti wɛ, mu wa funɛ daŋni bɔta. Mu funɛ bur mu titirɛ gantɛl di ma zer ma nyuuna buudaha. Chen wa fun deŋlii?

2 Kɔr. 4:3

Nidamata wara nu Koosa laaboor weri naa ya kpa biksi ba. Koosa zi wa na ba galimsau a ta ba yɔri.

2 Kɔr. 4:4

Ba wa koti a nyɛ ba se su o laaboor weri ti. O chi nharɛ a chaani nara bambe ni, amaa sintana naa dɔ tɛɛnɛ nɔ tim maga, tɔ ba lise. Koosa laaboor weri ti ya Kristo wɛ. O bambi chi Koosa bambire. Koosa awa un bɔnɛ o jirima awa o chaani ti kinkan.

2 Kɔr. 8:18

Ya funɛ tum ya niinbe digirɛ awa un di ba wa ma wati. Yesu nitiŋɛ ta maga nyɛ un jirima kinkan, domi o funɛ biksi nidamatiwa Koosa laaboor weri ti wɛ.

2 Kɔr. 9:13

Ma suŋi ba kinkan chen ni, ma biksi narawa di maa tiŋ Koosa laaboor weri ti Yesu Kristo wɛ nɛnɛ. Ba zi nyɛ Koosa jirimau, domi ma waa la suŋi ba awa nara maga kinkan.

Kɔl. 4:3

Maa sumi Koosa gbanko a nyɛ ya di o nyɛ ya nyinbaan ya sɛm nara ni o laaboor weri ti wɛ aa biksi ba o kisogli wɛ. O wu sogli ti ya Kristo. O laaboor weri ti daha ba fun tɔ min dɛ.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.