2 Kɔr. 13:4 - Tampulma

⁴ Ba funɛ wa kpa un a la kpaasi a mari o daakakli ti ni o sou, o wa fun kpak kpok. Amaa lalaknɔ o bu nyɛn Koosa kpok naa funɛ lɛli un a li o sou ni, daharɛ. Chen vɛɛna, mu funɛ nyɛn ma wati saha digi, mu funɛ ya jɛrgirɛ ma wati. Mu wa kaa bur wa, mu wa Koosa kpok kinkan zi bur wau.

2 Kɔr. 13:4 Σταυροειδείς Αναφορές

Jɔn 10:18

Nandigi wa kpak kpok a la zi yisi mu miisa. O ya mu tutɔrɛ nara zi wa ya chen. Mu nyan ti funɛ kpa o kpok ti a nyɛ min di mu nyini wuzu a sou. N wa sou, o kpok naa nyɛn min ni chen, zi nyɛ mu siu a li mu sou ni.”

Tuma 2:36

“Ma Ju tima, mu daŋni ma zimu nɛnɛ di Yesure ma fun kpu a li daakakli ti ni chen, waa ya nara maga nyuhu tiina. O gbanko ya naa Koosa fun vɔu di o zi tumu chen.”

Tuma 3:16

Yesu kpok ti funɛ nyɛ baal ti na alaafɛ. Chenani ma na aa zim kinkin naa ya zinan li chenani ya se su Yesu nee. Chendaha baal nɔ na alaafɛ bar nɔ ma suwachak ni.

Room 1:4

amaa Koosa funɛ kpa o kpok zen ti a lɛli un a li o sou ni di o biksi ya di o gbanko ya o bere.

Room 14:9

Kristo funɛ sou a si o sou ni di o burgi ba naa kpak miisa awa ba naa sitɛɛ kunyana.

Room 6:4

Ba funɛ chaksi ya, o chi ya wa un funɛ sou ka ba sogli ya, ka Koosa fun lɛli ya a li ya sou ni a nyɛ yaa tiŋ o mi fali ti nyinbaan. O funɛ kpa o kpok kinkan tirɛ a lɛli Kristo a li o sou ni. Chendaha o fun koti a ya chen a nyɛ ba.

1 Kɔr. 1:25

Koosa zima naa nibinsa lisi di o ya yɔrirɛ kaali ba zima ti kinkan. Koosa kpok naa nibinsa lisi di o wa kpok kaali ba kpok kinkan.

1 Kɔr. 15:43

Ba kpa siwi a sogli, o wa kpak jirima koo kpok. Siwi ti wa si o sou ni, o bara falɛ ta zi kpak jirima awa kpoku.

1 Kɔr. 2:3

Mu funɛ nyɛn ma wati, mu wa fun kpok. Mu funɛ a ɔmu kinkan, ka mu bara vɛɛn a jigiri.

1 Kɔr. 6:14

Koosa funɛ lɛli ya kunyan ti a li o sou ni. Chene o zi wa kpa o kpok ti a wa lɛli ya gbanko.

2 Kɔr. 10:10

Mu funɛ piin sɔbiu di ma bɔnɛ ŋɔ di mu funɛ nyɛn ma wati, mu funɛ ya jɛrgɛrɛ ka mu sɛma ya yɔri. Mu funɛ bol a sɔbi ma, tɔni ta maga funɛ suu wa sɛm kpoka ni.

2 Kɔr. 12:10

Nara pini min a nyɛ mu na namsi a la muksi min kinkan Yesu Kristo daha ka mu vɛ koti a nyini mu titi kpok se ni, mu tuha sɔɔnɛu.

2 Kɔr. 13:9

Ya vɛ kpak kpok ka ma wa kpak kpok, ya tusa zi sɔɔniu. Chendaha ya yaa sumi Koosau di kin naa nyɛn ma wati maga kɔɔri.

Filip. Tima 3:10

Mu daŋni mu zim Kristo duŋduŋnɛ nɛnɛ a kpak kpok naa Koosa fun kpa a lɛli Kristo a li o sou ni chene. Mu vɛɛna daŋniu mu namsi a sou a chi un, chen ni Koosa zi lɛli minu a li mu sou ni mu nyɛn o wati.

Ju 5:7

Yesu funɛ nyɛn tɛɛnɛ nɔ maga ni a wa dugli siwi, o fun a sumi Koosa naa kpak kpok di o lisi un a li o sou ni. Koosa funɛ nu o sumiu, domi Yesu funɛ ya nibin jɛrgɛrɛ a la nyɛ un jirima.

1 Pita 3:18

Kristo titi funɛ sou bu bɛgimnɛ ma tum tagna daha, chen ni o zi kpa mau a la Koosa wati. Naa funɛ ya tum were nitumi, waa funɛ chiŋi ya naa ya tum tagna nitumɛ bar chiŋi ni. Ba funɛ kpu o barawa, amaa Koosa siim weri ti funɛ lɛli unu a li o sou ni,

1 Pita 3:22

O fun lɛli Kristo a zini kaali o tɔhɔn ti a nyɛ o kani o nihɛɛ bar kani ni a dɔ o malaikasi ta maga awa o kpok tima.