2 Kɔr. 12:9 - Tampulma

⁹ O fun vɛ la nɔɔni a ŋɔ min, “Mu zi nyɛ hin mu kpok tiu i di un. Nibine kpok bur gantɛlu, kpok naa mu kpa du un ni chen la gbaari.” Chendaha mu tuha sɔɔni ka mu daŋni sɔn di mu titi kpok ti ya yɔrirɛ, chen ni Yesu Kristo kpok ti zi nyɛn min niu kinkan.

2 Kɔr. 12:9 Σταυροειδείς Αναφορές

Mat. 28:18

Yesu fun la dugli ba a ŋɔ, “Koosa funɛ kpa buudaha awa tɛɛnɛ kpok magau a nyɛ min.

Mat. 28:20

Ma biksi ba baa tiŋ kin naa maga n fun biksi ma chen. Ma lisi nan. Mu zi nyɛn ma watiu hali tɛɛnɛ nɔ maga siili saha wa tel.”

Luk 21:15

Min kaa wa biksi ma chenani ma kaa wa la sɛm awa nɛha ni, chen ni ma dɔma wa zi wa koti a vɛ ma sɛma a tɔ di laaboor weri ti wa deŋli.

1 Kɔr. 10:13

Sintana zaamsi nibine magau di ba tum tum tagna. Chenani o zaamsi ba, o zaamsi ma gbankou. Amaa Koosa ya wuti tiina. O wa zi nyɛ wu zaamsɛ a naa kaali ma kpok, wa pu ma, chen ni ma wa zi wa chel. O zi nyɛ ma kpoku ma kpak kanyita wa wu zaamsɛ ni a yisi ma a li a ni.

1 Kɔr. 15:10

Amaa Koosa funɛ ɔm min sikiu a suŋi min. O funɛ suŋi min chen daha, mu koti a du chenani mu du nan. Amaa chenani o fun suŋi min, mu wa kpa a a ta. Mu funɛ siu aa tum o tuma kinkan hali a kaali ba maga. Mu wara tum o tuma a li mu titi kpok ni, amaa Koosa la suŋi min.

1 Kɔr. 2:3

Mu funɛ nyɛn ma wati, mu wa fun kpok. Mu funɛ a ɔmu kinkan, ka mu bara vɛɛn a jigiri.

1 Kɔr. 2:5

O wa fun ya nibinsa zimarɛ nyɛ ma se su Yesu. Koosa kpok ti ka funɛ nyɛ ma se su un.

2 Kɔr. 11:30

Mu funɛ piin ŋɔ mau di mu ya womnɛ a la daŋni sɔn. Kinkin naa mu lisi mu ŋɔ ma biksɛɛ di mu wa kpak kpok kinkan.

2 Kɔr. 12:1

Ma nyɛ mu ŋɔ ma tama a gbaari mu titi wɛ ni. Chenani mu zi ŋɔ ma wa zi suŋi ma kinkan, amaa nyinbaan wa to mu zi vɛ sɛm ma. Wuzu digirɛ Koosa fun suŋi min di mu na ya kunyan ti.

2 Kɔr. 12:10

Nara pini min a nyɛ mu na namsi a la muksi min kinkan Yesu Kristo daha ka mu vɛ koti a nyini mu titi kpok se ni, mu tuha sɔɔnɛu.

2 Kɔr. 12:15

Mu daŋni mu kpu mu titirɛ a nyɛ ma, chen ni mu zi suŋi mau. Chenani mu daŋni ma la suwachak, ma daŋni zi bur gantɛluu?

2 Kɔr. 12:5

Mu fu zi daŋni sɔnu a daha, amaa mu wa zi bu daŋni sɔn. Mu ka daŋni mu biksi mau di mu titi kpok ti ya yɔrirɛ.

Ɛfɛ. 3:16

Koosa kpak jirima awa chaani kinkan. Chendaha muu sumi unu di o nyɛ o siim weri ti lisi a li o kpok ti ni a du ma bambe ni,

Filip. Tima 4:13

Kristo kpak o kpok ti a nyɛ min, chen ni mu zi a chem kina magau.

Kɔl. 1:11

a kpak kpok kinkan a li o kpok zen ti ni. Ma kpak o kpok ti, ma zi kotiu a kpak kanyita wɛ maga ni. Ma wa na namsi, ma zi kotiu a di un wa tu sɔɔn ni,

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

Ju 11:34

awa doonani din pɔ di o di ba, ka a vɛ ya ba kundɔŋ. Nara fun kpa chisi zene di ba kpu ba, amaa ba funɛ li ba nisi niu. Ba wa fun kpak kpok, amaa Koosa funɛ kpa o kpoku a nyɛ ba. Ba funɛ ya lanjima kpokwa a li laal ni a nyaŋi lanjimasa ba naa funɛ ya hɔɔra.

Ju 4:16

Domi ya Koosa dam kɔkɔɔr ti chiŋɛ ya bar chiŋi ni Koosa suwachak ni, ma nyɛ ya kpak bambi. Koosa zi wa kpak ya sikiu a kisuŋi ya saha naa maga ya daŋni un.