2 Kɔr. 11:3 - Tampulma

³ O muksi minu kinkan ma daha. Ma bɔnɛ nyɛ nara burgi ma bambeu a li chenani ma fun te tiŋ Yesu Kristo a li tu bɛgim ni. Ma burgi nɔ chi chenani sintana fun nɛɛgi a mur Iif saha digi chen.

2 Kɔr. 11:3 Σταυροειδείς Αναφορές

Mat. 24:24

Nara bɔnɛ zi wa siu a mur nara a ŋɔ di ba ya Kristore. Bɔnɛ ka wa ŋɔ di ba ya Koosa witinsiwa. Ba zi wa tum alaazibu tumau kinkan a daŋni ba mur ba naa Koosa fun lisi di ba tiŋ un chen.

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Room 12:8

O nyɛ ya kpami nara ba tiŋi ni, ma nyɛ ya kpami ba chen ni. O nyɛ nibine kpa o kina a bɔni nara, o lawa o ya chenu a li o bambi ni. O nyɛ nibine ya nyuhu tiina, o lawa o kpak si sɛmu a tum nɛnɛ. O nyɛ nibine kpak nara siki, o lawa o kpak tu sɔɔnau.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 11:20

Ba wa kpa tuha sa a du ma ni a dɛɛsi ma a chi bichɛsa, a nyɛ ma chɔk ma malɛ awa diwe kinkan a pini ma aa gbaari. Ma la kin nama maga.

2 Kɔr. 11:29

Nar vɛ tiŋ un nɛnɛ, o muksi minu. Nar ka tum tum tagna, mu tuha zi chɔku kinkan a daha.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

2 Kɔr. 4:2

Ya wa fun tum tum tagna a sogli di ya na hiisa. Ya wa fun la mur nara. Ya wa fun kpa ya titi biksirɛ a gbaari chenani Koosa fun biksi ya ni. Yaa ka biksi nara o wuti a li gbampulim nɛɛ saha maga, chen ni nara maga zi la nɔɔniu ba bambe ni di ya waa ya Koosa nitiŋɛ ta.

Gal. 1:6

Mu funɛ nuu di ma wa tiŋ Koosa naa funɛ yir ma, awa Kristo naa suŋi ma, a vusi. Ma buru a tiŋ biksi digi lalaga. O jɛri minu kinkan.

Gal. 2:4

Nara ba naa funɛ ŋɔ di ba ya Yesu nitiŋɛwa, bɔnɛ funɛ daŋni di ba teŋ un, amaa ba funɛ suniu. Ba fun a sogli a zu di ba na chenani ya tiŋ Yesu a ta nyɛ ba teŋsi ya, domi ya wa Yesu Kristo ya nibɛgimnɛ. Ba daŋni ya burgi ba yosiwa.

Gal. 3:1

Ma Galesia tima ya womniwa. Anti kpa o kpok a du ma ni di ma gil Koosa wuti nyinbaan? Ya wa fun wa biksi ma gbampulim ni chenani Yesu Kristo fun sou a li o daakakli ti nii? Ma wa fun la nɔɔni di ya sɛm ta ya wutirɛɛ?

Gal. 4:11

O muksi minu kinkan ma daha. Tum naa mu fun tum a nyɛ ma, chen ya yɔrirɛɛ?

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Ɛfɛ. 4:22

Adaha lalaknɔ ma kpa ma gantɛl tuha wɛ a ta. A waa funɛ nyɛ maa tiŋ ma tutɔ daŋnɛ a kpa ma du nyinbaan naa ma zi chɔk ni.

Ɛfɛ. 6:24

Koosa suŋi ba naa maga la daŋni ya kunyan Yesu Kristo awa daŋni naa vɛ kpak bɔ ni.

Kɔl. 2:18

Ma ta nyɛ nandigi wa ŋɔ di o lawa maa tiŋ a chi chenani oo tiŋu, chen ni ma wa zi wa na papaha naa Koosa kaa wa kpa nyɛ ma. O ŋɔ di ma ya nibin jɛɛgɛ a kinyɛ malaikasa jirima. O na kinawa a chi o deesi. Chendaha o ŋɔ di o zimu a kaali ma. O yir o titi nibin zen, amaa oo tiŋ chenani o gantɛl tuha kina wɛ durɛ.

Kɔl. 2:4

Mu biksi ma nan, chen ni nandigi wa kpa sɛm naa chi wuti a sɛm ma, o wa zi koti a mur ma.

Kɔl. 2:8

Biksi bɔnɛ nyɛn doon ba yir zima. Nara bɔnɛ biksi a, amaa a ya yɔrirɛ. O ya nibinsa zimarɛ ba la alizin tagna wati. Adaha ma ta nyɛ ba wa kpak ma a muri. A nama wa li Kristo wati.

1 Tɛs. 3:5

Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

1 Tim. 1:3

Mu daŋni i kpalimi Ɛfɛsus nɛɛ a chi chenani mu fun ŋɔ hin saha naa mu wa hin fun nyɛn ka mu gali Masɛdonia pulum ni chen. Nara ba naa nyɛn Ɛfɛsus ni, bɔnɛ biksi chenani vɛ ya wutirɛ. La ŋɔ ba di ba gil chen biksi.

1 Tim. 2:14

Sintana wa fun mur Adam, amaa nihaan tirɛ sintana fun mur o chɔk Koosa chiksɛ ta.

2 Tim. 3:13

Amaa nimurɛ ba naa la tum tum tagna zi wa tumu aa gbaari. Ba wa la mur nara awa ba titi.

Tait. 1:10

Nibin damata vɛ tiŋ Koosa nɔ a kpa ba sɛm yɔrisa a la mur ba dɔŋtima. Ju tima ba naa ŋɔ di ba se su Yesu, bɔnɛ la ya chen a kaali ba maga.

Ju 13:9

Nara wa biksi ma a kurgɛ a li chenani ma nihɛɛta fun te biksi ma, ma ta bur wuti nyinbaan ti ni a tiŋ ba. Chiksɛ naa la biksi ma diwe diili wɛ, a wa suŋi ba. Chendaha a vɛ suŋi ma. Chenani Koosa kpa o kpok a nyɛ ma a la suŋi ma, chen kaali ba chiksɛ ta maga kinkan.

2 Pita 3:17

Amaa, mu bi daŋnɛ, ma piin zim kin nama wɛu. Maa il a ta nyɛ nibiksɛ ba naa la chɔk Koosa laaboor weri ti, wa mur ma a burgi ma Koosa wuti tiŋi ni ma chel ma bar kpok ni.

2 Pita 3:3

O lawa ma zimu di tɛɛnɛ nɔ maga siili saha wa dugli, nibinsa ba naa yaa tiŋ ba tutɔ daŋnɛ, zi wau. Ba zi wa mɔmsi mau,

1 Jɔn 2:18

Mu bisa, tɛɛnɛ nɔ maga siili saha duglɛu. Ma funɛ nu di Yesu dɔm zen zi wa wau chen saha ti. Amaa Yesu dɔm damata piin liu a wa. Chendaha ya zim di tɛɛnɛ nɔ maga siili saha ti duglɛu.

1 Jɔn 4:1

Mu chɛn daŋnɛ, nara ŋɔɛɛ di ba ya Koosa witinsiwa a sɛm wa o kpok ni, ma ta nyɛ ma se su ba lalaga. Witinsa ba naa ya nusun tima, kinkan piin pisiu a kaali bawu maga ni. Chendaha maa doso ba ni.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.

JɔnN Deesi 12:15

Doon sel zen ti fun nyɛ ni pal kinkan a li o nɔ ni a chi pul, chen ni o zi chuŋi un kaaliu.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.

JɔnN Deesi 20:2

O fun kpak sel zen sɛm naa funɛ te duŋni nihaan ti a vɔu un wa zɔgli ti ni hali bun tusuga. Waa ya sintana naa ba yir dum ti a nyɛn a vusi a ya alizin tagna koora.