2 Kɔr. 1:8 - Tampulma

⁸ Mu niinbisa, mu daŋni maa lisi chenani ba naa nyɛn Azia pulum ni, fun nyɛ ya na namsiu kinkan. Chen saha ti ya namsi funɛ zenu a kaali a maga. Hali ya fun lisi di ya zi sitiu.

2 Kɔr. 1:8 Σταυροειδείς Αναφορές

Tuma 16:6

Pɔɔl awa o kpɛgsa fun gba a la li Frijia awa pulum naa ba yir Galesia. Ba funɛ la tel pulum naa ba yir Azia, Koosa siim weri ti wa fun nyɛ ba nyinbaan di ba zu a biksi Koosa laaboor weri ti dooni.

Tuma 19:41

O funɛ sɛm nan peti, o fun nyɛ ba pisi a li lagmi ti ni.

Tuma 2:9

Ya ya Partia tima, Miid tima, Ilam tima, Mɛsɔpɔtemia tima, Judia tima, Kapadosia tima, Pɔntus tima, Azia tima,

Room 1:13

Mu niinbisa, mu daŋni ma zimu di mu funɛ daŋniu mu wa ma wati bu damata, amaa mu wa fun koti a wa. Mu daŋni mu lisi narawa ma wati a nyɛ Koosa ni a chi mu funɛ lisi ba a li ba naa vɛ ya Ju tim wati bawu maga ni.

1 Kɔr. 15:32

O duuti mu wa sel zene funɛ yo dɔŋa a li Ɛfɛsus ni. O ya di tɛɛnɛ nɔ maga kina duŋduŋ daha mu wa a funɛ yo dɔŋa, baŋ nyɔɔra mu na? Nisitɛ vɛ si ba sou ni, ma nyɛ yaa di diwe aa kinyɔ kinyɔɔlɛ domi ya wa zim chɛ.

1 Kɔr. 16:9

Mu kpak nyinbaanu bar nɔ a zi koti a tum Koosa tuma kinkan a na nyɔɔra. Amaa ba naa la daŋni ba tɔ mu tum nyinbaan, ba iiu.

1 Kɔr. 4:8

Ma lisi di ma piin kpak kin naa maga ma daŋniu a ya kin tima a burgi a chi koorsa. Chenani maa lisi, chen wa ya wuti. Ya fu daŋni ya wa ma burgi a chi koorsiwa.

2 Kɔr. 1:9

O chi ba funɛ di ya sou sɛriau. Koosa funɛ nyɛ kin nama ya yau, chen ni o zi biksi yau di ya ta nyini ya titi se ni, amaa ya nyini o waa naa lɛlɛ nara a li ba sou ni se ni saha maga.

2 Kɔr. 6:9

Ya wa ya nibin zene, amaa nara maga zim ya wɛu. Ya chi nibin sitɛwa, amaa ya ka ha vɛɛn kpak miisau. Ba nyɛ ya na namsiu kinkan, amaa ba ha wa kpu ya.