2 Kɔr. 1:1 - Tampulma

¹ Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 1:1 Σταυροειδείς Αναφορές

Tuma 16:1

Pɔɔl awa Sailas fun bur kaali Dɛɛbɛ awa Listira. Yesu nitiŋɛ ta digi funɛ nyɛn doon ba yir un Timoti. O niina gbanko funɛ ya Yesu nitiŋirɛ. O niin ti funɛ ya Ju timwa ka o nyana ka ya Girik tima.

Room 15:26

Ba dɔŋtima ba naa nyɛn Masɛdonia pulum awa Girik tim pulum ni, ba fun lisi di o weru wa ba lagmi ba kin bɔnɛ a kpa nyɛ fara tim ni a li Jɛrusalɛm ni.

Room 16:21

Timoti naa wa min la tum tuma zaami mau. Lusius, Jesɔn awa Sosipata ba naa ya Ju tim ta, gbanko zaami mau.

Room 16:5

Ma gbanko zaami Yesu nitiŋɛ ba naa lagmi ba dam ni, a zaami mu nidaŋni Ɛpainitus naa si funɛ te su Yesu a li Azia pulum ni.

1 Kɔr. 10:32

Ma doso ma ta wa ya wu digi naa la zi chɔk ma dɔŋtim ta lisi aa muksi ba. Ju tim ta akoo ba naa vɛ ya Ju tima koo ba naa ya Yesu nitiŋɛ, ma ta wa ya chen a nyɛ nandigi ni.

1 Kɔr. 16:10

Timoti wa wa ma wati, ma la un a du nɛnɛ, chen ni o wa zi ɔm, domi o gbanko tum Koosa tumwa a chi min.

1 Kɔr. 16:15

Ma zimu di Stɛfanas awa o dam walɛ funɛ te nyɛ ba se su Yesu a li Girik tim pulum ni a fun piinsa tum si sɛm tuma a nyɛ Koosa nara ni.

1 Kɔr. 16:24

Mu kpa mu daŋniu a nyɛ ma maga Yesu Kristo sɔn daha.

1 Kɔr. 6:11

Ma bɔnɛ funɛ ya chene, amaa lalaknɔ Koosa funɛ chaksi ma tum tagnau a li ma ni. Koosa dɔ ma. Ma wa bu kpak galimsa o wati Yesu Kristo awa Koosa siim weri ti tum daha.

2 Kɔr. 1:19

Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

2 Kɔr. 1:23

Mu daŋni Koosarɛ ya mu sɛhɛra tiina ma zim di mu sɛm ta ya wutiu. Mu wa fun wa di mu wa na ma, chen ni ma wa zi nu mu sɛm kpoka.

2 Kɔr. 11:10

Mu sɛm ta ya wutirɛ domi Yesu Kristo nyɛn min ni. Ba naa maga nyɛn Girik tim pulum ni zi nuu di mu wara nyini ma se ni a li kundɔŋ ni.

2 Kɔr. 9:2

Mu zim di ma daŋni ma suŋi bau. Mu funɛ ŋɔ Yesu nitiŋɛ ba naa nyɛn Masɛdonia pulum ni, di ba niinbisa ba naa nyɛn Girik tim pulum ni, funɛ piiliu a saksi ba papaha ti bunaani. Ba funɛ nu chenani ma kpak un ma bambe ni di ma tum nan, ba nidamata fun saksi ba papaha gbanko.

Gal. 1:1

Min waa, Pɔɔl, la sɔbi tɔn nɔ a nyɛ ma. Nara wa fun lisi min di mu ya nitumi, amaa Yesu Kristo awa ya kunyana Koosa naa lɛli un a li o sou ni, funɛ lisi min.

Gal. 3:26

Chenani ma se su Yesu Kristo nyɛ ma ya Koosa bisa.

Ɛfɛ. 1:1

Min waa, Pɔɔl, naa Koosa fun lisi di mu ya Yesu Kristo nitumi, mu la sɔbi tɔn nɔ a nyɛ Koosa nara ma naa nyɛn Ɛfɛsus ni. Ma gbanko la tiŋ Yesu Kristo nɛnɛ.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

1 Tɛs. 1:1

Min, Pɔɔl, awa Silvenus wa Timoti zaami ma naa tiŋ ya kunyan Yesu chenu a li Tɛsalɔnika ni. Mu waa, Pɔɔl, la sɔbi tɔn nɔ a nyɛ ma. Ya kunyan Yesu Kristo ti awa ya kunyan Koosa dɔ ma. Waa la zi suŋi ma a nyɛ ma bara sɔɔna.

1 Tɛs. 3:2

a fun a tum mu niinbe Timoti ma wati. Mu wa un lagmi aa tum Koosa tuma a la ŋɔ nara ni Koosa laaboor weri ti Kristo wɛ. Mu funɛ tum Timoti di o wa kpami ma a suŋi ma di ma se su Yesu nɛmɛ.

2 Tɛs. 1:1

Mu waa, Pɔɔl, awa Sailas wa Timoti zaami mau. Min, Pɔɔl, la sɔbi tɔn nɔ a nyɛ ma naa tiŋ Yesu a li Tɛsalɔnika ni. Ya kunyan Koosa awa ya kunyan Yesu Kristo dɔ ma.

1 Tim. 1:1

Min waa, Pɔɔl, la sɔbi tɔn nɔ. Koosa naa funɛ yisi ya a li ya tum tagna ni di yaa tiŋ un, awa Yesu Kristo naa nyɛ ya kpak bambi bɛgim un ni, ba funɛ ŋɔu di mu ya Yesu Kristo nitumi.

2 Tim. 1:1

Mu waa, Pɔɔl, naa Koosa fun lisi di mu ya Yesu Kristo nitumi a tum di mu la ŋɔ nara ni o miisa naa o piin kpa nyɛ ya wɛ, domi ya wa Yesu Kristo ya nibɛgimnɛ.

Tait. 1:1

Mu waa, Pɔɔl, naa ya Koosa tumtumna awa Yesu Kristo nitumi, min la sɔbi tɔn nɔ. Koosa funɛ lisi min a tum di mu wa kpami ba naa Koosa fun lisi di ba se su un a wa zim o wuti, chen ni ba zi tiŋ unu nɛnɛ.

Faili. 1:1

Mu waa, Pɔɔl, naa ba fun tɔ dɛ domi mu ya Yesu Kristo sɛhɛra tiinnɛ, awa ya dɔŋtiin, Timoti, zaami hinu. Min, Pɔɔl, la sɔbi tɔn nɔ a nyɛ i waa hin Failimɔn ni. I wa ya tum Yesu Kristo tumwa.

Ju 13:23

Ma zimu di ba funɛ kpa Timotiu a tɔ dɛ. Ma nu laaboor weriu di ba lisi unu a li dooni. O wa mu wati lalaga, o wa min zi wa lagmi a wa ma watiu.