1 Tɛs. 5:9 - Tampulma

⁹ Koosa wa fun lisi ya di o na paan a du ya ni a ta ya yɔri, amaa o funɛ lisi yau di o yisi ya a li ya tum tagna ni hali a wa peti ya kunyan Yesu Kristo daha.

1 Tɛs. 5:9 Σταυροειδείς Αναφορές

Mat. 26:24

N waa nibine be zi wa sou a chi chenani ba fun sɔbi a li Koosa sɛm tɔn ti ni chen. Yɛrɛ o kaa wa du naa kaa wa li mu gantɛl. Ba fu vɛ lul chen tiina, o fu bɔu.”

Tuma 1:20

“Ba funɛ sɔbiu a li Koosa sɛm tɔn ti bar digi naa ba yir Saams chen ni a ŋɔ, ‘Ma ta nyɛ nandigi bu nyɛn o dam ni.’ Ba gbanko funɛ sɔbiu a ŋɔ, ‘Ma nyɛ nandigi chiŋi o bar chiŋi ni.’

Tuma 1:25

chen ni waa la zi ya nitumi a chiŋi Judas bar chiŋi ni a tum i tuma. Judas wa fun bu nyɛn ya wati a na chenani o daŋni.”

Tuma 13:48

Chenani Pɔɔl fun sɛm nyɛ ba sɔɔni ba naa vɛ ya Ju tima tusa kinkan ka ba pɛgi ya kunyan ti o laaboor weri ti daha. Doone ba naa Koosa fun lisi di o kpa o mi fali naa vɛ kpak bɔ a nyɛ ba, ba se fun su o laaboor weri ti.

Room 11:30

Ma wa fun te tiŋ Koosa nɔ, amaa lalaknɔ o funɛ kpak ma sikiu, domi Ju tim ta wa fun tiŋ o nɔ.

Room 11:7

Yɛrɛ o du lalaknɔ? Kin naa Ju tim ta funɛ dɛu, ba wa fun na un. Ba nara tama naa Koosa fun yisi a nyɛ o titi ni, ba waa funɛ wa na un. Ba naa funɛ vɛ na un, o fun nyɛ ba se kpok.

1 Tɛs. 1:10

Lalaknɔ maa tum o tumwa a la pɔ o be Yesu naa kaa wa li Koosa tɔhɔn ti ni a bur wa. Koosa funɛ lɛli unu a li o sou ni. Waa ya naa la zi yisi ya a li chenani Koosa zi na paan a du ya a lɛrgi ya diŋsa ni.

1 Tɛs. 3:3

Ma ta bur gantɛl ba la muksi ma daha. Ma zimu di o ya Koosa tutɔrɛ di ba zi namsi ba naa tiŋ o nyinbaanu.

1 Tim. 1:13

Saha digi mu fun zim un a la chɔk o sɔn a la pini o zoma a la muksi o nitiŋɛ ta kinkan. Mu si wa fun su un. Chendaha mu wa fun zim chenani mu tum. Amaa Koosa funɛ kpak min sikiu,

1 Tim. 1:16

Chendaha Koosa fun a kpak min siki ka muu tum tum tagna a kaali nara maga ka Yesu Kristo fun kpak kanyita kinkan min ni. Chenani ba fun ya a nyɛ min biksi ba naa la zi wa a nyɛ ba se su un, chenani ba zi wa la o mi fali naa vɛ kpak bɔ.

2 Tim. 2:10

Chendaha mu di mu namsi maga, chen ni Koosa zi wa yisi ba naa o fun lisiu a li ba tum tagna a kpa o jirima zen naa vɛ kpak bɔ a nyɛ ba. Ya wa Yesu Kristo ya nibɛgimnɛ. Chendaha Koosa koti a ya chen.

1 Pita 2:10

Saha digi o wa fun dɔ ma, amaa lalaknɔ o dɔ mau. O wa fun a ɔm ma siki saha digi, amaa ma la unu lalaknɔ.

1 Pita 2:8

Buŋkul nɔ la zi mo nibinsi naŋgere ba chel,” domi ba vɛu di ba wa zi nu Koosa laaboor weri ti. Koosa tutɔ funɛ ya chen.

2 Pita 1:1

Mu waa, Simɔn Pita, naa ya Yesu Kristo tumtumna awa o nitumi, min la sɔbi tɔn nɔ a nyɛ ba naa se su Yesu Kristo a chi ya se su un chen. Ya se suuli ti kaalɛɛ. Waa ya wuti tiina. Chendaha ya se suuli ti awa ma se suuli naa ma kpak un ya kibɛgim. O gbanko ya Koosa a fun yisi ya a li ya tum tagna ni.

2 Pita 2:3

Nibiksɛ ba naa ya se tima, zi biksi ba titi murau a nyɛ ma, a na nyɔɔra a li ma ni. Amaa Koosa wa zi vusi a wa di ba sɛria a na ba galimsa a ta ba yɔri.

Juud 1:4

Amaa ba naa vɛ tiŋ Koosa, bɔnɛ fun sogli a wa gbaari ma ni. Ba funɛ chɛrgi Koosa laaboor weri naa biksi ya chenani Koosa fun a suŋi ya, a vɛ Yesu Kristo naa ya ya kunyana bɛgim. Ba funɛ ya chene di ba tum chɔkumsa tuma. Ba fun sɔbi a li Koosa sɛm tɔn ti ni saha digi di Koosa zi wa di ba sɛriau a na ba galimsa.