1 Tɛs. 4:8 - Tampulma

⁸ Adaha ba naa wa vɛ ya biksi nɔ, o wa vɛ chenani nibinsa fun biksi, amaa o vɛ chenani Koosa funɛ biksirɛ. Waa funɛ kpa o siim weri ti a du ma ni.

1 Tɛs. 4:8 Σταυροειδείς Αναφορές

Luk 10:16

Doone Yesu fun ŋɔ o gantɛl tiŋsi ta ni, “Nara maga nu ma nɔ, mu nɔɔrɛ ba nu chen. Nara maga vɛ ma nɔ, mu nɔɔrɛ ba vɛ chen. Nara maga vɛ min, Koosa naa tum minnɛ ba vɛ.” Yesu fun ŋɔ ba peti chen a tum o gantɛl tiŋsa nara fumnɔpɛ dalɛ ta.

Jɔn 12:48

Tɛɛnɛ nɔ maga siili saha wa tel, sɛm nawara mu fun sɛm zi wa di ba naa funɛ vɛ min awa mu sɛma sɛriau.

Tuma 13:41

Ba fun ŋɔ, ‘Ma naa la pini Koosa sɛma zoma chen, ma nu mu wati. Tum nawara mu tum ma se ni nan, hali nandigi wa ŋɔ ma a mun, ma se wa zi su a. Chendaha Koosa zi wa na ma galimsau a ta ma yɔri, alaazibu zi kpak mau chen daha.’ ”

Room 5:5

Koosa funɛ daŋni ya kinkan a kpa o siim weri ti a du ya ni kinkan. Waa ya o papaha ya wati. Chendaha ya bambi bɛgim naa ya kpak un ni wa zi nyɛ ya buri.

1 Kɔr. 2:10

Amaa lalaknɔ Koosa funɛ nyɛ o siim weri ti biksi ya kin nama wɛ. O siim weri ti nyini kina maga a zim Koosa wu sogle gbanko.

1 Kɔr. 7:40

Mu wati, o gil baal yuuli, o tuha zi sɔɔniu a kaali o yu baal. Mu la sɛm nan, mu lisu di Koosa siim weri ti biksi min.

2 Kɔr. 1:22

a zer o dani a du ya ni. O gbanko funɛ kpa o siim weri ti a du ya bambe niu. Waa ya o purigiri bɔɔli kin naa maga o zi kpa a nyɛ ya.

Gal. 4:6

Ma ya o bisiwa. Chendaha Koosa fun kpa o be siim weri ti a du ma bambe ni. Chen siim weri ti nyɛ ma yir Koosa ma kunyana.

1 Pita 1:12

Koosa siim weri ti gbanko wa fun biksi o witinsi ta di ba wa tum a nyɛ ba titi nɛɛ, amaa ba tum a nyɛ ma nɛɛ. Koosa fun a tum o siim weri ti a li o tɔhɔn ti ni di o kpa o kpok ti a nyɛ ba naa funɛ wa biksi ma Koosa laaboor weri ti wɛ. O witinsi ta funɛ sɛm o laaboor weri ti wɛu a daŋni ma zim un. Hali Koosa malaikasa daŋni ba zim o laaboor weri ti munu.

2 Pita 1:21

Koosa witinsi ta sɛma wa fun li nibinsa watɛɛ, amaa Koosa siim weri ti funɛ kpa o sɛma a nyɛ ba di ba kpa a biksi nara.

1 Jɔn 3:24

Ba naa maga tiŋ Koosa nɔ sɛma, nyɛn un ni ka o ka nyɛn ba ni. Ya zimu di nan ya wutirɛ, domi waa funɛ kpa o siim weri ti a du ya ni.

Juud 1:8

Chen vɛɛna, nara nama la na kina a naa nyɛ ba tum tum tagna a du ba titi bara ni a chi ba deesi. Baa tiŋ ba tutɔrɛ a la pini Koosa malaikasa zoma.