1 Tɛs. 4:6 - Tampulma

⁶ Nandigi ta daŋni o dɔŋtiin haan, akoo fuksi un. Nar la ya nan, o tum tum taginnɛ a nyɛ un. Ya funɛ piin ŋɔ mau kin na wɛu a tɛ ma nin kinkan di ba naa la tum tum tagna nan, Koosa zi wa lɛrgi ba diŋsau a ta ba yɔri.

1 Tɛs. 4:6 Σταυροειδείς Αναφορές

Maak 10:19

I piin zim Koosa chiksɛ tau. Koosa funɛ ŋɔ di, ‘Ma ta kpuuli a ta ŋmɛɛli a gil chɔkumsi tuma a ta suni wɛ a nyɛ dɔŋ ni aa gil dɔŋ diili. Ma nyɛ ma nyama awa ma numa jirima.’ ”

Luk 12:5

Ma ka ɔm Koosa naa koti a chɔk ma bara a kpa kpok a zi kpak ma a du din dam ti ni. Wutirɛ mu ŋɔ ma, maa ɔm un.

Luk 16:28

a la ŋɔ mu niinbisa nyuun ba naa nyɛn dooni di ba gil ba tum tagna. Ŋɔ ba di ba vɛɛ, ba zi wa gbaari min niu a li bar namsi nɔ ni.’

Room 1:18

O waa na paan a du ba naa vɛ o nɔ a la tum tum tagna a zi lɛrgi ba diŋsa. Ba tum tagna daha, ba kpa o wuti ti a ta.

Room 12:19

Mu bi daŋnɛ, ma fiɛŋ ma daŋni ma bɔ ba naa la tum tum tagna a nyɛ ma wa tum tagna ni. Ma nyɛ Koosa na paan a du ba ni a lɛrgi ba diŋsa. Maa nyɛ o bɔ ba. Ba fun sɔbi a li o sɛm tɔn ti ni di Koosa ŋɔ, “Mu zi bɔ ba naa la tum tum tagnau.”

Room 13:4

Ba waa ya Koosa tumtumsa a tum a dɛu ma tum were. Maa tum tum tagna, ma zi ɔm bau. Ba kpak kpok naa ba zi lɛrgi ma diŋsau. Ba waa chiŋi Koosa naa na paan a du tum tagna nitumɛ ni a la lɛrgi ba diŋsa bar chiŋi ni.

2 Kɔr. 7:11

Domi ma waa funɛ nyɛ Koosa chɔk ma tusa, ma se sɛrɛu di ma kɔɔri ma sɔna a bu kɔɔri wi naa kaɛɛ. Ma daŋni di ma bu na ya kinkan a kpak un ma bambe ni di ma lɛrgi naa la tum tum tagin diŋna. Tum naa maga ma fun tum, ya wa na ma galimsa.

Gal. 5:21

a nyɔ sin a dɛɛsi a lagmi a di diwe kinkan a la tum tum tagna kinkan. Mu funɛ te tɛ ma ninu kin nama daha. Mu bukoo tɛ ba naa la tum tuma a chi nan ninu di ba wa zi wa zu Koosa koor ti.

Ɛfɛ. 4:17

Domi ma wa ma kunyan ti ya nibɛgim daha, mu daŋni mu ŋɔ ma di ma ta nyɛni a chi ba naa vɛ zim Koosa nyɛni. Chenani ba lisi ya yɔrirɛ,

Ɛfɛ. 4:28

Ma ya ŋmɛɛrsa, ma gil ŋmɛɛli. Ma la di ma bara wilim ni, chen ni ma zi kotiu a lisi ma kina tuhu ni a suŋi fara tima.

Ɛfɛ. 5:6

Ma ta nu nara womsi sɛma a nyɛ ba mur ma. Ba wara tiŋ Koosa nɔ. Chendaha o na paan a du ba ni a zi wa lɛrgi ba diŋsa.

1 Tɛs. 2:11

Ya funɛ dɛɛsi ma a chi chenani nyama dɛɛsi ba bisa chen.

2 Tɛs. 1:8

Ba naa vɛ zim Koosa awa ba naa se vɛ su o laaboor weri ti ya kunyan Yesu wɛ, Koosa zi wa lɛrgi ba diŋsau a ta ba yɔri.

Ju 13:4

Nibaala awa ba haanasa kinyɛ dɔŋa awa jirima saha maga. Ba naa la daŋni nihaana yɔri yɔri a la tum chɔkumsa tuma, Koosa zi wa na ba galimsau.

Ju 2:6

Ba funɛ sɔbi a li o sɛm tɔn ti ni di ba biksi ya di sɛm na ya wutiu. Ba fun ŋɔ, “Koosa, hin funɛ naami nibinsa a nyɛ ba kpok tama, amaa i baga nyɛn ba niu ka i nyini ba.

Jems 2:6

Amaa ma wa zɛɛmi fara tima a la nyɛ malɛ tima ba naa kpak tuha sa a nyɛ ma namsi a lɛrgi ma a la sɛria nidiile tim suwachak, wa jirima ni.

Jems 5:4

Ma fun a mur tumtumsa ba naa la tum ma ŋmaha ni a vɛ bɔ ba. Ma wara nu ba fɔulii? Koosa naa kpak kina maga kpok, o nu ba naa la kum ma ŋmaha ti kiparɛ chen wiilau.