1 Tɛs. 3:5 - Tampulma

⁵ Saha naa ma wɛ fun wa muksi min kinkan, mu funɛ tum Timotiu ma wati di o wa na chenani ma du, a naa ma se ha vɛɛn su Yesu akoo ma se wa su un. Mu wa zim, ami sintana wa zaamsi mau ka ma tiŋ o nɔ ka ya tuma chɔk a ta yɔri.

1 Tɛs. 3:5 Σταυροειδείς Αναφορές

Mat. 4:3

Sintana fun wa zaamsi un a ŋɔ, “I sir ya Koosa be, nyɛ buŋkul na burgi diwe i di.”

Tuma 15:36

Wuzu digi Pɔɔl fun ŋɔ Barnabas ni, “Ya funɛ biksi narau a li tɔ damati ni. Ma nyɛ ya bur kila a la na chenani Yesu nitiŋɛ ba naa nyɛn dooni, se su.”

1 Kɔr. 7:5

Adaha ma ta vɛ dɔŋa. Nibaal awa o haan vɔwɛɛ a ŋɔ di ba ha gil dɔŋa wuzu bilɛ, chen ni ba zi sumi Koosau awa tu kibɛgim ni a bu wa lagmi dɔŋ ni, chen weree. Amaa o vɛ ya chene, ma ta waligi dɔŋ ni, chen ni sintana wa zi koti a zaamsi ma, domi ma wa kikoti a kpak ma titi nɛnɛ.

2 Kɔr. 2:11

Ya zim chenani sintana tumu saha maga. Chendaha ma zer chen nyinbaan o wa kikoti a nyaŋi ma.

2 Kɔr. 6:1

Min, Timoti awa Koosa lagmi a tum o tuma. Chendaha ya sumi ma di ma kpa chenani Koosa fun suŋi ma a tum tuma a nyɛ un.

Gal. 2:2

Koosa titi funɛ biksi min di ya la dooni. Ya wa Yesu nitiŋɛ ba naa nyɛn dooni, nihɛɛta fun wa lagmi dɔŋ ni ya duŋduŋ. Mu fun ŋɔ ba chenani mu fun biksi ba naa vɛ ya Ju tima Koosa laaboor weri ti wɛ. Mu wara daŋni ba lisi di tum naa mu tum a nyɛ Koosa ni chen ya yɔrirɛ.

Gal. 4:11

O muksi minu kinkan ma daha. Tum naa mu fun tum a nyɛ ma, chen ya yɔrirɛɛ?

Ɛfɛ. 4:14

Saha ti wa tel, ya wa zi bu chi ba naa se vɛ su un nɛnɛ. Ba chi arŋa naa peha viigire. Nibiksɛ ba naa vɛ zim Koosa yaa wa mur ba a daŋni ba yisi ba a li wuti tiŋi nyinbaan ni. Nibiksɛ ta yaa kpak un ba bambe ni di ba tum tum tagna maga hali a wa na chenani ba daŋni.

Filip. Tima 2:16

aa kibiksi ba chenani Koosa daŋni o kpa o mi fali ti a nyɛ ba. Maa tum nan, ka Kristo wa bur wa, ma zi ya mu jirima narau. Mu tum nama maga mu tum a nyɛ ma nan, a wa zi ya yɔri.

Filip. Tima 2:19

Ya kunyana Yesu Kristo nyɛ min bambi bɛgim mu tum Timoti ma wati lalaga, chen ni o wa bur wa, o zi kpami minu wa ma laaboora ni.

1 Tɛs. 2:1

Mu niinbisa, ma titi zimu di ya funɛ nyɛn ma wati, ya tusa funɛ sɔɔni awa chenani ya tumu.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.