1 Tɛs. 1:3 - Tampulma

³ Yaa ŋɔ ya kunyan Koosau chenani maa tum o tuma domi ma se su un. Maa tumu hali a wa ku, domi maa daŋni unu kinkan aa tiŋ un wa kanyita ni.

1 Tɛs. 1:3 Σταυροειδείς Αναφορές

Jɔn 14:15

“Maa daŋni min, ma zi tiŋ chenani mu ŋɔ mau.

Jɔn 15:10

Mu funɛ tum chenani mu nyan naa la daŋni min, fun ŋɔ min di mu tum, chen ni ya lagmi nyɛni nɔ wa zi bur gantɛl. Chen vɛɛna ma tiŋ chenani mu naa la daŋni ma, fun biksi ma, ya lagmi nyɛni nɔ wa zi bur gantɛl.

Tuma 10:31

a ŋɔ, ‘Kɔnilius, chenani ii sumi Koosa a la suŋi fara tim ta chen sɔɔnɛ o tuha.

Tuma 3:19

Adaha ma gil ma tum tagna a bur tiŋ ma kunyana Koosa, chen ni o wa zi bu na ma galimsa.

Room 12:12

Ma kpak bambi bɛgim awa tu sɔɔna un ni, a kinamsi wa kanyita ni aa kpak un ma bambe ni a sumi Koosa saha maga.

Room 15:13

Ma se su Koosa naa ya bambi bɛgim tiina. Chendaha o zi nyɛ ma tu sɔɔna awa bara sɔɔna kinkan, chen ni ma bambi bɛgim naa ma kpak un ni zi zenu aa gbaari a li o siim weri ti kpok ni.

Room 15:4

Kin nawara ba fun sɔbi a li Koosa sɛm tɔn ti ni saha digi, a waa nyɛn dooni di a kpami ya a biksi ya di ya kpak kanyita, chen ni ya kpak bambi bɛgim Koosa ni.

Room 16:26

a zi kpa un a li gbampulim a nyɛ o witinsi ta ni ba sɔbi o wɛ. Koosa naa nyɛnɛɛ hali saha naa vɛ kpak bɔ, ŋɔu lalaknɔ di ya kpa un a la biksi ba naa maga vɛ ya Ju tima, chen ni ba zi na nyinbaanu a nyɛ ba se su Koosa a tiŋ o nɔ.

Room 16:6

Ma zaami Mɛri naa funɛ suŋi ma kinkan,

Room 2:7

Ba naa maga la tum tum were wa kanyita saha maga, chen ni ba zi wa la jirima awa chaani kinkan awa miisa naa vɛ kpak bɔu Koosa wati, Koosa zi kpa kin namau a nyɛ ba.

1 Kɔr. 13:13

Adaha kina tora nyɛnɛɛ a ya wu birige. A waanɛ, si suuli, bambi bɛgim kpaki, awa daŋni. Amaa daŋni kaali a maga.

1 Kɔr. 15:58

Mu bi daŋnɛ, ma kpak nɛnɛ aa tum ya kunyan ti tuma kinkan. Ma zim di chenani maa tum tuma a nyɛ un, a wa zi wa ya yɔri.

2 Kɔr. 2:17

Nidamata biksi nara Koosa laaboor weri ti wɛ wa ba nyina nɛɛ, chen ni ba zi na nyɔɔrau a nyɛ ba titi ni. Ya waa wa chi chen tima. Koosa funɛ tum ya di ya wa biksi nara o wɛ wa tu bɛgim ni. O chi Koosa la nyini ya. Ya chiŋɛ o bar chiŋi nɛɛ a biksi nara a li kpok naa Kristo kpa nyɛ ya chen.

Gal. 1:4

Kristo funɛ tiŋ ya kunyan Koosa tutɔrɛ a sou ya daha, chen ni o zi kotiu a yisi ya a li lalaknɔ wu tagna saha ni.

Gal. 5:13

Mu niinbisa, Koosa funɛ yir ma di ma ta ya yosa. Amaa lalaknɔ o yisɛ mau, ma ta bu tiŋ ma titi daŋnɛ. Ma ka daŋni dɔŋa a kisuŋi dɔŋa.

Gal. 5:6

Domi ya wa Kristo ya nibɛgimnɛ, Koosa baga wa to di nara teŋsi yau koo ba wa teŋsi. Amaa o ka daŋni kinkannɛ di ya se su un, chen ni ya zi daŋni dɔŋau.

Gal. 6:9

Ma ta nyɛ ya tum tum were a kuuli. Ya kpak chen nɛnɛ, Koosa zi bɔ ya ya chimu.

1 Tɛs. 3:6

Timoti funɛ wa ma watiu a bur wa ya wati. Laaboor naa o fun wa a wa ŋɔ ya chen funɛ ya ya lɛmlɛmu kinkan. O funɛ ŋɔ yau chenani ma se su Yesu ka ma daŋni nara. O funɛ ŋɔ ya di ma ha vɛɛn a lisi ya wɛu nɛnɛ, a la daŋni ma na ya a chi chenani yaa daŋni ya na ma nan.

2 Tɛs. 1:11

Chendaha ya yaa sumi un ma daha. Waa funɛ lisi ma di ma la o mi fali ti. Yaa sumi unu di o nyɛ ma o kpok ti yaa tiŋ o mi fali ti nɛnɛ. Ya vɛɛn a sumi unu di o suŋi ma ma kitum tum were a naa maga ma daŋni ma tum hali a wa peti, domi ma se su un.

2 Tɛs. 1:3

Mu niinbisa, ya yaa zaami Koosau ma daha saha maga. O weru di yaa zaami un chen, domi ma se suuli gbaariu kinkan ka maa daŋni dɔŋa.

1 Tim. 1:14

a suŋi min hali o vɛ kpak bɔ di mu si su un, chen ni mu zi kotiu a daŋni nara. Ba naa maga wa Yesu Kristo ya nibɛgim, o suŋi ya nan.

1 Tim. 2:3

Ya tum chen maga, o zi sɔɔni Koosa tuhau,

Ju 10:36

Maa tiŋ o tutɔ wa kanyita ni, chen ni ma zi na kin nawara o vɔu di o nyɛ ma chenu.

Ju 11:17

A gantɛl nɛɛ Koosa fun tiŋ chenani o fun vɔu a nyɛ Abraham ni a nyɛ o lul be, a du un Aizik, o fun zaamsi un a ŋɔ un di o kpa o be a la kɔɔri kɔɔra a nyɛ un. Abraham funɛ saksi di o kpu o be ti, o si ha fun vɛɛn su Koosa.

Ju 13:21

Koosa naa ya bara sɔɔna tiina, zi yisi kin naa maga ma daŋniu a nyɛ ma, chen ni ma zi kotiu a tiŋ o tutɔ nɛnɛ. Yesu Kristo la suŋi ya di ya tum tum were a sɔɔni Koosa tuha. Ma nyɛ ya nyɛ Yesu wa jirima kinkan hali saha naa vɛ kpak bɔ. Ami.

Ju 4:11

Ma nyɛ ya kpak un a li ya bambe ni di ya zu dooni. Ma ta nyɛ ya vɛ o nɔ a chi ba naa funɛ tiŋ Mosis chen, chen ni Koosa wa zi wa nyɛ ya zu dooni.

Ju 6:15

Abraham funɛ kpak kanyitau. Chendaha o fun na chenani Koosa fun vɔu a nyɛ un.

1 Pita 3:4

Chenani ma bambe du kaali kin nama maga. Chendaha maa ya nihaan jɛrgɛ. Wuzu digi ma salma kin ta awa ma gar were ta zi wa chɔku, amaa ma ka ya jɛrgɛ, o wa zi chɔk. Chenani maga ma du Koosa wati kaali kin naa maga ma kpak.

1 Jɔn 3:18

Mu bisa, ya ta daŋni ya dɔŋtima wa ya sɛma duŋduŋ ni. Ma nyɛ yaa daŋni ba wa wuti ni a tum tum were a nyɛ ba.

1 Jɔn 3:21

Mu bi daŋnɛ, ya zimu di yaa tiŋ chenani o daŋni ya tiŋi, ya zi kpak bambi kpokau o suwachak ni.

1 Jɔn 3:3

Adaha ba naa maga kpak chen bambi bɛgim, ba zi kpak unu ba bambe ni di ba ya tu chaan tima a chi chenani Yesu ya tu chaan tiin chen.

1 Jɔn 5:3

Naa la daŋni Koosa zi tiŋ o nɔu. Chenani o daŋni ya tum wa bɔm.

JɔnN Deesi 2:19

Mu zim chenani ma bambe duu awa chenani ma daŋni Koosa awa dɔŋa awa chenani ma se su un nɛnɛ. Mu gbanko zim di tum were naa maa tum wa kanyita ni lalaknɔ nan kaali te tel tum ta.

JɔnN Deesi 3:10

Saha naa ba naa maga nyɛn tɛɛnɛ nɔ maga ni zi wa namsi kinkan, ka mu zi zaamsi ba, duglɛu. Ma funɛ tum ma tumau wa kanyita ni a chi chenani mu fun biksi ma. Chendaha mu zi wa lisi mau a li namsi ti saha ni.