1 Tɛs. 1:1 - Tampulma

¹ Min, Pɔɔl, awa Silvenus wa Timoti zaami ma naa tiŋ ya kunyan Yesu chenu a li Tɛsalɔnika ni. Mu waa, Pɔɔl, la sɔbi tɔn nɔ a nyɛ ma. Ya kunyan Yesu Kristo ti awa ya kunyan Koosa dɔ ma. Waa la zi suŋi ma a nyɛ ma bara sɔɔna.

1 Tɛs. 1:1 Σταυροειδείς Αναφορές

Tuma 15:22

Jems funɛ sɛm peti, nitumɛ ta, nihɛɛti ta awa Yesu nitiŋɛ ta maga fun lisi nara balɛ a li ba tuhu ni di ba la lagmi Pɔɔl awa Barnabas ni ba la Antiɔk. Ba sɔna funɛ ya Judas Barsabas awa Sailas. Yesu nitiŋɛ ta maga fun nyɛ ba jirima kinkan.

Tuma 15:27

Nara balɛ ta ya lisi a gbaari ba ni chen sɔna ya Judas awa Sailas. Chenani ba zi sɛm ma awa chenani ya sɔbi a li tɔn ti ni ya kibɛgimnɛ.

Tuma 15:40

Yesu nitiŋɛ ta fun kpa Pɔɔl awa Sailas naa o fun lisi, a du Koosa nin ni di o suŋi ba. Ba fun li dooni,

Tuma 16:19

Baa naa dɔ nihabichɛl ti chen funɛ na chenani Pɔɔl ya, ba fun zim di ba wa zi bu na nyɔɔra a li un ni. Ba fun kpak Pɔɔl awa Sailas a zaksi ba a la yawa doonani ba di sɛriasa chen.

Tuma 16:25

O fun wa dugli tɔhɛɛsa, Pɔɔl awa Sailas funɛ sumi Koosa a lɔ boola a pɛgi un. Ba naa ba fun kpa gbaari ba ni dɛ ti ni fun kani a nu ba wati.

Tuma 16:29

Niili ti fun ŋɔ di ba kpa fitin kuwa a chɔ a la gbiri Pɔɔl awa Sailas suwachak ni. Hansura fun kpak un kinkan o bara jigiri.

Tuma 17:11

Ba naa nyɛn dooni chen, bambe funɛ puku a kaali ba naa nyɛn Tɛsalɔnika ni, domi ba funɛ kpak un ba bambe ni di ba nu chenani Pɔɔl kaa sɛm. Wuzu kam ba yaa fun karimi Koosa sɛm tɔn tiu di ba na chenani Pɔɔl biksi ba chen ya wutirɛ.

Tuma 18:5

Sailas awa Timoti funɛ la tel Kɔrint a la Masɛdonia pulum ni, Pɔɔl fun gil o sela tɔn ta kɔɔri a kpa o saha maga a biksi nara Koosa laaboor weri ti wɛ. O fun kpak o titi a biksi Ju tim ta a li gbampulim ni di Yesu ya Kristo naa Koosa fun vɔu di o zi wa tumu wuzu digi chen.

Tuma 19:22

O fun tum o nisuŋi nara balɛ, Timoti awa naa ba yir Ɛrastus chen, ba te o suwachak a kaali Masɛdonia pulum. O fun kpalimi Ɛfɛsus naa nyɛn Azia pulum ni.

Tuma 20:4

Nara banɔpɛ awa Pɔɔl funɛ te ya suwachak a la pɔ ya Troas ni. Ba sɔna funɛ ya Sopata, Pirus be a li Bɛrɛa ni, Aristakus awa Sɛkundus a li Tɛsalɔnika ni, Gaiyus a li Dɛɛbɛ ni, Taikikus awa Trofimus a li Azia pulum ni, awa Timoti.

Room 1:7

Mu zaami ma naa maga Koosa daŋni a fun lisi a nyɛ o titi niu a li Room ni. Ya kunyana Koosa awa ya kunyana Yesu Kristo suŋi ma a kinyɛ ma bara sɔɔna.

1 Kɔr. 1:2

Min la sɔbi tɔn nɔ, a nyɛ Koosa nitiŋɛ ba naa nyɛn Kɔrint ni. Domi ma wa Yesu Kristo ya nibɛgimnɛ, lalaknɔ Koosa dɔ ma. Koosa titi funɛ yir ma di ma wa o wati a wa burgi o bisa. O gbanko funɛ yir ba naa nyɛn bawu maga ni a sumi un di o yisi ba a li ba tum tagna ni. Yesu ya ya kunyana awa ba kunyana.

2 Kɔr. 1:1

Min waa, Pɔɔl, naa Koosa fun a lisi di mu ya Yesu Kristo nitumi, awa ya niinbe, Timoti, zaami mau. Min, Pɔɔl, la sɔbi tɔn nɔ a nyɛ ma naa Koosa fun lisi di ma tiŋ un a li Kɔrint ni awa ba naa maga ya o nara a nyɛn Girik pulum ni.

2 Kɔr. 1:19

Min, Sailas awa Timoti funɛ nyɛn ma wati chen, ya fun a biksi ma Yesu Kristo naa ya Koosa be, wɛ. Yesu wara vɔu a nyɛ ma wa o nyina ni. O ka tum o tum magawa wa tu bɛgim ni.

Gal. 1:2

Mu wa ya niinbisa ba naa maga nyɛn bar nɔ, zaami ya dɔŋtima ma naa maga lagmi dooni aa jɛɛmi Koosa a li Galesia pulum ni.

Gal. 1:22

Chen saha ti maga, Yesu nitiŋɛ ba naa nyɛn Judia pulum ni, wa fun pu min.

Ɛfɛ. 1:2

Ya kunyan Koosa awa ya kunyan Yesu Kristo kisuŋi ma aa kinyɛ ma bara sɔɔna.

Filip. Tima 1:1

Min waa, Pɔɔl, la sɔbi tɔn nɔ a nyɛ ma. Mu wa Timoti ya naa ya Yesu Kristo tumtumsa zaami ma naa ya Koosa nara awa ma nihɛɛta awa ma nisuŋɛ a li Filipai ni. Ma wa Yesu Kristo ya nibɛgimnɛ.

Kɔl. 1:1

Min, Pɔɔl, naa Koosa fun lisi di mu burgi Yesu Kristo nitumi, la sɔbi tɔn nɔ a nyɛ ma.

2 Tɛs. 1:1

Mu waa, Pɔɔl, awa Sailas wa Timoti zaami mau. Min, Pɔɔl, la sɔbi tɔn nɔ a nyɛ ma naa tiŋ Yesu a li Tɛsalɔnika ni. Ya kunyan Koosa awa ya kunyan Yesu Kristo dɔ ma.

1 Tim. 1:2

Mu la sɔbi tɔn nɔ a nyɛ Timoti naa si funɛ su Yesu wuti ni a li mu biksi ni. Ya kunyana Koosa awa ya kunyan Yesu Kristo kpak hin siki a kisuŋi hin a nyɛ hin bara sɔɔna.

2 Tim. 1:2

Mu la sɔbi tɔn nɔ a nyɛ mu be daŋni Timoti naa si funɛ su Yesu a li mu biksi ni. Ya kunyana Koosa awa ya kunyan Yesu Kristo suŋi hin a kpak hin siki aa nyɛ hin bara sɔɔna.

Ju 13:23

Ma zimu di ba funɛ kpa Timotiu a tɔ dɛ. Ma nu laaboor weriu di ba lisi unu a li dooni. O wa mu wati lalaga, o wa min zi wa lagmi a wa ma watiu.

1 Pita 5:12

Silvenus naa ya mu dɔŋtiin wuti tiina, waa suŋi min mu sɔbi tɔn we nɔ a nyɛ ma. Mu tɔn nɔ ni, mu daŋni mu biksi mau a kpami ma di chenani Koosa suŋi ma, o ya wutirɛ. Ma kpak chenani o suŋi ma chen nɛnɛ.

1 Jɔn 1:3

Ya daŋni ya biksi ma kin naa maga o yarɛ ya fun na a nu, chen ni ya wa ma zi lagmiu a li sɛm nan ni. Ya wa Koosa awa o be Yesu Kristo ya maga kpak nɔ bɛgimnɛ.

Juud 1:1

Mu waa, Juud, naa ya Yesu Kristo tumtumna awa Jems niinbe, min la sɔbi tɔn nɔ a nyɛ ma. Ya kunyana Koosa fun lisi ma a la daŋni ma ka Yesu Kristo kok ma.