1 Jɔn 5:7 - Tampulma

⁷ Adaha sɛhɛrasa tora nyɛnɛɛ,

1 Jɔn 5:7 Σταυροειδείς Αναφορές

Mat. 17:5

Pita funɛ sɛm chene, dobaal naa la chaani fun wa tɔ ba, zuuuu. Ba fun nu ta dobaal ti ni ka o ŋɔ, “N be daŋni nɛɛnɛ. Waa la ya min lɛmlɛm kinkan. Maa nu o sɛma.”

Mat. 18:16

O vɛ nu i nɔ, i kpa chɛn bɛgim koo nara balɛ, chen ni ba waa la zi ya i sɛhɛra tima a li chenani i wa i dɔŋtiina ŋɔ dɔŋ ni.

Mat. 28:19

Ma la biksi Koosa laaboor weri ti a nyɛ nibinsa ba naa nyɛn bawu maga ni. Ma chaksi ba wa ni ni, chen ni ba zi burgiu mu wa mu kunyan Koosa awa o siim weri ti gantɛl tiŋsa.

Jɔn 1:1

O piili ti ni tɛɛnɛ awa buudaha wa fun to, amaa Yesu Kristo funɛ piin nyɛnu. O funɛ nyɛn Koosa se ni. Hali o wa un fun ya nibɛgim.

Jɔn 10:30

Mu wa mu nyan ti ya nibɛgimnɛ.”

Jɔn 12:28

Doone o fun sumi Koosa a ŋɔ, “Mu nyana, nyɛ nara kinyɛ hin jirima chenani ba kaa ya min daha.” Ba fun vaan nu ta a li buudaha ni ka o ŋɔ, “Mu funɛ nyɛ nara nyɛ min jirima ka mu zi bu nyɛ ba ya chen.”

Jɔn 14:17

O wa zi wa nyɛn tɛɛnɛ nɔ tim maga bambe ni, domi ba wa zim di o nyɛnu. Ma ka zim di o nyɛnu, domi o zi wa nyɛn ma bambe niu.

Jɔn 15:26

“Mu funɛ piin ŋɔ mau di Koosa siim weri naa ya wuti tiina zi biksi nara mu wɛ. Mu wa bur la mu nyan ti wati, mu zi nyɛ o wa ma watiu a wa suŋi ma.

Jɔn 5:26

Mu nyan ti kpak o mi fali naa vɛ kpak bɔ kpok. O funɛ kpa o mi fali kpok tiu a nyɛ mu gbanko ni.

Jɔn 8:18

Mu sɛm mu titi wɛwa ka mu nyan naa tum min chen, gbanko sɛm mu wɛ. Chendaha ya sɛma ya wuti.”

Jɔn 8:54

Yesu fun ŋɔ ba, “Mu wara nyɛ n titi wa jirima. Mu titi jirima nyɛɛli ya yɔrirɛ. Mu nyan ti ka yaa kpa o jirima a nyɛ min. O wa naa ma yir Koosa chen ya nibɛgimnɛ.

Tuma 2:33

a kpa un a zini kaali Koosa nihɛɛti bar kani a li o tɔhɔn ti ni. O nyana funɛ kpa o siim weri tiu a nyɛ un a chi chenani o fun vɔu chen. Waa funɛ kpa chen siim weri ti a du ya bambe ni. Chenani ma nu a na zinan ya o waali ti mun.

Tuma 5:32

Kin nama wɛwa ya biksi nara tima. Koosa kpa o siim weri tirɛ a nyɛ ba naa tiŋ o nɔ. O gbanko la biksi ba chen.”

2 Kɔr. 13:14

Koosa naa la daŋni ma, awa ya kunyan Yesu Kristo naa la suŋi ma, awa Koosa siim weri naa nyɛ ma ya nɔ bɛgim wa dɔŋ ni, ba maga zi nyɛn ma niu.

1 Jɔn 1:1

Min waa, Jɔn, la sɔbi tɔn nɔ a biksi ma nandigi wɛ. Waa funɛ nyɛn dooni a li piili ti ni, a ya miisa maga tiina. Ya funɛ koti a nu o tau a na un awa ya se ni a nyini un a kpa ya nisa a gbaŋsi un. O funɛ biksi ya Koosa wɛu.

1 Jɔn 5:6

Yesu Kristo funɛ wa tɛɛnɛ nɔ maga, ba wa fun chaksi un wa ni duŋduŋnɛ. Ba funɛ vɛɛn a kpu unu a gbaari ka o chɛl li. Koosa siim weri naa ya wuti tiina, waa ya sɛhɛra a li o chaksi awa o kpuuli ti ni.

1 Jɔn 5:8

siim weri ti, Yesu chaksi ti awa o chɛl ti. Sɛhɛrasa tora nama ya kibɛgimnɛ.

JɔnN Deesi 19:13

Takta ziŋi naa o fun laari chen maga fun tɔ wa chɛl ni ka ba yir un ‘Koosa laaboor weri ti’.