1 Jɔn 4:5 - Tampulma

⁵ Witinsa ba naa ya nusun tima awa tɛɛnɛ nɔ tim maga ya nibɛgimnɛ. Chendaha ba nu ba sɛma,

1 Jɔn 4:5 Σταυροειδείς Αναφορές

Luk 16:8

O kunyan ti funɛ nu di o nihɛɛ ti mur unu, o funɛ pɛgi un di o tum nɛha tumau.” Yesu funɛ sɛm chen peti, o fun ŋɔ o gantɛl tiŋsi ta ni, “Tɛɛnɛ nɔ maga nara yaa lagmi a tum nɛha tumawa a kaali chenani tu chaan tima tum.”

Jɔn 17:14

Sɛm naa maga i fun ŋɔ min chen, mu kpa au a ŋɔ ba. Tɛɛnɛ nɔ tim maga ha bau, domi ba wa ba wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Jɔn 17:16

Ba wa tɛɛnɛ nɔ tim maga wa bu ya nibɛgim a chi chenani mu wa tɛɛnɛ nɔ tim maga wa ya nibɛgim.

Jɔn 3:31

“Yesu funɛ li Koosa tɔhɔn ti a wa tɛɛnɛ nɔ maga, a koti a biksi ma Koosa tɔhɔn ti kina wɛ. Chendaha o ya nizen a kaali nara maga. Mu ya nibinere a chi ma a koti a biksi ma tɛɛnɛ nɔ maga kina wɛ. Koosa tɔhɔn ti kin ta kaali tɛɛnɛ nɔ maga kina kinkan.

Jɔn 8:23

Yesu fun ŋɔ ba, “Ma wa li tɛɛnɛ nɔ maga ni. Mu ka li Koosa tɔhɔn tirɛ. Ma ya tɛɛnɛ nɔ maga nibinsa. Mu wa ya tɛɛnɛ nɔ maga nibine.

2 Tim. 4:3

Saha wau nibinsa zi vɛ wa nu Koosa wuti biksi ti, amaa ba zi wa tiŋ ba titi daŋnɛu a lagmi ba naa la zi wa biksi ba chenani ba daŋni aa gbaari.

JɔnN Deesi 12:9

A fun duŋni a a ta tɛɛnɛ nɔ maga ni di a nyɛn dooni. Sel zen ti awa sintana ya kibɛgimnɛ. Waa ya naa ba yir dum ti a nyɛn a vusi a ya alizin tagna koora. Saha maga o yaa mur tɛɛnɛ nɔ tim magau.