1 Jɔn 2:4 - Tampulma

⁴ Nar ŋɔɛɛ di o zim Koosau, amaa o wa tiŋ o nɔ sɛma, o suni wɛwa. O wa kpak wuti.

1 Jɔn 2:4 Σταυροειδείς Αναφορές

Jɔn 8:44

Ma waa ya sintan bisa aa daŋni ma tiŋ o tutɔ. Saha naa Koosa fun naami tɛɛnɛ nɔ maga hali a wa tel lalaknɔ, sintana funɛ ya nara nikpuuli. O wa zim chenani wuti du. Waa ya nusun koora. O kaa suni wɛ, o wara bɔm un ni.

Tait. 1:10

Nibin damata vɛ tiŋ Koosa nɔ a kpa ba sɛm yɔrisa a la mur ba dɔŋtima. Ju tima ba naa ŋɔ di ba se su Yesu, bɔnɛ la ya chen a kaali ba maga.

Tait. 1:16

Nibiksɛ na la ŋɔ di ba zim Koosau, amaa ba tuma biksɛɛ di ba wa zim un. Ba vɛ o nɔ a vɛ koti aa tum tum were. Chendaha ba chi kipɔtiwa o wati.

1 Jɔn 1:10

Ya sɛmɛɛ di ya ha wa tum tum tagna, ya yir Koosa nusun tiinnɛ. Ya wa zim o chiksɛ ta.

1 Jɔn 1:6

Ya ŋɔɛɛ di ya wa un ya nibɛgimnɛ ka ya tum birsa tuma, ya suni wɛwa. Ya wa tiŋ wuti nyinbaan.

1 Jɔn 1:8

Ya sɛmɛɛ di ya wara tum tum tagna, yaa mur ya titirɛ. Ya wa kpak wuti.

1 Jɔn 2:3

Yaa tiŋ Koosa nɔ sɛma maga, ya sir zim di ya zim unu.

1 Jɔn 2:9

Nar ŋɔɛɛ di o nyɛn bar chaani nɛɛ a ha o dɔŋtima, o ha vɛɛn nyɛn birsa nɛɛ.

1 Jɔn 3:6

Ba naa maga wa Yesu ya nibɛgim, ba tum tum tagin, ba tusa wa yaa sɔɔni tum tagin ti daha. Ba naa maga yaa tum tum tagna, ba tum chene domi ba wa zim un.

1 Jɔn 4:20

Nandigi ŋɔ di o daŋni Koosau a ha o dɔŋtiina, o ya nusun tiinnɛ. O vɛ koti a daŋni o dɔŋtiina naa oo na, yɛrɛ o kaa ya a daŋni Koosa naa o vɛ naali?

1 Jɔn 4:7

Mu chɛn daŋnɛ, ma nyɛ yaa daŋni dɔŋa. Daŋni li Koosa watɛɛ. Naa la daŋni o dɔŋtiina, waa ya Koosa be aa zim un.