1 Kɔr. 4:4 - Tampulma

⁴ Hali mu ŋɔ di mu tuha chaanu di mu funɛ tum nɛnɛu, chen wa zi biksi di mu zi wa liu. Kristo ya naa la zi wa di min sɛria.

1 Kɔr. 4:4 Σταυροειδείς Αναφορές

Jɔn 21:17

Yesu fun bu pɛɛsi un butor tiina, “Simɔn, Jonas be, ii daŋni minuu?” Pita funɛ nu ka Yesu pɛɛsi un butor tiina, o tuha fun chɔk. O fun ŋɔ, “Mu kunyana, hin zim chenani mu bambi du. I zimu di muu daŋni hinu.” Yesu fun bu ŋɔ un, “Kidɛɛsi ba naa la tiŋ min a chi chenani piisi gbaŋna dɛɛsi o piisisa.

Tuma 23:1

Pɔɔl fun nyini ba se ni a ŋɔ, “Mu niinbisa, chenani mu nyɛn hali wa zinan, mu kpak tuha kibɛgimu awa Koosa ni.”

Room 2:13

Nara funɛ nu o chiksɛ ta duŋduŋnɛ, ba galimsa ti ha vɛɛn nyɛn o watiu. Amaa ba naa ka tiŋ a nɔ, o wa zi bu na ba galimsa.

Room 4:2

Koosa wa fun bu na Abraham galimsa o tum were daha, o fu zi pɛgi o titiu. Amaa o fu wa zi pɛgi o titi Koosa suwachak ni.

1 Kɔr. 4:3

Mu bak wa to chenani ma wa nibinsa sɛm mu wɛ a la di min sɛria. Mu gbannɛ wa zi di mu titi sɛria.

1 Kɔr. 4:5

Ma ta di sɛria ti lalaknɔ. Ma nyɛ Yesu wa bur wa. O wa wa, o zi kpa nibinsa wu sogle a li gbampulimu a biksi ba muna. O wa ya chen, o zi wa nyɛ ba jirimau a li ba tum were ni.

2 Kɔr. 1:12

Ya tusa sɔɔniu domi ya zimu di ya ha wa tiŋ tɛɛnɛ nɔ tim maga zima. Koosa ka suŋi ya di ya nyɛn wa tu chaana awa tu bɛgim ni nara maga suwachak ni. Ya wa ma funɛ nyɛn chen, ya fun doso a kaali chenani ya fun nyɛn.

2 Kɔr. 5:10

Ya wa siti, ya maga zi la Kristo suwachaku di o di ya sɛria. Chenani ya fun a tum tum were koo tum tagna a li ya lalaknɔ bara ni, chene o zi wa bɔ ya chim.