तीतुस 2:8 - राना थारु नयाँ नियम

⁸ और बहे सिखा, जो सच्चो शिक्षा हए, और कोइ फिर बदनाम नाए करन बारो शिक्षा होबए, ताकी बे आदमी जो येशू ख्रीष्टके ताहीं तेरे कामके बिरोध करत हएं, बे लाजमे पणएं। ताकी बे हमर बारेमे कोइ फिर खराब बात नाए बतकाए पामएं।

परमेस्वर को सच्चो वचन

⁸ ऐसे सब्दन को इस्तमाल करौ जोकी बुराई ना करी जाबै, ताकी हमरे दुस्मन कै हमरी निंदा करन को मौका ना मिलै कि लज्जित होमैं।

तीतुस 2:8 Σταυροειδείς Αναφορές

मर्कूस 12:17

तओ येशू उनसे कही, “रोमको महाराजा कैसरको चीज रोमको महाराजा कैसरके देओ, और परमेश्वरको चीज परमेश्वरके देओ।” तओ जामे बे अचम्मो मानी।

मर्कूस 12:28

मोशाको नियम कानुन सिखान बारे मैसे एक जनै आएके सुनी, कि येशू और सदुकीनको समुहके आपसमे का बहस रहए। येशू, आदमीनके ठिक जबाफ देत देखके बा पुछी, “परमेश्वरको सब आज्ञा मैसे सबसे महत्त्वपूर्ण आज्ञा कौनछो हए?”

मर्कूस 12:32

तओ मोशाको नियम कानुन सिखान बारो येशूसे कही, “महान गुरु, तुम ठिक कहात हओ। परमेश्वर एकए हए और कोइ दुस्रो परमेश्वर नाए हए।

मर्कूस 12:34

जब बोके बुध्दिमनीसाथ जबाफ देत देखी तओ येशू बोसे कही, “तए परमेश्वरके राज्यमे घुसन ताहीं ढिँगै हए।” तओ बो समयसे लैके बाके प्रश्‍न करनके कोइकी हिम्मत नाए भइ।

लूका 13:17

जब येशू जा बात कही, तओ बाके सब बिरोधी सरममे पणे, और सब भिड बे महान काम जो येशू करत रहए, बो देखके आदमी आनन्दित भए।

2 थेसलोनिकी 3:14

अगर कोइ हमर जा चिट्ठीको सन्देशके नाए मानए, तओ बे आदमीनके चिने रहाबओ और बिनसे मेलमिलाप मत् करओ, ताकी बो शरमको महसुस करए।

1 तिमोथी 5:14

जहेमारे मए जा चाँहत हओं, कि जवान बिधुवा बेहा करएं; और बालका जन्मामएं और घरबार सम्हारएं, और कोइ बिरोधीके बदनाम करनको मौका नाए देएं।

1 तिमोथी 6:3

अगर कोइ झुठी शिक्षाको उपदेश देतहए, और बहे साच्ची शिक्षामे सहमत नाए होत हएं, जो शिक्षा हमरे प्रभु येशू ख्रीष्ट दइ रहए। और बहे आदेश नाए मानत हएं जो आदेशसे प्रभु येशूको आदर होत कहेसे,

तीतुस 3:14

सिरफ इतकए इकल्लो नाए, तोके बिश्वासीनके सिखातए रहान पणो, कि अपने ध्यानके अच्छे काम करनके ताहीं लगातार मेहेनत करतए रहाएं, ताकी बेहीं आदमीनको जरुरत पुरा करपामएं, जौनके ठिन बिनको जरुरीको चीज कुछु नाए हए। और अइसे कर्नेसे बिश्वासी एक लक्षके सँग अपन जीबन जीइ लेहएं।

1 पतरस 2:12

कभीकभा उइसे आदमी होत हएं जौन परमेश्वरके नाए चिने होत हएं और तुमके तुमर काम अच्छो नाए हए कहिके झुटो आरोप लगान सिकत हएं। जहेमारे तुमके अपनो ब्यबहार प्रति साबधान होन पणैगो, ताकी बे तुमर अच्छो ब्यबहार देख पामएं। अन्तमे बे स्वीकार करंगे, कि तुमर ब्यबहार अच्छो हए और अन्तमे जब बा लौटके आबैगो तओ परमेश्वरको प्रसंसा करंगे।

1 पतरस 2:15

काहेकी जा परमेश्वरको इच्छा हए, कि हमर अच्छो ब्यवहारसे परमेश्वरके नाए चिनेभए आदमी अब हमके झुटो आरोप लगान हिम्मत नाए करैगो। काहेकी जा स्पष्ट हए, कि बिनको झुटो आरोप सच्चो नाए हए।

1 पतरस 3:16

पर जाके नम्र और आदरसे करओ। सदादिन जो ठिक हए बहे करओ। जब तुमर बिरुद्धमे सब खराब करन बारे आदमी तुमर ख्रीष्ट सँगको सम्बन्धके कारण तुमर असल ब्यबहार देखंगे, तओ बे सरममे पणजामंगे।