रोमियों 8:34 - राना थारु नयाँ नियम

³⁴ कोइ फिर हमके दण्ड नाए दइ पएहए काहेकी जा येशू ख्रीष्ट हए, जो हमर ताहीं मरीगओ और मरो भओसे फिरसे जिन्दा बनाओ गओ रहए। अभए बा परमेश्वरके दहिना हात घेन रहिके राज्य कररहो हए, और जो हमर घेनसे हमर ताहीं फिर बिन्ती करत हए।

परमेस्वर को सच्चो वचन

³⁴ फिर कौन है जो सजा की आग्या देगो? ईसु मसीह बौ है जो मर गौ बल्किन मरे भौ मैं से जिंदो भी हुई गौ, और परमेस्वर के दहने है, और हमरे ताहीं बिन्तिओ करथै!

रोमियों 8:34 Σταυροειδείς Αναφορές

मत्ती 20:28

जैसी आदमीको लौंणा फिर सेवा पानके नाए, पर सेवा करन और बहुतनको पापनके मोल तिरके छुटानके ताहीं मोलके रुपमे अपन प्राण देन आओ।”

मर्कूस 16:19

जब प्रभु येशू चेलनके जे सब बात कहेडारी, तओ परमेश्वर बाके स्वर्गमे उठाए लइ और बा परमेश्वरके सँग शासन करनके ताहीं परमेश्वरके दहिना घेन बैठिगओ।

यूहन्ना 14:19

जल्दीयए संसार मोके फिरसे नाए देखपएहए, पर तुम मोके देखैगे काहेकी मए फिरसे जिन्दा हुइ जामंगो। और जहेमारे तुम फिर जिन्दा रहाबैगे।

यूहन्ना 16:23

जौन समय तुम मोके दुबारा देखैगे तओ तुम मोसे कुछ नाए पुँछैगे, नेहात्तओ मए तुमसे कहात हओं अगर दौवासे कुछ माँगैगे तओ बा मेरे नाउँमे तुमके देबैगो।

प्रेरित 2:24

पर परमेश्वर बाके मरो भओ मैसे जिन्दा करीहए। परमेश्वर बाके मृत्युको शक्तिसे छुटाइहए काहेकी मृत्युके ताहीं येशूके अपने अधिनमे नाए धर सकत रहए।

रोमियों 14:13

जहेमारे अब हम एकदुस्रेके दोष नाए लगाएं, पर जा पक्का करओ, कि पाप करन या परमेश्वरके उपर भरोसा बन्द करनके ताहीं एक औ बिश्वासीको कारण नाए बन्त हए।

रोमियों 14:9

चहुँ हम बचएं, चहुँ मरएं, हम प्रभुएके हएं। काहेकी ख्रीष्ट जहेमारे मरो और फिरसे जिन्दा हुइगओ ताकी बा मरे भए और जिन्दा रहे भए दुनौ आदमीनको प्रभु हुइपाबए।

रोमियों 4:25

येशू हमर अपराधके ताहीं मारोगओ, और परमेश्वर हमएं अपने सँग धर्मी घोषित करनके ताहीं येशूके फिरसे जिन्दा करी।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

रोमियों 8:27

परमेश्वर, जो आदमीनको हृदय जानन बारो हए, बा पबित्र आत्माको बिचार फिर जानत हए, काहेकी बा पबित्र आदमीनके ताहीं परमेश्वरके इच्छाके अनुसार पुकारा करत हए।

कलस्सी 3:1

जब परमेश्वर ख्रीष्टके मरो मैसे जिन्दा करी, तओ तुम फिर पापी स्वभाबमे मरके जिन्दा भए हओं। तुम बो चीजमे मन लगाओ, जौन चीज परमेश्वर तुमर ताहीं स्वर्गमे धरेपणे हए। जहाँ परमेश्वरके ठिन, ख्रीष्ट सबसे सम्मानित ठाउँमे बैठो।

हिब्रू 1:3

बा परमेश्वरको महिमाको प्रतिबिम्ब और परमेश्वर जैसो स्वभाबको सित्माओंको प्रतिरुप हए, और सब बिश्वके अपन शक्तिशाली बचनसे सम्हारत हए। जब ख्रीष्ट आदमीनको पापके क्षमा करोजाए कहिके अपन काम खतम करी, तओ जाएके बा महिमित परमेश्वरको दहिना हात घेन स्वर्गमे उच्च आदरको ठाउँमे बैठिगओ।

हिब्रू 7:25

जहेमारे येशू द्वारा परमेश्वरके ढिँगै आन बारेनके बा सदिमान उद्धार करन सकत हए। काहेकी बिनके ताहीं मध्‍यस्‍थताको प्राथना चढानके ताहीं बा सदिमान जिन्दा हए।

हिब्रू 9:24

तभीमारे पृथ्वीमे भओ पबित्र ठाउँ त स्वर्गमे भओ पबित्र ठाउँको नमुना इकल्लो हए। ख्रीष्ट आदमीनको बनाओ भओ बो तम्भु भितर नाए गओ। पर हबए हमर ताहीं बा स्वर्गमे परमेश्वरके ठिन गओ हए।

1 पतरस 3:18

मए अइसे कहात हओं काहेकी हमर पापके कारण ख्रीष्ट फिर दुख भोगी और मरो। बा एकए चोटी इकल्लो मरो और जाके दुस्रो चोटी करनके जरुरी नैयाँ। बा एक धर्मी आदमी रहए, जो पापी आदमीनके ताहीं मरो। ताकी बा हमके परमेश्वरके जौँणे लाए पाबए। बे बाको शरीरके मारीं, पर बाको आत्मा जिन्दा हए।

1 पतरस 3:22

और अब बा स्वर्गमे जाएके परमेश्वरको दाहिना हात घेन सबसे उच्च ठाउँमे बैठो हए, और बा सबए स्वर्गदूत और सबए अधिकारी और शक्तिनके उपर शासन करत हए।

प्रकाश 1:18

मए जीबनको स्रोत हओं। मए एकचोटी मरिगओ रहओं, पर अब जिन्दा हुइगओ हओं और मए सदादिनके ताहीं जिन्दा रहामंगो। और मेरे सँग बेहीं पातालके कुन्जी हएं, जो मोके बो ठाँउके खोलनको शक्ति देत हएं जहाँ मरे भए आदमी हएं। और उनके फिरसे जिन्दा करनकी शक्ति देतहए।