रोमियों 8:2 - राना थारु नयाँ नियम

² काहेकी पबित्र आत्माको नियम कानुन जो ख्रीष्ट येशू घेनसे आत हए तुमके जीबन देबैगो और तुमके पाप और मृत्युसे मुक्त करैगो।

परमेस्वर को सच्चो वचन

² आत्मा के नियम के ताहीं, जो हमैं मसीह ईसु के संग जिंदगी मैं लाथै, मोकै पाप और मौत के नियम से छुटकारो दै दई है।

रोमियों 8:2 Σταυροειδείς Αναφορές

यूहन्ना 4:10

येशू बोके जबाफ दइके कही, “तए नाए जानतहए, कि परमेश्वर तोके देन चाँहत हए। और तए जा फिर नाए जानतहए, कि तोसे पानी मागन बारो कौन हए। अगर तए जनतो कहेसे, तए मोसे मँगतो तओ मए तोके बो पानी देतो, जो जीबन देतहए।”

यूहन्ना 4:14

पर जौनकोइ मिर दइभइ पानी पिइहए, बोके कभु प्यास नाए लगैगो। और जौन पानी मए बोके देमंगो, बो अइसो पानी देतएरहान बारो कुँइँयाँ बन्जएहए, जौन बोके कभी फिर नाश नाए होन बारो जीबन देहए।”

यूहन्ना 6:63

जीबन देन बारो परमेश्वरको आत्मा हए, शरीरए कुछु फाइदा नाए होत हए। जौन बचन मए तुमरे सँग मस्कनडटो हओं बो आत्मा और जीबन हए।

यूहन्ना 8:32

तओ तुम सत्य का हए करके सो जानैगे, और सत्य तुमके छुटकारा देबैगो।”

यूहन्ना 8:36

उइसीयए परमेश्वरको लौंणा तुमके छुटकारा दइदेहए कहेसे तुम नेहात्तओ छुटकारा पाबैगे।

रोमियों 16:3

येशू ख्रीष्टको काम करत पेती मेरे सँग काम करन बारे प्रिस्‍किला और बोक लोगा अकिलासके मिर नमस्कार हए।

रोमियों 3:27

तओ, का अइसो कुछ हए, जोके बारेमे हम घमण्ड कर सकएं? घमण्ड करनको त बातए नैयाँ। कौनछो नियमके कारणसे हम घमण्ड करएं? का जा जहे कारण हए, कि हम नियम कानुनके पालन करत हएं? नाए! बिरकुल नाए! बल्कि, येशू ख्रीष्टमे हमर बिश्वासको कारण हममे धर्म-कर्मको घमण्ड करनकी बातए नाए आत हए।

रोमियों 5:21

जैसेकी सब आदमी पाप करीं और बे सब मरिगए, उइसीयए हमर प्रभु येशू ख्रीष्टद्वारा परमेश्वरको अनुग्रह उनके धर्मी घोषित करैगो और उनके कभी फिर नाश नाए होन बारो जीबन देबैगो।

रोमियों 6:14

तओ पापके तुमर उपर कोइ अधिकार नाए हुइहए, काहेकी तुम मोशाको नियम कानुनके अधिनमे नाए, पर परमेश्वरके अनुग्रहके अधिनमे जीइत हओ।

रोमियों 6:18

और परमेश्वर तुमके पापको शक्तिसे छुणाएके कारणसे तुम परमेश्वरके दास बनिगए, ताकी तुम बहे करओ जो सही हए।

रोमियों 6:22

पर अब पापसे स्वतन्त्र हुइके और परमेश्वरके दास बनके अब तुम बेहीं कामके करत हओ जो पबित्रता घेन लैजात हए। और जा तुमके अन्तमे कभी फिर नाश नाए होन बारो जीबनमे पुगबैगो।

रोमियों 7:21

जहेमारे अच्छो काम करन ढुणतए-ढुणत फिर मए बहे करत हओं जो खराब हए। जहे नियम कानुन मेरे जीबनमे काम करो अनुभव मए करत हओं।

रोमियों 7:23

पर मिर शरीरको अंगमे भओ दुस्रो नियम मिर हृदयमे भओ नियम कानुन सँग युद्ध करत हए, और मिर शरीरको अंगमे भओ पापको नियम मोके पापको अधिनमे करत हए।

रोमियों 7:4

तभीमारे हे बिश्वासी ददाभइयओ, जब तुम ख्रीष्टके सँग मरिगए, तओ तुम नियम कानुनके अधिकारके ताहीं फिर मरिगए। अब तुम ख्रीष्टके हओ जो मरके जिन्दा हुइगओ हए, ताकी तुम परमेश्वरके ताहीं फलदायी जीबन जिइ पाबओ।

रोमियों 8:1

जहे कारणसे अब जो ख्रीष्ट येशूमे हएं, उनके उपर दण्डको आज्ञा नैयाँ।

1 कोरिन्थी 15:45

पबित्र-शास्त्रमे फिर जा लिखो हए कि, “पहिलो आदमी, अर्थात् आदम, जीवित प्राणी बनो” और आखरी आदमी जोकी ख्रीष्ट हए, बा बहे हए जो अनन्त जीबन देतहए।

2 कोरिन्थी 3:17

अब प्रभु आत्मा हए, और जाहाँ प्रभुको आत्मा हए, हुवाँ नियम कानुनसे स्वतन्त्र होत हए।

2 कोरिन्थी 3:6

नयाँ करारको सेवक होन बा हमके खुबी दइ, जा पबित्र आत्माको करार हए, नियम कानुनको जुणो भओ करार नाए हए। काहेकी लिखो भओ बातके नाए माननको परिणाम मृत्यु हए पर पबित्र आत्मा अनन्त जीबन देतहए।

गलातियों 2:19

मए सम्झत हओं, कि मोशाको नियम कानुनको पालन करनसे मोके धर्मी घोषित नाए करोजाए सकत हए। जहेमारे मए अइसो मानत हओं, कि मए पबित्र-शास्त्रके ताहीं मरीगओ, ताकी मए परमेश्वरके ताहीं जिन्दा रहेपामओं।

गलातियों 5:1

ख्रीष्ट हमके बचाए लइहए, ताकी हमके मोशाको नियम कानुनको पालन करनके ताहीं गुलामी कता जीइनको जरुरी नाए होए; अपनो स्वन्त्रताके पक्डे रहाओ, और नियम कानुनको पालन करनके ताहीं अपनएके फिरसे गुलामी बनन मतदेओ।

गलातियों 6:2

हम मैसे जो फिर दु:खमे होए, तओ एक-दुस्रेके मदत करन चाहो, और अइसियए हम ख्रीष्टको नियम कानुनके पालन करत हएं।

याकूब 1:25

पर बो आदमी जो परमेश्वरको सिद्ध मोशाको नियम कानुनके ध्यानसे पढत हए। जो मोशाको नियम कानुन आदमीनके पापसे स्वतन्त्र करबात हए। और जो बो सुनी हए, बोके बो नाए भुलत हए। पर उइसी करत हए, जैसे मोशाको नियम कानुन बोके सिखात हए। जहे कारणसे परमेश्वर बोको सब काममे बोके आशिष देहए।

प्रकाश 11:11

पर साढे तीन दिन पिच्छु, परमेश्वरके घेनसे जीबनको साँस बे दुईमे घुसीगओ; और बे अपने पाँओँके बलमे उठके ठाणीगए, और बे सब जौन देखी, कि बे अब फिरसे जिन्दा हुइगए, तओ बे बहुत डराइगए।

प्रकाश 22:1

तओपिच्छु स्वर्गदूत मोके एक नदिया दिखाइ जोमे जीबनको पानी रहए। पानी सफा सिसा कता चम्कत रहए। जा पानी परमेश्वर और थुमाको सिंहासनसे बहात रहए।