रोमियों 4:18 - राना थारु नयाँ नियम

^18-19 परमेश्वर अब्राहामसे कही, कि बोके बहुत बंश होंगे, पर अब्राहाम देखी, कि सन्तान उत्पन्न करनके ताहीं बो बहुत बुढो रहए, काहेकी बो लगभग सओ सालको हुइगओ रहए। सारा फिर अब सन्तान उत्पन्न नाए करपबैया रहए। पर जबकी सब कुछ जा दिखात रहए, कि बहुत जातिनको दौवा नाए बन पएहए, तहुँफिर बो अपने बिश्वासमे कमजोर नाए भओ। बो बिश्वास करतए रहो और अपनो आसरा कभीनाए खोइ।

परमेस्वर को सच्चो वचन

¹⁸ अब्राहम निरासा मैं भी आसा धरकै बिस्वास करी, हिंयाँ ले कि जब उमीद के ताहीं कोई कारड़ नाय रहै, और तभईये “निरे देसन को बाबा बन गौ।” जैसी सास्त्र कहथै, “तेरो बंसज तारा जित्तो होगो।”

रोमियों 4:18 Σταυροειδείς Αναφορές

लूका 1:18

तओ जकरिया स्वर्गदूतसे पुँछी, “जा मए कैसे जानंगो, कि हमर सँग अइसो होबैगो? मए बुढो हुइगओ हओं; और मेरी बैयर फिर बुढी हुइगइ हए।”

प्रेरित 27:25

जहेमारे मेरे ददाभइयओ, अड्बडाबओ मत् काहेकी परमेश्वरसे कहीभइ बो बात नेहात्तओ पुरा होबैगो करके मए बिश्वास करेपणे हओं।

रोमियों 4:17

पबित्र-शास्त्र कहात हए कि, “मए तोके बहुतसे जातिनको पुर्खा ठहिराओ हओं।” परमेश्वरकी दृष्टिमे अब्राहाम हमर दौवा हए। अब्राहाम बहे परमेश्वरमे बिश्वास करी, जो मरे भएनके जिन्दा करत हए और बे चिजनके फिर अस्तित्वमे लात हए जौनको अस्तित्व नाए हए।

रोमियों 5:5

हम जा आसरामे दुखि नाए होमंगे, काहेकी परमेश्वर पबित्र आत्मा दइ हए और पबित्र आत्मा हमर हृदयमे परमेश्वरको प्रेम भरदइ हए।

रोमियों 8:24

अब जब हमएं परमेश्वर बचाइ हए, तओ हमर ठिन जा आसरा हए। पर जब तुम कुछ पानके आसरा कर रहेहओ जो तुमर ठिन पहिलीएसे हएं, तओ बो आसरा नाए हए। कोइ फिर बो चीजके पानके आसरा नाए करत हए जो बोके ठिन पहिलीयएसे हए।

हिब्रू 6:19

हमरे सँग भओ आत्माके ताहीं जा आसरा मजबुत हए और हलान नाए सिकंगे। जा हमके परमेश्वरसे दुर नाए लैजात हए, बरु जा हमके परमेश्वर ठिनको मन्दिर भितरको परमपबित्र ठाँउमे लैजात हए।