रोमियों 3:5 - राना थारु नयाँ नियम

⁵ पर अगर हमर दुष्ट काम, परमेश्वरको धार्मिकता ठहिराए देतहए, तओ हम का कहामएं? तओ का परमेश्वरके क्रोधित होनो, और हमएं दण्ड देनो गलत हए? कित्नो आदमी अइसियए सोँचत हएं।

परमेस्वर को सच्चो वचन

⁵ पर अगर हमरो अधर्म परमेस्वर की धार्मिकता होथै, तौ हम का कह सकथैं? का जौ कहमैं की परमेस्वर सजा देथै तभईये गुस्सा करथै? जौ तौ मैं इंसानन के जैसी कहथौं।

रोमियों 3:5 Σταυροειδείς Αναφορές

रोमियों 12:19

हे मेरे प्यारे ददाभइयओ, कभी फिर कोइसे बदला मत् लियओ पर तुमर ताहीं बदला लेनको मौका परमेश्वरके देओ, काहेकी पबित्र-शास्त्रमे प्रभु कहात हए, “बदला लेनको काम मिर हए, महीँ बदला लेमंगो।”

रोमियों 2:5

पर तुम जिद्दी हओ और पाप बन्द करनसे इन्कार करत हओ। बो दिन जब परमेश्वर अपनो क्रोध दिखाबैगो, जोमे परमेश्वरको सच्चो दण्ड प्रकट होबैगो। जब परमेश्वर न्याय करैगो तओ, बा तुमके और जद्धा कष्ट देबैगो।

रोमियों 3:19

हम जानत हएं, कि नियम कानुन जो कुछ कहात हए, बो उन्हीनसे कहात हए जो नियम कानुनके अधिनमे हएं जहेमारे, ताकी आदमीनके बहाना बनानसे रोक पाबए और संसारके सब आदमी परमेश्वरके न्यायके अधिनमे होमएं।

रोमियों 3:7

कुछ आदमी कहेसकत हएं, “पर अगर मिर झुठ परमेश्वरको सत्यताके बढात हए और बाके औ जद्धा महिमा मिलत हए कहेसे बा कैसे मिर न्याय कर सकत हए और मोए एक पापीके रुपमे दोषी ठहिराए सकत हए?”

रोमियों 4:1

तओ यहूदी होनके नातासे हम अपने पुर्खा अब्राहामके बारेमे का कहाएं? बो कैसे धर्मी ठहिरो?

रोमियों 5:8

पर परमेश्वर हमर उपर अपनो प्रेमको भलाइ जा रितिसे प्रकट करत हए, कि जब हम पापीए रहएं, तभीए ख्रीष्ट हमर ताहीं मरो।

रोमियों 6:1

तओ हम का कहामएं? कि परमेश्वर अपने अनुग्रहके कारण हमर पापनके क्षमा करत हए। पर हम अइसे नाए सोँचएं, कि हम पाप करतए रहामएं।

रोमियों 6:19

मए एक साधारण उदाहरणके इस्तमाल करके बतात हओं। जैसे तुम, अपने शरीरके अंगके अशुद्धता और अधर्म कामके ताहीं सौँपे गए रहओ, उइसीयए अब अपने अंगके पबित्रताके ताहीं धर्मी जीबन जिनन्के ताहीं सौँप देओ।

रोमियों 7:7

तओ हम का कहाएं? का नियम कानुन पाप हए? नाए! बिरकुलए नाए! बल्कि जा नियम कानुन रहए, जो मोके मिर पाप दिखाइ। मए जानो, कि लालच करन पाप हए काहेकी नियम कानुनमे जा लिखो हए कि, “लालच मत् करओ।” अगर नियम कानुनमे जा नाए लिखो हुइतो कहेसे मए जा नाए जानपैतो, कि लालच करन गलत हए।

रोमियों 8:31

जे सब बातमे ध्यान करके हम जा निचोडमे पुगन सिकत हएं, अगर परमेश्वर हमर घेन हए कहेसे कोइ फिर हमर उपर जीत हासिल नाए कर्पएहए।

रोमियों 9:30

तओ हम का कहाएं? बे गैर-यहूदी अपनएके परमेश्वरसे सही बनन्के कोसीस नाए करत रहएं, लेकिन येशू ख्रीष्टमे उनको बिश्वासके कारण उनके परमेश्वरमे धर्मी बनाओ गओ रहए।

1 कोरिन्थी 15:32

मए एफिसस सहरमे बहुत जद्धा कठिनाइको अनुभब करो हओं, बे आदमीनके कारण जो आदमी मेरे बिरोध कर रहे हएं, जोकी भयङकर जनाबर कता हएं। अगर जा सिर्फ आदमीनको बिचारमे आधारित हए तओ बो कठिनाइसे का हासिल करो? कुछ फिर नाए। जहेमारे अगर जा सच हुइतो, कि मरे भए आदमी फिरसे जिन्दा नाए होत हएं, तओ अच्छो हुइतो कि हम आदमीनको कहाइको अनुसरण करत हएं, कि जो जा कहात हएं, “आओ, हम खामएं पिमएं, काहेकी अगर हम कल मरिगए तओ जाको अन्त हुइ जाइगो।”

1 कोरिन्थी 9:8

मए केबल आदमीको बिचारके आधारमे नाए कहेरहो हओं। और नियम कानुन फिर जहे बात कहात हए।

2 कोरिन्थी 6:4

पर जे सबए बातमे हम परमेश्वरके सच्चे सेवक हएं कहिके दिखात हएं; धर्यतासे कष्ट, कठिनाइ, और आफत बिपत सहिके,

2 कोरिन्थी 7:11

देखओ, जा परमेश्वरको इच्छा अनुसारको जा दुख, तुमरमे कैसो-कैसो बदलाओ आओ हए: अइसो उत्सहासे भरो तत्परता, अपनएके निर्दोष बनान बारो इतनो बडो इच्छा, अन्यायके ताहीं क्रोध, समस्याके प्रती अइसो साबधानी, मोके भेँटनके ताहीं इतना बडो इच्छा, सेवाके ताहीं उत्सहा, और गलत काम करन बारेनके अइसो तिब्रता द्वारा तुम जा साबित करेहओ, कि सब बात असल रितिसे करनमे तुम कुछु फिर कमी नाए करेहओ।

गलातियों 2:18

पर अगर मए बो चीजके घेन लौटके जातहओं जोके मए पहिले अस्वीकार करदओ रहओं, तओ मए सचमे पाप करंगो। अगर जा, कि पबित्र-शास्त्रके बनाए रक्खनके द्वारा एक आदमी परमेश्वरके सँग सही ठहिरो जाए सकत हए।

गलातियों 3:15

हे मेरे बिश्वासी ददाभइयओ, मए साधारण जीबनसे उदाहरण दइ रहो हओं। जब दुई आदमी एक समझौता करत हएं, और बे जाको प्रमाणित करत हएं। तओ अइसो कोइ फिर नाए हए, जो बो समझौताके बदल पाबए।

प्रकाश 15:3

बे परमेश्वरको दास मोशाको गीत गात रहएं जो थुमाके बारेमे गीत हए, “हे सर्बशक्तिमान परमप्रभु परमेश्वर तुम जो करे, बो काम महान और अचम्मोके हएं, तुम सब देशके राजा हओ, तुम जो करत हओ सब ठिक और सत्य हएं।

प्रकाश 18:20

तुम जो स्वर्गमे बैठत हओ, बोके सँग भओ बातमे आनन्द मनाबओ! हे पबित्र आदमी, चुनेभए चेला और अगमबक्ता आनन्द मनाबओ। काहेकी परमेश्वर बेबिलोन सहरके बे बातनके ताहीं दोषी ठहिराइ हए, जो काम बा तुमर सँग करीहए।”