रोमियों 16:6 - राना थारु नयाँ नियम

⁶ तुमर ताहीं बहुत मेहेनत करन बारी मरियमके मिर नमस्कार हए।

परमेस्वर को सच्चो वचन

⁶ मरियम कै जो तुमरे ताहीं खूबै मेहनत करी, नमस्ते।

रोमियों 16:6 Σταυροειδείς Αναφορές

मत्ती 27:55

हुवाँ गालील परदेशसे आएभए बहुत बैयर फिर रहएं, बे दुरसे जा सब देखनडटि रहएं। बे येशूको सेवा-सत्कार करत गालील परदेशसे येशूके पिच्छुपिच्छु आइ रहएं।

मत्ती 5:47

और अगर तुम अपन ददाभइयासे इकल्ले नमस्कार करत हओ, तओ कौनछो तुम बडो काम करत हओ। का अन्यजाति फिर अइसे नाए करत हएं?

रोमियों 16:12

बहिनीया त्रुफेना और त्रोफोसाके, जो प्रभुमे मेहेनत करत हएं, उनके नमस्कार हए। प्यारी बहिनीया परसीसके, जो प्रभुमे बहुत मेहेनत करी, बोके नमस्कार हए।

रोमियों 16:5

और बो मण्डलीनके फिर नमस्कार, जो उनके घरमे इकट्ठा होत हए। मिर प्यारो इपेनितसके, जो एशिया परदेशके ख्रीष्टमे बिश्वास करन बारो पहिलो आदमी रहए, मिर नमस्कार हए।

रोमियों 16:7

भइया एन्ड्रोनिकस और बहिनीया युनियस जो मेरे यहूदी सँगी हएं, और मेरे सँग कैदी रहएं और ख्रीष्टसे चुनेभए चेला द्वारा बे बहुत सम्मानित हएं, और मए बिश्वासी बननसे पहिले बे बिश्वासी बने गए रहएं, उनके मिर नमस्कार हए।

1 थेसलोनिकी 5:12

हे मेरे बिश्वासी ददाभइयओ, हम तुमसे बिन्ती करत हएं, कि जौन तुमर ताहीं बहुत मेहेनत करत हएं, और प्रभुमे तुमर अगुवा हएं, और तुमके सल्लाह देत हएं, उनके आदर करओ।

1 तिमोथी 5:10

और अन्य आदमीके जे बातके पहिचान करन चाहो, कि बो हमेसा अच्छे काम करीहए। उदाहरणके ताहीं, बो अपने बालकनके अच्छेसे पालन पोषण करी, बो यात्रा करन बारे बिश्वासीनके अपने घरमे स्वागत करी, बो दुस्रे बिश्वासीनको सेवा अइसे करके करी, जैसेकी बो एक नोकरानी हानी हए। और बो बेहीं आदमीनको मदत करी, जो परेसानीसे हुइके जात रहएं। बो हर तरिकासे भलो काम करनके ताहीं अपनएके सौँपदइ होए।