रोमियों 14:17 - राना थारु नयाँ नियम

¹⁷ काहेकी परमेश्वरको राज्यमे खानपिन महत्वपूर्ण नाए हए। बल्कि महत्त्वपूर्ण बात परमेश्वरके सँग धर्मी शान्ति और पबित्र आत्मामे आनन्दित हुइके जिइनो हए।

परमेस्वर को सच्चो वचन

¹⁷ काहैकि परमेस्वर को राज्य खान-पीन को ना है, लेकिन धर्म और मेल-मिलाप और बौ खुसी सांति को है जो पवित्र आत्मा से मिलथै।

रोमियों 14:17 Σταυροειδείς Αναφορές

मत्ती 3:2

“पाप करन छोडके परमेश्वर घेन घुमओ, काहेकी स्वर्गको राज्य ढिँगै आइगओ हए।”

मत्ती 6:33

सबसे पहिले परमेश्वरको राज्य और धार्मिकताको जीबन जीबओ, और जा सब चीज तुमके मिल जाबैगो।

लूका 14:15

येशूको बात सुनके बाके सँग खानु खान बैठन बारे मैसे एक जनै कही, “परमेश्वरको राज्यमे सहभागी हुइके खानु खान पान बारे धन्यके होमंगे!”

यूहन्ना 16:33

मए जा बात तुमसे जहेमारे कहो, कि तुमके मेरे कारणसे शान्ति मिलए। संसारमे तुमके समस्या आबैगो, पर सहास करओ, काहेकी मए जा संसारके सासक या शैतानके जितो हओं।”

यूहन्ना 3:3

येशू निकोदेमसके जबाफ दइके कही, “नेहात्तओ मए तोसे कहात हओं, अगर कोइ नयाँ करके नाए जन्मैगो कहेसे बो परमेश्वरको राज्यको कोइ हकदार नाएहोबैगो।”

यूहन्ना 3:5

येशू कही, “नेहात्तओ मए तोसे कहात हओं, जब तक कोइ आदमी पानी और आत्मासे नाए जन्मैगो, तबतक बो परमेश्वरको राज्यमे नाए घुस पबैगो।

प्रेरित 13:52

और आइकोनियन सहरमे चेला आनन्दसे और पबित्र आत्मासे भरिगए।

प्रेरित 9:31

अइसियए सारा यहूदिया परदेश, गालील परदेश और सामरियामे मण्डलीनके पबित्र आत्मा द्वारा उत्सहा मिलतए गओ। और प्रभुको डरमे नेँगतए और पबित्र आत्मासे शान्ति मिलके बे बहुत आदमी प्रभु येशूमे बिश्वास करीं।

रोमियों 15:13

मए प्राथना करत हओं, कि परमेश्वर जो आसरा देन बारो हए, तुमके बिश्वास करनमे पुरा रुपसे खुसी और शान्तिको आनन्द लेनमे मदत करसकए। ताकी पबित्र आत्माको शक्तिसे तुमर आसरा बढतए जाए।

रोमियों 8:6

जब हम अपन मनके पापी स्वभाबके अधिनमे करत हएं, तओ बो हमके मृत्यु घेन लैजात हए। पर जब हम अपन मनके पबित्र आत्माक अधिनमे करत हएं तओ हमके जीबन और शान्ति मिलत हए।

1 कोरिन्थी 1:30

पर परमेश्वर तुमके येशू ख्रीष्टमे एकजुट बनाइ हए, और ख्रीष्टद्वारा परमेश्वर हमके अपनो बुद्धि दइ हए। परमेश्वर हमके अपनो नजरमे धर्मी फिर ठहिरात हए। ख्रीष्टके द्वारा हम सब पबित्र बनाए गए हएं, और बा हमके पापसे छुटकारा करत हए।

1 कोरिन्थी 4:20

काहेकी परमेश्वरको राज्यमे बहुत बात कर्नो इकल्लो नाए हए, बल्कि परमेश्वरको शक्तिसे जिइनो हए।

1 कोरिन्थी 6:9

तुम जरुर जानत हओ, कि अन्याय करन बारे आदमी परमेश्वरको राज्यमे घुसन हक नाए पामंगे। अपनएके धोखा मतदेओ, नए व्यभिचार, नए मूर्तिपूजक, नए परस्त्रिगमन, नए छाडा काम करन बारे,

1 कोरिन्थी 8:8

जा सच हए, कि जो खानु हम खात हएं बहेसे हमके परमेश्वरको सहमति नाए मिलसकत हए। अगर हम बोके नाए फिर खएहएं तहुँ हम कुछ नाए खोत हएं। और अगर खामंगे तहुँफिर हम कछु नाए पामंगे

2 कोरिन्थी 5:21

ख्रीष्टमे पाप नाए रहए, परमेश्वरके नजरमे हम धर्मी बनन सिकएं कहिके ख्रीष्ट हमर पापको दण्ड लइ।

गलातियों 5:22

जब पबित्र आत्मा हमके अगुवाई करत हए, तओ बा हमके प्रेम करनके, आनन्दित रहानके, शान्तिमे रहानके, धिरज करनके, दया दिखानके, भलाइ करनके, भरोसा करनके,

फिलिप्पी 2:1

काहेकी तुम ख्रीष्टके हओ, तभीमारे तुम प्रोत्साहित भए हओ, काहेकी ख्रीष्टको प्रेम तुमर ताहीं भओ हए। तभीमारे तुम सान्त्वना पाएहओ, काहेकी तुम पबित्र आत्माको संगतीमे हओ, और ख्रीष्ट तुमर प्रति नम्र और दयालु हए।

फिलिप्पी 3:3

काहेकी खास करके हम परमेश्वरके आदमी हएं, जो परमेश्वरको आत्माकी अगुवाईसे आराधना करत हएं, और येशू ख्रीष्टमे घमण्ड करत हएं, और शरीरके उपर भरोसा नाए करन बारे सच्चो खतना हम करेहएं।

फिलिप्पी 3:9

और मए परमेश्वरके सँग एकएमे रहिपामओं, नाएकी बो धार्मिकतासे जो मोशाको नियम कानुनसे हए। पर बहे धार्मिकतासे, जो ख्रीष्टमे बिश्वास करनको कारण हए, और परमेश्वरके घेनसे बिश्वास करनमे मिलत हए।

फिलिप्पी 4:4

प्रभुमे रोज आनन्द करओ, मए फिरसे कहात हओं, आनन्द करओ।

फिलिप्पी 4:7

तओ परमेश्वरको शान्ति, जो आदमीको समझके बाहेर हए, जहे शान्ति तुमर हृदय और बिचारनके ख्रीष्ट येशूमे बचाएके धरैगो।

कलस्सी 1:11

परमेश्वरको बडो शक्तिको भण्डारसे आओ भओ, शक्ति पाएके तुम मजबुत होबओ, कहिके मए प्राथना करत हओं। ताकी तुम धैर्य और आनन्दसे अपन दुख सहिपाबओ।

1 थेसलोनिकी 1:6

जैसे तुम ब्यबहार करत हओ बोमे तुम हमरे हानी और परमेश्वर हानी नमुना बने। आफतमे फिर तुम पबित्र आत्माको दओ भओ अच्छो समाचार आनन्दके सँग लए।

1 थेसलोनिकी 2:12

कि अइसो जीबन जिइयओ, जो परमेश्वरके खुसी करत हए, जो तुमके अपने राज्य और महिमामे बुलातहए।

हिब्रू 13:9

हमके जे सब नयाँ और फरक शिक्षाके पिच्छु नाए लागनके हए, जौन गलत डगरमे लैजात हए। खान बारी बातके बारेमे नियमके मानके नाए, पर परमेश्वरको अनुग्रहसे तुमर हृदय मजबुत होबए। जे नियमके पालन करन बारेनको भलो नाए भओ हए।

1 पतरस 1:8

तुम येशूके कभु नाएदेखे हओ, तहुँफिर तुम बाके प्रेम करत हओ। तुम बाके हबए नाए देखैगे। पर तुम बामे बिश्वास करत हओ, बहेमारे तुम बहुत खुसी हओ। तुम कित्नो खुसी हओ कहिके बर्णन करनके सब्द नाए हएं।

2 पतरस 1:1

मए सिमोन पत्रुस, तुमर ताहीं जा चिट्ठी लिखनडटो हओं, मए येशू ख्रीष्टको सेवक और चुनो भओ चेला हओं। मए तुम सबके लिखनडटो हओं, जौन हम सबके समान अनमोल बिश्वास प्राप्त करीहए। जा बिश्वास हमर परमेश्वर और मुक्तिदाता येशू ख्रीष्टद्वारा हमके दओगओ हए, जौन हमके परमेश्वर द्वारा धर्मी बनातहए।